Circle Image

خواجہ امید محی الدّین

@150247

نیدرلینڈ

انگلی پکڑ کے کل جسے چلنا سکھا دیا
آج اس نے سب کے روبرو نیچا دکھا دیا
اصلاً نہیں یہ کوئی بھی ربِّ قدیر ہے
اُس کو گرایا اِس کو پکڑ کر اُٹھا دیا
جس کی اساس پانی کی اک بُوند ہے اسے
لوگوں نے مکر و فن سے سروں پر بٹھا دیا

0
2
جو آج ہے آواز وہ شاید نہ سنوں پھر
ممکن ہے یہ الفاظ کبھی سُن نہ سکوں پھر
اک بار ہی سننے کی سزا جھیل رہے ہیں
اک بار اگر اور کہا کُن فیکوں پھر
سپنے میں انہیں دیکھ کے گھبرا سا گیا مَیں
گر سامنے آ جائیں تو کیا سوزِ دروں پھر

0
10
تم نے بھلا دیا ولے سارا جہان ہے
تیری زمین ہے نہ ترا آسمان ہے
جو چوٹ تیرے ہجر میں کھائی تھی یاد ہے
تم کو نظر کیوں آئے کہ دل پر نشان ہے
جو پیڑ سایہ دار تھا وہ خشک ہو گیا
مجھ کو جنون تھا وہ مرا سائبان ہے

0
13
مجھ کو بھُلا کے تُو نے یہ احسان کر دیا
سفرِ حیات کو بہت آسان کر دیا
لگتی رہیں ہر ایک سے خوش گپیاں مگر
دیکھا مجھے تو جان کر انجان کر دیا
کوٹھی بنائی کہنے لگے آپ کے لئے
مجھ سے تھا اتنا پیار کہ دربان کر دیا

0
10
مجھ سے عجیب ہاتھ مرا پِیر کر گیا
میری زمین پر مکاں تعمیر کر گیا
رہتا ہے اس گلی میں جسے ڈھونڈتے ہیں آپ
آ کر کسی نے موڑ پے تحریر کر دیا
ٰذی مرتبہ حسین تھے ذی مرتبہ رہے
جو کوئی بھی نہ کر سکا شبّیر کر گیا

0
10
چھیڑو نہ فسانے محمل کے اور بات کرو انسانوں کی
چپُّو نہ چلاؤ ساحل پر اور فکر کرو طوفانوں کی
بھگوان کے پاس بھی وقت نہیں انسان بھی گونگے بہرے ہیں
یہ دَور ہے پتھّر کا لوگو یاں کس کو قَدَر ارمانوں کی
وہ دیکھو کُٹیا کے اندر اک جانِ سوختہ لیٹی ہے
جو رام کے واسطے دیتی رہی پر کون سنے بھگوانوں کی

23
روکتی ہیں عمر کی مجبوریاں
ورنہ خاطر میں نہ لاتا دوریاں
خواب میں بھی یہ کبھی سوچا نہ تھا
مجھ سے پہلے پونچیں گی بیساکھیاں
بے سبب تجھ کو گلہ ہے پھول سے
نا ہی ویسے پھول ہیں نا تتلیاں

0
10
مرے خیال میں اب تک وہ بات ہے باقی
کہا تھا چاند نے جس وقت رات ہے باقی
عبور کر لئے کتنے ہی پُل زمانے کے
سنبھل اے دل کہ ابھی پُل صراط ہے باقی
جو ڈرنے والے تھے ہر لغو سے بچے ہی رہے
کہا سرور نے عیش و نشاط ہے باقی

0
7
آ رہی ہے رات تو کچھ غم نہیں
وہ سمجھتی ہے کہ ہم آدم نہیں
جن کے پہلو میں گزارے رات دن
کیا ہؤا جو آج وہ باہم نہیں
کیوں کسی کی برملا تحقیر ہو
آدمی ہے آدمی سے کم نہیں

0
18
کچھ نہیں میرے لئے اب اُن کے پاس
ماسوا اس کے کہ کر جائیں اداس
کیا کبھی سوچا ہے تم نے جانِ مَن
کس طرح کے لوگ ہیں یہ آس پاس
جس نے کاٹی زندگی خُدّام میں
جھونپڑی اس کو کہاں آئے گی راس

0
14
شرارت کی تھی آنکھوں نے سزا پائی مرے دل نے
مجھے مبہوت کر ڈالا ترے نینوں کے کاجل نے
کناروں سے نکلتی مضطرب موجوں کی جولانی
بہت زوروں پہ ہے پانی دیا پیغام ساحل نے
بہت سے منزلوں کی جستجو میں عمر بھر بھٹکے
بہت تھوڑے ہیں جن کو آ کے خود ڈھونڈا ہے منزل نے

0
37
بھُول تو جاؤں مگر یہ اس قدر آساں نہیں
اتنے شکوے ہیں کہ اب لفظوں میں اتنی جاں نہیں
مَیں یہی سمجھا تھا اُن سے ختم ہوں گی رنجشیں
لیکن اب ظاہر ہؤا ہے اس کے بھی امکاں نہیں
جس نے بچّوں کے لئے بے لَوث قربانی نہ دی
وہ ولی اللہ تو ہو سکتی ہے لیکن ماں نہیں

0
12
کیا حُسنِ مجسّم ہے عجب زہرہ جبیں ہے
اس عمر میں بھی دیکھ لو ویسی ہی حسیں ہے
قسمت کے جلَو میں ہیں تغیّر کے مباحث
ہاتھوں کی لکیروں کو غَرَض اس سے نہیں ہے
قرآن کا اطلاق گر آدم پہ ہے پھر تو
فردوسِ بریں دَور بہت دِور کہیں ہے

0
12
پھول رنگیں نہ سہی خوشبو ضروری ہے امید
ابرُو کالے ہوں نہ ہوں گیسُو ضروری ہے امید
دھیان سیرت پر بھی ہو لیکن نہ واللہ اس قدر
اندروں کی خیر ہے خوش رُو ضروری ہے امید
ہاتھ تو اُٹھے ہیں سائل پر دعاؤں کے لئے
صرف چشمِ تر نہیں آنسو ضروری ہے امید

0
12
وہ پوچھتے ہو جس کا مجھے علم نہیں ہے
جن گلیوں میں رہتا ہوں پلا تُو بھی وہیں ہے
وہ جس کو کبھی حُسنِ خداداد پہ تھا زعم
وہ دیکھے مرے شہر کی ہر چیز حسیں ہے
مسند سے رہی دیر تلک جس کی رقابت
اب خود بھی بڑی شان سے سجّادہ نشیں ہے

0
117
شام و عراق و افغان
مَیں اکیلا ہی نہیں سب ابنِ آدم ہیں یہاں
اُٹھ رہا ہے ہر مکاں ہر قصر سے کالا دھواں
اب سروں کو جوڑ کر بیٹھے ہوئے ہیں ساتھ ساتھ
لاشوں پر تعمیر کرنے شہر کوچے بستیاں
گر کبھی دیکھے نہیں ہیں لشکرِ اِبلیس تو

0
16
سب پُوچھتے ہیں نام کبھی کام نہ پُوچھا
آگاہ تھے آغاز سے انجام نہ پُوچھا
ہیں یاد مجھے آج بھی یارانِ قدح خوار
مَیں بھول گیا نام کبھی نام نہ پُوچھا
لا عِلم رہا رشتوں میں دولت کے عَمَل سے
شاعر ہوں مَیں اس واسطے ہی دام نہ پُوچھا

15
گلشن ہے باغ ہے نہ چمن پر نکھار ہے
جس سمت دیکھتا ہوں فضا سَوگوار ہے
کل تک جنہیں ہر آن تھا بس میرا ہی جنوں
اب تو انہیں کو شکل بھی یہ ناگوار ہے
پھولوں پہ رنگ ہے نہ ہے کلیوں پہ تازگی
یہ کیسا باغبان ہے کیسی بہار ہے

0
6
اب کے اُس نے جو نہ ملنے کی قسم کھائی ہے
وہ سمجھتا ہے مری جان پہ بن آئی ہے
دیلھ کر میری ہتھیلی کی لکیریں قسمت
ان گِنَت بار مرے خواب میں شرمائی ہے
ایک فانی پہ دل و جان لُٹانے کا صِلہ
اس سے اچھّی تو کسی قبر کی تنہائی ہے

0
21
تُم غَلَط سمجھے وہاں پر مَیں نہ تھا
مجھ پہ غُصّہ ہے تمہارا بے وجہ
وہ جنہیں تم سے کدورت ہے صنم
میرا اُن لوگوں سے کیسا واسطہ
خبرِ بد چھوڑی رقیبوں نے کہیں
اور تُم نے پڑھ لی میری فاتحہ

0
99
چھین کر دل کا سکوں کہتے ہو تیری خَیر ہو
کاش سمجھائے کوئی اپنے ہو تُم یا غَیر ہو
دیکھ کر ان کا سرِ محفل نگاہیں پھیرنا
یوں لگا مجھ کو ہمارے درمیاں کچھ بَیر ہو
میرے منہ میں خاک پر اکثر ہیں ان میں دھوکے باز
چاہے وہ بت خانہ ہو مسجد ہو چاہے دَیر ہو

0
22
مجھ کو برباد کسی اور کو آباد کیا
اب مجھے بھُول جا جاتے ہوئے ارشاد کیا
دولت و جاہ ہی کیا کم تھی جو اک اور بھی فرق
مجھ کو اک عام سا اور اس کو پری زاد کیا
ڈال کے زنداں میں معصوموں کے پر کاٹ دئے
پھر کہا مالی نے جاؤ تمہیں آزاد کیا

0
18
اُجڑی ہوئی محفل کے سِتَم دیکھ رہا ہوں
کیا لکھتے رہے اہل قَلَم دیکھ رہا ہوں
کیا عادتِ بد میرے وَطَن کی ہے خدایا
ہر بات پہ کھاتے ہیں قَسَم دیکھ رہا ہوں
اک باپ کے کندھوں پہ جواں بیٹے کی میّت
اُٹھتے ہوئے مایوس قَدَم دیکھ رہا ہوں

118
کس طرح غزلیں لکھوں مضمون سےرغبت نہیں
اس زمیں پر گھر نہیں ہے آسماں کی چھت نہیں
دیکھ کر افلاس غُربت عسرتیں حِزن و ملال
کیا کروں واللہ کہ ان صدموں سے ہی فرصت نہیں
امتیازِ غربت و دولت ہے اک ایسی خلیج
جس کو کم کرنے کی شاید اب کوئی صورت نہیں

0
15
آپ شافع ہیں اور مَیں گنہ گار ہوں
سخت عاصی ہوں مولا خطا کار ہوں
عمر کاٹی ہے جیسے سرِ دار ہوں
معترف ہوں کہ واللہ سیاہ کار ہوں
یہ بھی احساس ہے مَیں سزاوار ہوں
اپنے عصیاں پہ واللہ شرم سار ہوں

0
16
تَوسنِ فکر پہ مہمیزِ سخن آیا نہیں
ایسا مہتاب ہے تُو جس پہ گہن آیا نہیں
آندھیاں آڑ بنیں راستے دیوار ہوئے
عزم ایسا کہ کبھی رنج و محن آیا نہیں
دولت و حشمت و ثروت سے رہا بالا مقام
حدّ ِفاصل میں کبھی لعلِ یمن آیا نہیں

0
17
درد و غم ہے عسرتیں آلام ہیں
اس زمیں پر بس یہی انعام ہیں
کامیابی چند لوگوں کے لئے
باقی سارے با خدا ناکام ہیں
پل رہی ہیں اشتہا کی گود میں
عصمتیں ہر چوک پر نیلام ہیں

0
12
اے تلخئی ایّام مَیں کچھ سوچ رہا ہوں
جینا ہؤا الزام مَیں کچھ سوچ رہا ہوں
کل تک تو بھرے شہر میں چرچا رہا جس کا
اب ہو گیا گمنام مَیں کچھ سوچ رہا ہوں
جس در پہ پدھاری ہیں وہ نا چیز کا گھر ہے
رُک جائیے مادام مَیں کچھ سوچ رہا ہوں

0
22
اے لوگو ہم کو دوش نہ دو کیا ہم نے عشق ایجاد کیا
ہم سیدھے سادے لوگ تھے بس اک صورت نے برباد کیا
یہ عاشق بُلبل و فاختہ ہیں خود جال کے اندر پھنستے ہیں
جب پنجرے تک بات آ جائے پھر ہم دم کو صیّاد کیا
یاں اور بھی مشغلے ہیں یارو یاں اور بھی کام ہیں کرنے کے
کیوں اس چکّر میں پڑ کے اپنے آپ کو یوں ناشاد کیا

0
17
اس شہر کے ہر گھر میں عجب آگ لگی ہے
جس کو بھی ٹٹولو گے اسے اپنی پڑی ہے
ہر چند کہ خورشید و قمر جلوہ نما ہیں
آدم کے مقدّر میں وہی تیرہ شبی ہے
خائف ہیں ابھی اس لئے تالے ہیں زباں پر
اک آگ ہے جو وقت کے سینے میں دبی ہے

0
44
چل رہے ہیں جس ڈگر پر اس کی منزل ہی نہیں
ایسی ضد کا فائدہ کیا جس کا حاصل ہی نہیں
کیا کوئی ایسے سمندر سے بھی رکھّے گا امید
جس سمندر کا جہاں میں کوئی ساحل ہی نہیں
چھوڑ کر کشتی بھنور میں ناخدا کہنے لگا
ڈوبتی ہے ڈوب جائے میَں تو شامل ہی نہیں

125
تھم گئی ہیں وقت کی نبضیں قیامت آ گئی
ابنِ آدم کی مجھے لگتا ہے شامت آ گئی
کون ہوں کس دیس سے آیا ہوں مَیں کس کو پتہ
آپ آئے تو مرے قد میں بھی قامت آ گئی
ابتدائے عشق میں تھا کچھ تلوّن آشنا
ٹھوکریں پڑتی گئیں تو استقامت آ گئی

23
گزاری ہے جہاں جیسی شبِ ہجراں میں گزری ہے
کبھی دنیا کی آندھی میں کبھی طوفاں میں گزری ہے
نہ کوئی کارنامہ ہے نہ کوئی داستاں اپنی
جو سچ کہہ دوں تو لگتا ہے کسی زنداں میں گزری ہے
کسی کو ساتھ لے لیتا کسی کے سنگ ہی چلتا
ادھیڑ و بُن کی دلدل میں غمِ انساں میں گزری ہے

2
45
پھول ہیں کلیاں ہیں لیکن باغباں کوئی نہیں
ہم سفر ہیں ہم نوا ہیں رازداں کوئی نہیں
جیت لی توپوں نے بازی مار کر انسان کو
بچ گیا بارود لیکن بستیاں کوئی نہیں
کیا ہؤا ہے آسماں کو رنگ پھیکا پڑ گیا
چاند ہے تارے بھی ہیں پر کہکشاں کوئی نہیں

0
11
دیکھ کر مجھ کو انہیں یکدم پسینہ آ گیا
اپنی حالت یہ کہ اک مُردے کو جینا آ گیا
عشق کی دشوار گھاٹی پر پھٹے ملبوسِ تن
باخدا درزی نہ تھے پر چاک سینا آ گیا
یہ ہماری کم نصیبی تھی کہ رندوں کی دعا
کل ہی چھوڑی تھی کہ ساون کا مہینہ آگیا

0
24
دیکھ آ کر ماں کہ تیری قبر پر آیا ہے کون
قلب و جاں کے ساتھ آنسو درد کے لایا ہے کَون
چھوڑ کر تُم کیوں بھلا اک ننّھے سے معصوم کو
کر گئیں ہر پیار سے نا آشنا محروم کو
مجھ سے پہلے بھی مرے بھائی بہن پیدا ہوئے
وہ بھی تو ایسے ہی تیرے پیار کے شیدا ہوئے

0
31
ہو گئے ایسے پشیمان کہ بس
لے گئیں تہمتیں یوں جان کہ بس
میزباں بننے سے توبہ کر لی
اس قدر آئے ہیں مہمان کہ بس
شین اور قاف کے پہلے سرے پر
آکے یوں بیٹھ گئی عین کہ بس

0
31
کوزہ گری کا شوق تھا پورا نہ ہو سکا
مِٹّی تو جاندار تھی دانے نہ بو سکا
ماضی کی یادیں زندگی کا روگ بن گئیں
کل بھی کچھ ایسی رات تھی پل بھر نہ سو سکا
اوپر تلے کے حادثے بے حِس بنا گئے
مرگِ جوان پر بھی دل مطلق نہ رو سکا

0
29
دیکھ کر مجھ کو انہیں یکدم پسینہ آ گیا
اپنی حالت یہ کہ اک مُردے کو جینا آ گیا
عشق کی دشوار گھاٹی پر پھٹے ملبوسِ تن
گرچہ ہم درزی نہ تھے پر چاک سینا آ گیا
یہ ہماری کم نصیبی تھی کہ رندوں کی دعا
کل ہی چھوڑی تھی کہ ساون کا مہینہ آگیا

0
14
ہر گھڑی مجھ کو یہی اک وہم دامن گیر ہے
یہ جہاں اس کا ہے جس کے خواب کی تعبیر ہے
بیچتے ہیں جسم و جاں ہر ایک گاہک کے لئے
جو کبھی شوہر کا تھا اب اور کی جاگیر ہے
خال کے تِل نے مجھے ویران کر کے رکھ دیا
یہ ہے واحد تیرگی جو سب کو ہی اکسیر ہے

0
15
تم نہیں آئے مگر سارا زمانہ آ گیا
بجلیوں کی زد میں میرا آشیانہ آ گیا
جو بُنا کرتے تھے لوگوں کی کہانی رات دن
آج اخباروں میں ان کا بھی فسانہ آ گیا
رنگے ہاتھوں چوریاں کرتے ہوئے پکڑے گئے
ایک دو کا ذکر کیا سارا گھرانہ آ گیا

0
19
روک لیتا ہوں زباں کو دل نہ دُکھ جائے کہیں
جس طرح کا مَیں مکیں ہوں وہ بھی ایسے ہی مکیں
عمر ہے باسٹھ برس کی لیکن اپنے آپ کو
پیش کرتی ہیں کسی محفل کی شمعِ نازنیں
بات کرنے پر جو آ جائیں تو رُکنے کے نہیں
کتنا ہی شور و شغب کرتے رہیں گو سامعیں

0
122
تصویرِ یار یوں مرے دل میں رہا کرے
انگشتری میں جیسے نگینہ رہا کرے
جس عاشقِ جاں باز کی جاں ہو عذاب میں
وہ کوئے یار جا کے اذانیں دیا کرے
روشن کرو تو عالمِ تیرہ کو اس طرح
جیسے ردائے صبح کو روشن ضیا کرے

0
49
میری زبان بند ہے ہر ایک کی نہیں
لوگوں کے لب پر آ گئی تو پھر رکی نہیں
اک عرصے بعد دیکھ کر ان کو مری نظر
ٹھٹکی تھی چند ساعتیں لیکن جُھکی نہیں
رندانِ بادہ خوار ہوں یا مفلس و غریب
سارے ستم رسیدہ ہیں کوئی سُکھی نہیں

0
15
روک لے اللہ مری کُٹیا پہ بجلی کا جلال
تیرے وعدوں پرگزارے زندگی کے ماہ و سال
لے گئے تثلیث کے فرزند میراثِ خلیل
اور مَیں راہوں میں آوارہ جنونی خستہ حال
اچھّا ہے عاشق نہیں ہوں کیا ملا عشّاق کو
دیکھ لو کیسی درخشندہ ہے رانجھے کی مثال

2
119
مرے وجود پہ نقشِ کہن کے لاشے ہیں
مری زبان پہ تشنہ لبی کے افسانے
مرے غنیم کو عقل و خِرد کا ہیضہ ہے
اسے خبر نہیں کس حال میں ہیں دیوانے
مَیں رات ہوں مری تقدیر میں ہے تیرہ شبی
کبھی چڑھے گا دِن یا نہیں سحر جانے

0
22
رات تو تیرہ تھی لیکن دن بھی اب تاریک ہے
یا اگر کچھ فرق باقی ہے تو بس باریک ہے
بے سبب غیروں کی باتوں میں نہ یوں آیا کرو
مَیں تو ہوں نزدیک تر تُو اور بھی نزدیک ہے
جب کبھی غُصّہ انہیں آئے تو واللہ صبر کر
کیونکہ یہ غُصّہ نہیں ہے چاہتوں کی بھیک ہے

0
21
ریت کی دیوار تھا مَیں گِر گیا تو کیا ہؤا
بے وفا کی دوستی میں باوفا رُسوا ہؤا
چھوڑ کر رستے میں مجھ کو ناخُدا کہنے لگا
ڈھونڈھ لینا راہ میں تِنکا کوئی بہتا ہؤا
وہ لڑکپن کی بہاریں مستیاں شور و شغب
کس طرح بھولے گا دل سے دَور وہ گزرا ہؤا

2
66
وہ وفائیں مری آزماتے رہے
ہم بھی دانستہ ہر زخم کھاتے رہے
مَیں ادھر قصۂ غم سناتا رہا
وہ اُدھر زیرِ لب مسکراتے رہے
ہم تو اپنی وفاؤں پہ نازاں رہے
وہ بھی اپنی جفائیں نبھاتے رہے

0
29
آواز دے رہا ہوں اجالوں کو دیر سے
گزرے ہوئے مہینوں کو سالوں کو دیر سے
تم کون ہو کہاں سے ہو کیا ذات پات ہے
فرسودہ و بے کار سوالوں کو دیر سے
کوئی نہیں جو تیری صدائوں کو سُن سکے
سُب جانتے ہیں تیرے خیالوں کو دیر سے

0
30
اے گردشِ زمانہ مری بات مان لے
اب آخری لبوں پہ ہے یہ جان جان لے
جس نے کبھی خود اپنے لئے کچھ نہیں کیا
تم ہی کہو کیوں اس کی خبر آسمان لے
جو اپنے دل کی بات کسی سے نہ کہہ سکے
وہ غم گسار خالقِ اعلیٰ کو مان لے

0
40
آیا تھا پھر سے خواب دکھا کر چلا گیا
مَیں نیند میں تھا مجھ کو جگا کر چلا گیا
کن حسرتوں سے مَیں نے بنایا تھا جھونپڑا
کتنا بے داد گر تھا گرا کر چلا گیا
دنیا ترے فریب کا پردہ ہؤا ہے چاک
اس وقت جب تُو بجلی گرا کر چلا گیا

0
11
دیکھ کر تصویر میری پھیر لی اس نے نظر
خیریت گزری وہاں پر مَیں نہ تھا بارِ دِگر
غیر کے کہنے پہ مجھ سے بے سبب ناراض ہو
جبکہ مَیں ایسا نہیں جس نے چلائی تھی خبر
چل رہی ہے نسلِ نَو اُس خاص طرزِ فکر پر
نا کوئی منزل ہے جس کی نہ کوئی رستہ نہ گھر

0
17
کب سے ہے مرے دل میں اسی بات کا ڈیرا
گر رات پہ جوبن ہے تو کیوں بُوڑھا سویرا
آ جاؤ مرے ساتھ سبھی مل کے صدا دیں
جو میرا ہے اے دوست وہی دکھڑا ہے تیرا
جو شخص تمہیں دیتا ہے ہر روز دلاسے
آدم کے لبادے میں ہے انسان لٹیرا

0
29
کون کہتا ہے کہ ہم سایۂ دیوار میں ہیں
سچ تو یہ ہے کہ سبھی دشمنِ آزار میں ہیں
حضرتِ شیخ کو ہے ایک فضیلت حاصل
رام کر سکتے ہیں کہ صاحبِ گفتار میں ہیں
سارے عشّاق میں ہے جانے رقابت کیسی
ایک منزل کے مسافر ہیں رہِ خار میں ہیں

0
58
کسی کروٹ نہیں ہے چین یارو
سنائی دے رہے ہیں بَین یارو
بڑی روشن ہیں گو سُورج کی کرنیں
مگر ہر سُو اندھیرا رَین یارو
تکلّف ہے سراسر رشتے داری
بناوٹ آ گئی مابَین یارو

0
35
کب سے ہوں منتظر وہ بھلے دن ہو رات ہو
وہ وقت آئے جب ترے ہاتھوں میں ہاتھ ہو
ماضی میں جھانکنے دے مجھے تیز گامِ زیست
شاید کہیں سلیٹ ہو تختی دوات ہو
جس بد نصیب ماں کی کہیں جیب کٹ گئی
ممکن ہے اسکی صرف یہی کائنات ہو

21
مِنّتیں کرنے سے اس کو بھول جانا ٹھیک ہے
تاکہ وہ بھی جان لے پیچھا چھڑانا ٹھیک ہے
روٹی کھانے کو نہیں اور برتھ ڈے کا شوق ہے
ان کو پیدائش نہیں برسی منانا ٹھیک ہے
گرچہ پہلی سی رفاقت تو نہیں پھر بھی ذرا
گاہے گاہے راہ میں ملنا ملانا ٹھیک ہے

0
15
جیت گئے مظلوم وہاں کے آخر ظالم ہار گیا
تیرا تکبّر تجھ کو مودی دوزخ اندر گاڑھ گیا
بی جے پی نے تجھ سے مل کر کتنے لاشے بچھوائے ہیں
آنکھ اُٹھا کر دیکھ اُدھر بھی لاشوں کا انبار گیا
ہاتھوں میں کشکول اٹھائے گائے گا جھولی پھیلائے
اس سے اچھّی چائے تھی اب وہ بھی کاروبار گیا

0
22
اس طرح روٹھ کے جاؤ گے تو مشکل ہوگی
طعنِ اغیار میں رسوائی بھی شامل ہو گی
دن گزر جاتا ہے پر رات بہت خَوف زدہ
کیا خبر آج بلا کونسی نازل ہو گی
صبح ہو لینے دو رات بھی کالی ہے ابھی
بے سبب تیرہ شبی رستوں میں حائل ہو گی

0
27
مجھکو خدشہ ہے مجھے چھوڑ نہ جاؤ اک دن
ورنہ اتنا تو کرو پیار سے چاہو اک دن
وہ جو اک گیت مرے پیار میں گایا تھا کبھی
آؤ اور آ کے مرے سامنے گاؤ اک دن
مونہہ پہ لاتے ہوئے ڈرتے ہو اگر دل کی زباں
اچھّا چوری سے کبھی آنکھ ملاؤ اک دن

0
24
تُو جو نہیں ہے تو کچھ بھی نہیں ہے
یہ مانا کہ محفل جواں ہے حسیں ہے
اگر کوئی رُوٹھے تو جا کر مناؤں
کہاں تجھ کو ڈھونڈوں کہاں تجھ کو پاؤں
وہی آسماں ہے وہیں پر زمیں ہے
تُو جو نہیں ہے تو کچھ بھی نہیں ہے

0
10
195
بھول جانے پر بھی مجھ کو یاد آ جاتے ہو تُم
سامنا ہو جائے تو مِلنے سے کتراتے ہو تم
گر اچانک راہ میں مل جائیں تو پھر یک بیک
چھوڑ کر میری ڈگر راہوں سے ہٹ جاتے ہو تم
زندگی گزری تری لیلائے شب میں ہم وطن
اس لئے خورشید کی کرنوں سے گھبراتے ہو تم

0
60
یہاں غم مفت ملتے ہیں خوشی کے دام لگتے ہیں
مری باتوں میں سچ ہے آپ کو ابہام لگتے ہیں
محبتّ میں جنہیں دکھ جھیلنے آتے نہیں شاعر
مجھے ہر گام ہر منزل پہ وہ ناکام لگتے ہیں
یہ کیسی مسکراہٹ ہے کہ آنکھیں ہو گئیں پُر نم
مجھے ایسی ہنسی میں درد کے آلام لگتے ہیں

0
32
دیکھتی آنکھوں کوئی زہر کو پینے سے رہا
پھٹ گیا عرش تو آدم اسے سینے سے رہا
ہر طرف جُرم کا ناداری و افلاس کا زور
ایسے حالات میں کب کوئی قرینے سے رہا
جس نے ساحل پہ کھڑے رہ کے سمندر دیکھا
علم کیا اس کو کہ وہ دُور سفینے سے رہا

0
18
جو راز اس کے مونہہ سے اچانک نکل گیا
میرے شک و شکوک کو یکسر بدل گیا
کرتے تھے سب دعائیں اٹھا کر فلک کو ہاتھ
اب آسماں ہی قصۂ آدم نگل گیا
دیتے ہیں درسِ صبر مساجد میں شیخ جی
یہ صبر کہاں بے بسی ہے جو بھی مل گیا

0
4
66
اکتفا ہر بات پر ممکن نہیں
کیونکہ ہر برسات بھی ساون نہیں
چھپ گئی تصویر ہم دونوں کی ساتھ
ان کو ہو تو ہو مجھے الجھن نہیں
آج تو دیدار ہو گا بالضرور
ورنہ دروازہ نہیں چلمن نہیں

0
2
35
دل کی آواز بجا نقش بہ دیوار بھی دیکھ
مال و دولت ہی نہیں صاحبِ کردار بھی دیکھ
عین ممکن ہے کسی بات میں کچھ جھُول بھی ہو
ہاں مگر دوست کسی دوست کا ایثار بھی دیکھ
ابر آلود نہیں مطلع ابھی دُور تلک
خسِ گرداب میں طوفان کے آثار بھی دیکھ

2
72
جامۂ عقل و خِرد کی نازبرداری کا عشق
تیسری دنیا کی بربادی پہ تیّاری کا عشق
تاخت و تاراج کر کے آدھی دنیا کا سکوں
اور کچھ مقصد نہیں ہے محض سرداری کا عشق
لُوٹ کر کمزور قوموں کا عروج و سلطنت
ان ضعیفوں کی ضعیف المال ناداری کا عشق

0
31
جو بات اپنی اصل میں حد سے گزر گئی
لب پر اگر نہ آئی تو دل میں اتر گئی
پوچھا تھا آج موت سے کب تک ہے زندگی
کہنے لگی حیات ہی بے مَوت مر گئی
کیا حشر میں غریب سے بھی ہو گی گفتگو
جب زندگی بھی حشر کی صورت گزر گئی

0
36
کہہ رہے ہیں ہم نوا اشعار کہنا چھوڑ دے
تیرنا مشکل ہے تو دریا میں رہنا چھوڑ دے
یا کسی ساحل پہ جا کر اپنا چھپّر ڈال لے
یا تلاطم خیز بن گلیوں میں بہنا چھوڑ دے
یا روا و ناروا کی بحث میں الجھا نہ کر
یا شکم پرور نہ بن اور آب و دانہ چھوڑ دے

2
137
روٹھنا چاہو تو بے شک روٹھ جاؤ شوق سے
مجھ کو بھی پرواہ نہیں ہے آزماؤ شوق س
اس سے بڑھ کر اور کس کو نام دوں صبرِ جمیل
سب رقیبوں کو سرِ محفل بلاؤ شوق سے
رات کے دامن میں جسموں کی نمائش کی وجہ
پیٹ کی مجبوریاں ہیں گھر چلاؤ شوق سے

0
55
وہ جس سے پیار ہے مجھ کو اسی بستی میں رہتی ہے
ہوا کے دوش پر ہر بات سنتا ہوں سناتی ہے
وحی تو ہو نہیں سکتی مگر الہام باقی ہے
جو میرے لب پہ آ جائے وہی وہ گنگناتی ہے
کبھی دیکھا نہیں مجھ کو کبھی چاہا نہیں مجھ کو
کسی محفل میں مِل جائے تو یوں آنکھیں چراتی ہے

0
45
نوائے درد بڑھ جائے تو آخر نوحہ بنتی ہے
یہی وہ موجِ دریا ہے جو گِر کے پھر مچلتی ہے
جنم سے قبر تک کا فاصلہ از بس کہ چھوٹا ہے
یہ شمع شام سے صُبحِ منوّر تک ہی جلتی ہے
ادھر انسان لمبے لمبے منصوبے بناتا ہے
اُدھر تقدیر اس کی خواہشوں پر ہاتھ ملتی ہے

0
26
زباں پر آئی باتیں کس نے روکی ہیں بتاؤ تو
مجھے تم اچھےّ لگتے ہو ذرا نزدیک آؤ تو
بڑی دلکش ہیں رعنا ہیں دلوں کی بستیاں ہمدم
عیاں ہو جائے گا خود ہی کسی کو دل میں لاؤ تو
بہت مغموم لگتے ہو کہو کیا بات ہے جاناں
کسی کو مان کر اپنا جلے دُکھڑے سناؤ تو

0
58
بھُول کر شکوے غموں کے راحتوں کا کر شمار
صحت اور ایمان ہے اک بحرِ نا پیدا کنار
دولت و شوکت کے لالچ میں گنوا کر عِزّ و جاں
اپنی اصلیت کو انساں کر رہا ہے داغدار
کتبہ پڑھتے ہی کہا شاید وہی جانباز ہے
پھر دعا کو ہاتھ اٹھائے دیکھ کر میرا مزار

0
32
غم بیچتا ہوں کوئی خریدار گر ملے
امن و سکون وار دوں لاچار گر ملے
گر ہو سکے نہ تیرے غموں کا کوئی علاج
خوشیوں کے مول تول دوں غمخوار گر ملے
رنج و الم سے کیا گِلہ مجھ کو بایں ہمہ
کر لوں قبول شوق سے اک بار گر ملے

41
نعیم عارف ادب کا رازداں ہے
کہانی گو نہیں خود داستاں ہے
خودی کے رازداں سے آشنائی
کرے باتیں تو لفظوں سے عیاں ہے
مکمّل دسترس ہے اپنے فن میں
زبانِ ڈچ کا بھی بحرِ رواں ہے

0
20
جو دل سے اتر جائے وہ اچھّا نہیں لگتا
ہر بات جو حلفاً کہے سچّا نہیں لگتا
گو عمر تو چھوٹی ہے مگر بات کی تہہ تک
اس طرح وہ پہنچا ہے کہ بچّہ نہیں لگتا
معصوم پہ یوں ظلم و تشدّد کا اعادہ
بیگانہ تو ہو سکتا ہے چچّا نہیں لگتا

0
1
38
عجب اُلٹا سفر ہے تیرے گھر کا
کہ منزل ہے کہیں رستہ کدھر کا
کڑی افتاد دیکھی دل لگی میں
کہ دل کے ساتھ ہی سودا جگر کا
کوئی تحفہ کروں ارسال ان کو
عنایت کر دیں گر سائز کمر کا

0
40
کل بھی گزرا تھا انہی رستوں سے اب تک یاد ہے
آج بھی دل کا نگر کل کی طرح برباد ہے
اس کو پا کر کھو دیا جس کے لئے پیدا ہؤا
ایک بد قسمت کی یارو اس قدر روداد ہے
جو کبھی سوچا نہ تھا وہ کام کرنا پڑ گیا
یہ زمانہ بالیقیں سب سے بڑا استاد ہے

0
21
اپنی شریکِ حیات کے نام
جو
زندگی کے ہر نشیب و فراز میں
میرے ہم قدم رہیں

0
15
بادیہ پَیما ہے تو بستی میں رہنا چھوڑ دے
ہمسفر شاہیں کا ہے تو گھر بنانا چھوڑ دے
بے سبب اُلجھا نہ کر بحرِ تلاطم خیز سے
دوستی دریا سے رکھ گلیوں میں بہنا چھوڑدے
ہم نفس کوئی بھی ہو اپنی محبّت سے نواز
سب کے دل کا درد بن اپنا فسانہ چھوڑ دے

0
99
ماں
یہ مرا ایمان میری روح کا احساس ہے
گو تجھے دیکھا نہیں پر ماں تُو میرے پاس ہے
کیسی ہو گی شکل تیری کیا سراپا تھا ترا
ناک آنکھیں ہونٹ چہرہ کیسا ہے ماتھا ترا
آج موقع ہے تو سُن غافل کھڑا پچھتائے گا

0
29
برگ و گُل ہے چاند ہے تارا مرا شایان ہے
ہرکسی کو ہر جگہ پیارا مرا شایان ہے
خوب صورت پھول ہیں مہکار سے مہکے ہوئے
کوئی اس جیسا کہاں نیارا مرا شایان ہے
سارے بچّوں میں اُسے پہچاننا مشکل نہیں
تھُوک میں لِتھڑا ہؤا سارا مرا شایان ہے

0
46
بتائی عمر ساری اس گلی میں
ابھی عمروں کی عادت ہو گئی ہے
*
جھاڑیوں کی اوٹ میں پچھلے پہر کا آفتاب
جیسے مفلس کا بڑھاپا جیسے بیوہ کا شباب
*

0
58
اب یادِ رفتگاں کے سوا کچھ نہیں بچا
چنگ و رباب و نغمہ سرا کچھ نہیں بچا
بیٹے کی جان کے لئے ماں بھینٹ چڑھ گئی
آنکھوں کی شرم رنگِ حنا کچھ نہیں بچا
محشر میں فرقِ ادنیٰ و اعلیٰ ہؤا عیاں
شاہ و گدا و زِلّہ ربا کچھ نہیں بچا

0
31
بیچ کر اپنا مکاں جب بے مکاں ہونا پڑا
اچھّے خاصے آدمی کو خستہ جاں ہونا پڑا
سنتے آئے تھے کہ وہ کافی تلوّن خیز ہیں
جب ذرا پالا پڑا تو ہم زباں ہونا پڑا
کل سرِ محفل کسی نے بات کچھ ایسی کہی
روک تو سکتا تھا لیکن بے زباں ہونا پڑا

0
46
مری سوچوں کو اندازِ نمُو دے
خِرد کو دِل دے دِل کی آرزو دے
جو تِیرہ ہیں انہیں کر دے منوّر
منوّر کو رہِ یثرب کی خُو دے
ممیزّ کر مرے صِدقِ عمَل کو
عَمَل کو عِلم کا جام و سبو دے

0
60
ہزار طوفان بحر و بر میں مزاجِ دریا بھی پر خطر ہے
مجھے ضرر کیوں ہو رنج و غم سے کہ ربِِّ کعبہ کو سب خبر ہے
اگرچہ راہِ وفا سے ہٹ کے مَیں تھک گیا تھا غمِ شرر سے
مَیں مطمئن ہوں زمانے والو کہ قلب و جاں میں نبی کا گھر ہے
اے مومنو حِرزِ جاں بنا لو محمّدّی ہیں نشاں بنا لو
چھٹیں گے بادل ضرور اک دن یہ وعدۂ سیدُّ البشر ہے

0
84
یا تو وقفِ آرزو یا مبتلائے خُو رہے
ہم وہ عاقل ہیں جو دریا میں تلاشِ جُو رہے
زندگی موج و تموّج ہے تو کیوں اس پر ملال
یہ کسی چھپّر کی ہو یا بزمِ رنگ و بُو رہے
آؤ ان گم گشتہ راہوں پر ملیں پھر ایک بار
مَیں جہاں پر مَیں نہ ہوں تُو بھی نہ دلبر تَو رہے

0
82
مجھے چھوڑ کر یونہی راہ میں وہ چلے گئے ہیں تو کیا ہؤا
یہ تو ان کی مرضی ہے جو کریں ولے مَیں نہ اُن سے جدا ہؤا
ہیں جو ماہ و سال رکے رکے یہ گزر ہی جائیں گے ایک دن
یہاں وصل و قرب کا کام کیا یہاں کس کا وعدہ وفا ہؤا
شبِ ہجر گر چہ طویل تھی چلیں جیسے تیسے گزر گئی
یہاں دن کا سورج بھی بارہا رہا بادلوں میں چھپا ہؤا

44
جب ملے تو اتنے قریب کہ غمِ دو جہاں سے گزر گئے
جب الگ ہوئے تو مجھے لگا ترے آستاں سے گزر گئے
رہ حُسن کیا ہے صنم مجھے تری دوستی نے سکھا دیا
جہاں وصل و ہجر میں ٹھن گئی وہاں درمیاں سے گزر گئے
یہ بقائے عشق کا راز ہے رہیں شک شکوک سے ماورا
جہاں ایسا ہونے کو آگیا وہاں رازداں سے گزر گئے

37
مجھے جب سے مُحبّت ہو گئی ہے
بدن سے جان رخصت ہو گئی ہے
جھُکایا سر کو دِل کی آرزو پر
ارے پاگل عبادت ہو گئی ہے
کبھی گر مِل گئے تو طعنے شکوے
عجب ان کی طبیعت ہو گئی ہے

45
ایک عرصے سے مجھے یہ وہم دامن گیر ہے
جو ترے کمرے میں رکھی ہے مری تصویر ہے
سن کے میری داستاں گویا ہوئے مجھ سے خطیب
خواب تو اچھٖا تھا یہ کس خواب کی تعبیر ہے
رات تو گھُپ تھی ہی لیکن کمرہ بھی تاریک تھا
تیرے آنے سے لگا ہر چیز پر تنویر ہے

0
32
جھاڑیوں کی اوٹ میں پچھلے پہر کا آفتاب
جیسے مفلس کا بڑھاپا جیسے بیوہ کا شباب
دور صحرا میں کسی رہرو کو پانی کی تلاش
رات کی ڈھلتی جوانی بدلیوں میں ماہتاب
تنگدستی کی گھٹن سے زخم خوردہ نازنیں
اور پھر حجرے کے اندر مستیاں کارِ ثواب

0
34
لاکھ پردہ کرو چاہے اوجھل رہو میری نظروں سے بچ کر کہاں جاؤ گے
ایسی دیوار اب تک بنی ہی نہیں جسمیں حُسنِ مجسّم چھپا پاؤ گے
اپنے گھر سے نہ یوں بے حجابا چلو کیا عجب راستے میں ملیں شیخ بھی
اک نظر کی اجازت تو ہے شیخ کو کب تلک اپنا دامن بچا پاؤ گے
راستے میں رقیبوں کے گھر آئیں گے یہ بڑے مفسدی ہیں بڑے تند خُو
ہیلو ہائے پہ مجھکو شکایت نہیں بات آگے بڑی تو ستم ڈھاؤ گے

0
30
آج پھر اپنے رقیبوں سے ملاقات کا خوف
اپنے ہم پیشہ و ہم مشرب و ہم ذات کا خوف
ہر کسی بات میں آتے ہیں نشیب اور فراز
باتیں کرتے ہوئے ہر چیز کا ہر بات کا خوف
پھر کہیں تلخ مباحث سے ہو تکرار مزید
گزرے ایاّم سے وابستہ خیالات کا خوف

0
41
ڈھونڈتے رہتے ہو کچھ اُن راستوں کے درمیاں
زندگی بیتی تھی جن پر حسرتوں کے درمیاں
تھک کے آ بیٹھا پرندہ پھر اسی دیوار پر
جس پہ اک عرصہ گزارا دوستوں کے درمیاں
کاش مل جائیں وہ ساتھی دوست ہم راہی کبھی
درد بانٹا کرتے تھے جو عسرتوں کے درمیاں

0
60
میری تصویر گرا کر جو اٹھائی اس نے
مجھ کو لگتا ہے مری خاک اڑائی اس نے
سب رقیبوں نے مری خوب اچھالی عزت
بات جب ختم ہوئی گرہ لگائی اس نے
مَیں نے اب تک تو کوئی چیز نہ مانگی اس سے
پھر بھی ہر بار دیا دردِ جدائی اس نے

0
34
مجھ سے ناراض ہیں وہ اور بتاتے بھی نہیں
تشنگی بڑھنے لگی پیاس بجھاتے بھی نہیں
یوں تو ہر بات پہ کہتے ہیں بھئی راز ہے یہ
گر یہی سچ ہے تو پھر راز چھپاتے بھی نہیں
گر مری بات پہ شک ہے تو انہیں کال کریں
فون پکڑے ہوئے بیٹھے ہیں گھماتے بھی نہیں

0
43
غیروں نے دُکھ دئے ہیں تو اپنے بھی کم نہیں
گھاؤ لگے ہیں ایسے کہ لفظوں میں دم نہیں
چھُریوں سے جسم کاٹتا ہے پیشہ ور قصاب
میرے لئے تو تیرے بہانے بھی کم نہیں
سب کچھ لُٹا کے آج بھی اُف تک نہیں کیا
ایسا نہیں کہ درد نہیں آنکھ نم نہیں

0
35
روک سکتے ہو تو روکو روکنا ممکن نہیں
رات میری ہی سہی تیرے لئے بھی دن نہیں
گھُپ اندھیروں میں چمکتی بجلیاں ہیں رہنما
شورشِ طوفاں ہیں ہم معصوم کی دھڑکن نہیں
ہر چمن کے رنگ و بُو میں لازماً ہے اختلاط
جس چمن میں پھول ناہوں وہ مرا گلشن نہیں

0
37
جل گئی بستی تو سب کہتے ہوئے پائے گئے
یہ وہی شعلے ہیں جو پہلے بھی بھڑکائے گئے
چھوڑ دو رہنے بھی دو کیوں پوچھتے ہو بار بار
ہم وہی مضمون ہیں جو بارہا آئے گئے
یہ تعلّق پارسائی کا نہیں قربت کا ہے
ہم جہاں پہنچے ہمارے ساتھ ہَمسائے گئے

0
41
جب تجھے یاد کیا پاس ہی پایا تجھ کو
روٹھے خوابوں میں تو سپنوں میں منایا تجھ کو
قربتیں بڑھنے لگیں تو غیر بھی بڑھتے گئے
میرے رستے سے رقیبوں نے ہٹایا تجھ کو
بھوک و بیماری کی شدّت میں اضافہ اتنا
کیوں نظر آتا نہیں ظُلم خدایا تجھ کو

0
19
ماضی کے جھروکوں سے نکل جائیں تو اچھّا
صدمات کے نشتر سے سنبھل جائیں تو اچھّا
جس آگ نے ہر بار جلایا ہے تن و توش
اس آگ میں اک بار ہی جل جائیں تو اچھّا
حالات کے دھاروں کو بدلنا نہیں آساں
اب سوچا ہے ہم خود ہی بدل جائیں تو اچھّا

0
36
راستوں کی گرد میں کچھ بھی نظر آتا نہیں
ہر صدف کی گود میں لعل و گُہر آتا نہیں
پہلے سارے راستے تھے میرے گھر کے آس پاس
اب کسی بھی راستے پہ میرا گھر آتا نہیں
یوں تو ہر اک کام میں اُن کو ہے کامل دسترس
جو کسی کو شاد کردے وہ ہنر آتا نہیں

0
47
سب آج کی رَو میں بہتے ہوئے وہ دَور پرانا بھُول گئے
وہ اپنی کہانی لے بیٹھے اور میرا فسانہ بھول گئے
جن لوگوں سے تھوڑا ملتے ہیں جب پرکھا اچھّے لوگ ملے
جب جب بھی وفا کا ذِکر چلا کنّی کترانا بھول گئے
دنیا کے جھمیلوں میں ہم سب اس طرح سے غرقِ ناب ہوئے
جینے کی دعائیں یاد رہیں مرنے کا ترانہ بھول گئے

0
26
اے ساقئی لاہوت نئی شمع جلا دو
الفت کی لطافت سے کوئی جام پلا دو
بڑھتے ہوئے آلام سے ہر گز نہیں شکوہ
اک طبقہ ہی مخصوص ہے کیوں اتنا بتا دو
عادل کی عدالت میں کھڑا شک زدہ ملزم
ثابت نہیں الزام مگر جیل کرا دو

0
37
اگر وہ آسماں ہوتے تو مَیں اُن کی زمیں ہوتا
اگر ایسا نہ کر سکتا تو پھر زیرِ زمیں ہوتا
ارادے باندھتا ہوں سوچتا ہوں توڑ دیتا ہوں
کبھی ایسا نہ کر سکتا اگر پُختہ یقیں ہوتا
تقابل کا کروں دعویٰ یہ ہمّت ہے کہاں میری
اگر ایسا ہی ممکن تھا تو پھر تم سے حسیں ہوتا

0
35
شاخوں پہ پھول ہیں نہ طلب باغبان کو
روتی رہی نسیمِ سحر آسمان کو
کرتے ہیں قتل و خون سے دھرتی لہو لہو
بہتان باندھ دیتے ہیں خنجر سنان کو
مایوسیوں اداسیوں کا طوق الاماں
پہنچے گی کب زمیں کی خبر آسمان کو

0
54
مجھ کو شبِ فراق سے ہرگِز گِلہ نہیں
وصل و فراق داستاں ہے فاصلہ نہیں
اس پیڑ کے نیچے ہے کسی بے گنہ کی لاش
شاید اسی لئے کوئی پتّا ہرا نہیں
صحرا سے آ رہی ہے کسی فاقہ کش کی گونج
دنیا میں زندہ رہنے سے بڑھ کر سزا نہیں

44
جب وہ محفل میں بے نقاب آیا
واللّہ ہر چیز پر شباب آیا
چہرہ زلفوں میں یوں جھلکتا ہے
جیسے بدلی میں ماہتاب آیا
ہوئی عنقا وفا کتابوں سے
نئے ٹیچر نیا نصاب آیا

29
زندگی جتنی مختصر دیکھی
اس سے بھی بڑھ کے بے خبر دیکھی
وصل کی رات اتنی چھوٹی کہ
آن کی آن میں سَحَر دیکھی
شہر میں بستیوں میں گلیوں میں
اتنی غربت کہ سر بسر دیکھی

0
30
بھول کر اپنا تخلّص نام تیرا لکھ دیا
شاعری احقرنے کی پیغام تیرا لکھ دیا
ہر گھڑی تیرا تخیّل ہر زماں تیرا گداز
لکھتے لکھتے لفظوں نے اندام تیرا لکھ دیا
عمر بھر کی جمع پونجی کاروبارِ زندگی
جو اثاثہ ہے مرا مادام تیرا لکھ دیا

42
بک گئے دیوار و در تو سب نے پوچھا کیا ہؤا
اس طرح میرے سبھی رشتوں کا پردہ وا ہؤا
تین دن پہلے بھی تھے اور چار اس کے بعد کے
اس طرح ان سے ملے کو ہم نوا ہفتہ ہؤا
بھوک کے ہاتھوں کئی معصوم جانیں چل بسیں
نہ کسی نے آہ کھینچی نہ کہیں سکتہ ہؤا

37
جہاں جس راہ پر وہ پاؤں اپنے مہ جبیں رکھتا
مرے بس میں اگر ہوتا وہاں اپنی جبیں رکھتا
کہیں پر کھو گیا گُم ہو گیا بیتا ہؤا ماضی
اگر پہلے خبر ہوتی خزانے میں کہیں رکھتا
خدا کا شکر ہے جو بچ گیا ان نازنینوں سے
نہ جانے حشر کیا ہوتا اگر ان پر یقیں رکھتا

32
پانی کی لہروں میں چہروں کے تھِرکتے خدّوخال
جس طرح مفلس کی بانہوں میں تڑپتے نَو نہال
اس طرف پیرانہ سالی کی نقاہت کا بخار
اس طرف بچّوں کے شِکمِ جبر کی زندہ مثال
کٹ گئی ہے عمر ساری این و آں کی دوڑ میں
نہ کوئی شغل و لطافت نہ کوئی زہرہ جمال

34
یہ کیسا دَور ہے ہر موڑ پر مشکل سے گزرے ہیں
انہیں رستہ نہیں ملتا جو ہر منزل سے گزرے ہیں
جسے پا کر طبیعت اور بھی بے چیَن ہو جائے
اسے کھو کر سمجھ آئی عجب حاصِل سے گزرے ہیں
گئے گزرے زمانوں کا تسلسل یاد جب آئے
تو پاگل دِل سمجھتا ہے تری محفل سے گزرے ہیں

0
33
ریگ زاروں میں گزاری زندگی
کس نے بھیجی کب اتاری زندگی
بچّوں کی فیسیں کتابیں ادویات
اتنی مشکل اتنی بھاری زندگی
اس قدر دعوے غرور و تمکنت
کاش ہوتی انکساری زندگی

44
روٹھ جائیں تو منانے نہیں آتا کوئی
بات سننے یا سنانے نہیں آتا کوئی
رات تاریک تھی اتنی کہ سَحَر ہو نہ سکی
ان اندھیروں کو مٹانے نہیں آتا کوئی
جب تلک چلتے رہے گرتے رہے اٹھتے رہے
وقت بدلا تو اٹھانے نہیں آتا کوئی

0
37
کبھی مل گئے جشنِ عیدتھا
ورنہ محض وعدہ وعید تھا
انہی پیر قبلہ نے جُل دیا
کبھی جن کا پکّا مرید تھا
کئے بند تم نے وہ در سبھی
کبھی مَیں ہی جن کی کلید تھا

0
41
رات تاریک ہے تو شمع جلائے رکھنا
قافلے والو ذرا ربط بنائے رکھنا
جانتا ہوں کہ مرے آنے میں تاخیر ہوئی
اتنی سی بات پہ بس مُوڈ بنائے رکھنا
غمزہ و مژگاں کے افسوں سے ذرا پہلو تہی
ان پری زادوں سے دامن کو بچائے رکھنا

0
79
خاک سے پیدا ہؤا اور دفن بھی ہے خاک میں
ہیں وہی اجزائے ترکیبی زمیں کی راکھ میں
یہ گُل و لالہ کے نغمے سبزیاں دالیں فروٹ
اس زمیں سے اُگ کے پھر شامل ہوئے خوراک میں
خاک سے انساں بنا انسان سے ہی خورونوش
دونوں کے اجزا ہیں شامل دونوں کی خوراک میں

0
58
نہ گھائل ہوں نہ زخمِ سینہ کاری
بس آشوبِ جہاں نے مت ہے ماری
وہ کیسے پھرتے ہیں سینہ پھلائے
کوئی نالش نہ حدِّ فوجداری
مسائل نے جکڑ رکھّا ہے سب کو
مگر اک کوششِ پیہم ہے جاری

37
زمیں چھوٹی گناہ حد سے زیادہ
پلینٹ چاہئے قد سے زیادہ
ہمیں خطرہ نہیں ہے دشمنوں سے
کہ ہم دشمن ہیں سرحد سے زیادہ
عجب الجھے ہیں دامِ رنگ و بُو میں
دھیاں گنبد کا مسجد سے زیارہ

0
36
جادۂ ختمِ نبوّت کا امیں رخصت ہؤا
عارضی مسکن سے جنّت کا مکیں رُخصت ہؤا
چلتا تھا جو ساتھ لے کر اپنے سارے ہم نوا
ہائے وہ اطہر مکرّم ساتگیں رخصت ہؤا
حافظِ قُرآن تھا شیخ الحدیث اور مجتہد
چھوڑ کر مِلّت سلیمانی نگیں رُخصت ہؤا

0
45
اقرار و عہد و پیماں پہ جب گفتگو چلی
آواز آئی غیب سے شبّیر بن علی
گر ہو یقیں کہ قافلہ سالار ہیں حسین
پھر دیکھ لینا کس طرح آئی بلا ٹلی
بخشی حیاتِ سرمدی نانا کے دین کو
کٹوا کے اپنے باغ کا ہر پھول ہر کلی

0
39
ہر طرف صحرا ہے یا محمل ہے ریگستان ہے
راستوں کی گرد میں بھٹکا ہؤا انسان ہے
وادئی عقل و خِرد میں منفعت پر زور ہے
قلب و رُوح کی پرورش کا راستہ انجان ہے
رشتوں کے دامن میں پیہم نکبت و افلاس ہے
من و تُو کے شور میں شہر و نگر ویران ہے

0
50
دیکھ کر آنکھوں سے ویرانی مری
شکل دانستہ نہ پہچانی مری
آج پھر ان کی گلی کا عزم ہے
دیکھئے گا حشر سامانی مری
کر دیا ہے خط مرا واپس مجھے
دیکھ کر باہر سے پیشانی مری

0
56
بند کر لو سبھی کواڑوں کو
کَون آئے گا ملنے جھاڑوں کو
جہاں اندر کوئی نہیں جاتا
چھوڑو رہنے دو ایسی غاروں کو
صرف اندھیرے ہیں اور سنّاٹا
کوئی دیکھے کہاں شراروں کو

57
یہ ضروری تو نہیں مَیں ہی تمہیں یاد کروں
زخمِ دل چاک کروں نالہ و فریاد کروں
عزّتِ نفَس بھی نیلام کروں تیرے لئے
خود رہوں قَیدِ قَفَس میں تجھے آباد کروں
نہیں اے میرے صنم ایسا نہیں ہو سکتا
تیری چاہت کے لئے کانٹے نہیں بو سکتا

2
47
کوئی جب جی کو بھانے لگ گیا ہے
مرا دل مسکرانے لگ گیا ہے
بے چا ری فاختائیں قید کر کے
خدا کو آزمانے لگ گیا ہے
دلوں کو کر دیا تھا دُور جس نے
دوبارہ آنے جانے لگ گیا ہے

63
ساری دنیا خوف سے اندرونِ خانہ ہوگئی
چھوت کی بیماریوں کا شاخسانہ ہو گئی
کس قدر اپنے تئیں بنتا ہے تُو چالاک و چُست
ایک کیڑے نے کیا کیسے ترا حُلیہ درست
باخدا کہتے ہوئے کچھ باک ہے اعراض ہے
پر یہی سچ ہے زمیں سے آسماں ناراض ہے

21
میکدے کا نام جب بگڑا تو میخانہ بنا
جس طرح حَسنِ تغزّل حُسنِ جانانہ بنا
زندگی کی سختیوں سے مت ہو دل آزار تُو
کہتے ہیں دنیا بنی تو پہلے ویرانہ بنا
سادگی میں اس نے اپنے گھر کی کھڑکی کھول دی
مَیں نے دادِ حُسن دی تو اور افسانہ بنا

0
42
جب بھی کوئی دوست زخموں کی دوا دینے لگا
میرا دل موہوم شعلوں کو ہوا دینے لگا
مے گساروں سے بچا تو زاہدوں میں پھنس گیا
جب ذرا قربت بڑھی ہاتف صدا دینے لگا
مجھ کو مال و زر سے تُو نے تب نوازا اے خدا
جب مرا افلاس بھی مجھ کو مزا دینے لگا

43
عُمریں گزر گئی ہیں اِسی اِحتِمال میں
بن جائیں ہم نشین کسی ماہ و سال میں
تاخیر سے سہی مگر اب جانتے ہیں شیخ
کچھ فائدہ ہؤا نہ ہے جنگ و جدال میں
دنیا کی تند و تیز ہواؤں سے لڑ سکے
ناپیَد ہیں وہ خوبیاں اس نو نہال میں

0
48
واللّہ بڑی مصروف ہے مصروفِ کار ہے
یہ زندگی نہیں ہے ازل کا ادھار ہے
اُڑتی ہیں آسماں پہ پرندوں کی ٹولیاں
بھُوکوں کی سر زمیں پہ کسے اعتبار ہے
مِل کے رہے گا تجھ کو جو تیرا نصیب ہے
خالق بھی ہے عجیب عجب شاہ کار ہے

0
22
کیوں قلم چلتا نہیں تیرا حزیں حالات پر
صِنفِ نسواں ہو گئی حاوی ترے جذبات پر
کیا یہی اک خواب ہے تیرے جزیروں کی امیں
اس سے آگے بڑھ کے تیری سوچ جا سکتی نہیں
ہر گھڑی زلفوں کی باتیں ہر زماں سیمیں جمال
چشم و ابرو پر مقالے صبر و ایماں خال خال

0
32
رَوند کر معصوم کلیاں چھانٹ لی کانٹوں کی باڑ
تجھ پہ لعنت صد ہزار و صد ہزار و صد ہزار
شیر خواروں کو کیا قربان شہوت کے لئے
تیرے جیسے لعنتی کردار پر اللہّ کی مار
مائیں تو قربان ہو جاتی ہیں بچّوں کے لئے
مامتا کے نام کو تُم نے کیا ہے داغدار

0
33
نقضِ وفا کے داغ تھے دل پر لگا لئے
لوہے کے تار پر نئے کپڑے سکھا لئے
درزی سے لے کے آئی ہوں کُترن کی پوٹلی
گھر آکے اپنے بچّوں کے کپڑے بنا لئے
مجبور و بے نوا کی تو پہچان ہے یہی
ہر جرم ہنس کے سہہ لیا آنسو بہا لئے

0
37
چھوڑ کر مجھ کو صنم تو نے بڑا کام کیا
میری بے کیف جوانی کو مرے نام کیا
مجھ کو لَوٹائے مرے گزرے زمانے کے خیال
مرے خوابوں کے دریچوں کو سرِ بام کیا
مجھ کو سمجھایا کہ دنیا کی حقیقت کیا ہے
بے زر و زر کے تفاوت کو سبک گام کیا

54
جتنے مجرم یہاں پہ آتے ہیں
جیل جاتے ہیں چھُوٹ جاتے ہیں
چھوڑ کر مجھ کو جانے والے کے
میرے دُشمن سے گہرے ناتے ہیں
یہ خرابی مری نظر میں ہے
بے وفا ہی نظر کو بھاتے ہیں

0
58
جھوم کے چھائی گھٹا زور سے آیا بادل
شہر جل تھل ہوا پانی میں نہایا بادل
فصل مزدُور کی پانی کو ترستی ہی رہی
تُو نے آجر کی زمینوں پہ گرایا بادل
کھیت کھلیان سبھی سُھوکھے پڑے ہیں اب بھی
والئی شہر بتا کس نے چرایا بادل

0
66
دوستوں کو جانچ کر اب دشمنوں پر دھیان ہے
سوچ کی گہرائیوں میں بس یہی عنوان ہے
پیار کے اِظہار پر اس نے رقیبوں سے کہا
میری نظروں میں وہ اک بہکا ہؤا انسان ہے
ان کے آنے پر وہی گھر بہتر و بر تر لگا
جس کے گوشے گوشے سے لگتا تھا قبرستان ہے

0
32
کیا کہوں صحرا نوردی یا نشاطِ جُستجو
چھلنی کر دیتی ہے مفلس کی مچلتی آرزو
خواب میں آنے کا وعدہ کر لیا اس نے مگر
نہ کسی وعدے کی خواہش ہے نہ کوئی جستجو
کیا کِیا کالج میں جا کر کیا ملا محنت کا پھل
کاش اس ڈگری کی بھی ہوتی کہیں تو آبرو

0
53
تیرہ و تاریک راہیں ہیں نگاہیں خیرہ کن
وعدۂ فردا پہ زندہ ہیں عزیزانِ وطن
ساکنانِ حسرت و درماندگی واللّہ نہ پوچھ
آنسوؤں سے پیاس بُجھتی ہے غذا رنج و محن
اشتہائے بھُوک سے مغلوب ہو جب نازنیں
میری نظروں میں اسی کا نام ہے دَورِ فتن

0
56
کٹی رات ساری فراق میں تو شعاعِ نُور کو کیا کروں
کبھی وصل جانِ حزیں بنے تو اسی سے کسبِ ضیا کروں
نہیں پارسائی کا اِدّعا پہ جبینِ سجدہ نیاز ہوں
ہو اگر اشارہ قبول ہیں تو کہاں مجال قضا کروں
جو کہ کِبر و ناز و غرور تھے جئے کب تلک وہ جہان میں
سبھی ایسے رزقِ زمیں ہوئے کہ سنیں اگر تو صدا کروں

0
40
یہ عہد تھا اک دوجے سے شکوہ نہ کریں گے
جیتے رہے اک ساتھ تو اک ساتھ مریں گے
جو بات کسی دوست نے منسوب کی ہم سے
اس بات پہ مِل بیٹھیں گے اقرار کریں گے
عادت ہے زمانے کی صنم روزِ ازل سے
الزام اُٹھائے ہیں تو الزام دھریں گے

0
50
گوروں سے تو ملی آزادی پر کالوں نے لَوٹا
یعنی اس بازار کے باسی دلّالوں نے لُوٹا
کسے دکھائیں دل کے دکھڑے کون لگائے مرہم
مجھے عمامہ پگڑی ننگے سر والوں نے لُوٹا
جس کو ہو مقصود بچانا اسے کریں مقفّل
کون بچائے ایسا گھر جس کو تالوں نے لُوٹا

37
لَوحِ نصیب کیسی عجب چال چل گئی
رستے کی ابتدا میں ہی منزل نکل گئی
دیکھا مجھے جو راہ میں شرما کے رہ گئی
پہلے وہ لڑکھڑائی گِری پھر سنبھل گئی
جھُک کر کیا سلام بڑے احترام سے
مَیں کچھ نہ کہہ سکا تو چھُری دل پہ چل گئی

0
34
تُو نے گالی ماں کو دی ہے تجھ پہ لعنت صد ہزار
را کی دلّالی نے تجھ کو کر دیا ہے آشکار
تُو نے برگ و غنچہ ہو گُل کو کیا بے آبرو
تُو نے دستُورِ گلستاں کر دیا ہے تار تار
ظاہراً کالا ہے تُو اور اندروں کالا سیاہ
اب ہمیں تیری قیادت پر نہیں ہے اعتبار

0
46
اے مرے پیارے وطن تو تا ابد زندہ رہے
جب تلک دنیا ہے تیرا نام تابندہ رہے
کچھ ہی کم آدھی صدی مَیں نے گزاری ہے یہاں
نسلِ انسانی کی اصلاً آبیاری ہے یہاں
مجھ پہ تیرے اتنے احسانات ہیں اے سر زمیں
بھُولنا چاہوں بھی تو ہر گز بھُلا سکتا نہیں

0
34
نیدرلینڈ۔ Nederlands
Vertaling door Naeem Arif
O mijn geliefde land, moge jij voor eeuwig bestaan
Moge jouw naam voor altijd hoog in het vaandel staan
Ik heb een krap eeuw hier doorgebracht
De mensheid gedijt hier, dat is jouw kracht

0
25
وہ زمانہ اور تھا جب کھودنی پڑتی تھی نہر
اب کہیں شیریں نہیں تو کس لئے فرہاد ہو
بھوک سے سہمے ہوئے مدقوق چہروں کی زباں
جس طرح کوٹھے پہ بوڑھی نائکہ ناشاد ہو
آسمانوں سے اتر کر سن بنی آدم کا حال
روک لینا جب کہیں تازہ ستم ایجاد ہو

0
51
موت کو پروا ہو کیوں کہ زندگی ویران ہے
ہر نئے طوفان کے دامن میں اک طوفان ہے
علم ہو جائے گا جب تاریخ لکھّی جائے گی
حضرتِ انسان کا دشمن بھی خود انسان ہے
آگ کی ہاتھی کی سونے چاندی کی پوجا روا
تیرے بُت خانے کے گوشے گوشے میں بھگوان ہے

0
28
لد گئی خوشیاں سبھی آلام باقی رہ گئے
کاش پہلے سوچتا انجام باقی رہ گئے
نازک اندامی تری ہوگی کبھی ہو گی ضرور
اب نزاکت چل بسی اندام باقی رہ گئے
رہبرِ ملک و وطن تاویل کرتا رہ گیا
کوئی شے واضح نہ تھی ابہام باقی رہ گئے

46
بجا کہ تم کو گِلے ہیں شکایتیں ہم سے
مگر نہ یوں کہ فسانے کہو ملازم سے
جنابِ آدم و حوّا کی ہی نہیں غلطی
کوئی تو پوچھتا جا کر کبھی یہ گندم سے
مرے وطن کا ہر اک آدمی گداگر ہے
فقیر ترکِ وطن کر رہے ہیں اس غم سے

29
روز ہوتے ہیں گنہ اور کانپتا بھی روز ہوں
چاک رہتا ہے گریباں کیسا بخیہ سوز ہوں
دُکھ دئے اتنے تو یارب دل بھی دینے تھے کئی
کل بھی دل زخمی ہؤا تھا آج بھی دل سوز ہوں
میرے ماضی نے ابھی پیچھا نہیں چھوڑا مرا
کل بھی مَیں امروز تھا اور آج بھی امروز ہوں

31
جنہیں دھڑکا نہیں سُود و زیاں کا
کہے گا کیا انہیں موسم خزاں کا
عجب وحشت ہوئی انساں پہ طاری
زمیں خطرے میں ہے غم آسماں کا
گرہ کھُلتی چلی جائے مسلسل
تہوّر دیکھنا شعلہ بیاں گا

0
49
اگر ناراض ہو میری بلا سے
کہ گِر جاتے ہیں پتّے بھی ہوا سے
کرو اپنی مشقّت پر بھروسہ
یا جاؤ چھین لو روٹی خدا سے
جو آئے ہیں تو جانا بھی پڑے گا
کوئی جیتا نہیں اب تک قضا سے

51
فصیلِ نَو پہ منقّش کئی ترانے ہیں
یہی الاپ ہیں جو سب کو مِل کے گانے ہیں
کبھی بہارِ چمن تھی کھلے تھے غنچہ و گُل
یہ کب کی بات ہے یہ کون سے زمانے ہیں
قریب آ کے سنو کیسے دل دھڑکتا ہے
اسی نظیر سے اب ساز بھی ملانے ہیں

2
66
سوچے تھے جتنے خواب وہ کب کے ہوا ہوئے
دنیا کے رمز و ایما پہ سجدے ادا ہوئے
ناپید تو نہیں ہیں یہاں سارے با وفا
اک مَیں ہی تھا کہ جس سے سبھی بے وفا ہوئے
ہر اک کی زندگی میں نشیب و فراز ہیں
ایسے بھی ہیں یہیں پہ جو دائم گدا ہوئے

0
29
صدمے میں ہوں اس وقت تو کچھ کہہ نہیں سکتا
آنکھوں سے یونہی سیلِ رواں بہہ نہیں سکتا
آئینے کو ضد ہے کہ اسے سامنے لاؤ
چہرے کو حیا آتی ہے دکھ سہہ نہیں سکتا
کیوں زندہ ہے تُو آج بھی اے جھوٹے فریبی
تُو کہتا تھا مَیں تیرے بنا رہ نہیں سکتا

1
55
دہلی کے فسادات کا وڈیو کلپ
لُٹ گئی حوّا کی بیٹی اِبنِ آدم مرگیا
ایک کا بازو کٹا اور دوسرے کا سر گیا
کیا ہوئی غالب تری دِلّی خدارا کچھ توبول
مضطرب مضطر بھی ہیں جاوید اختر ڈر گیا
ہرطرف لاشیں ہیں یا کچھ جلتی بُجھتی لکڑیاں

44
دامن کو جھاڑ کر تری محفل سے چل دئے
ہم ریت کے بگولے تھے محمل سے چل دئے
رستوں کی گرد میں ہمیں منزل نہیں ملی
منزل قریب آئی تو منزل سے چل دئے
طُوفانِ بادوباراں میں کشتی اُلٹ گئی
جو دوست لینے آئے تھے ساحل سے چل دئے

58
یہاں وہ آسماں ہوتا وہاں یہ سر زمیں ہوتی
نہ بڑھتے ہاتھ دامن تک نہ رسوا آستیں ہوتی
اگر ابلیس کے پنجے سے دائم سُرخرو رہتے
کہاں انگور کی بیٹی کہاں زہرہ جبیں ہوتی
اگر لعل و زر و مال و جواہر بے ثمر ہوتے
یہی دنیا اے میرے ہم نشیں خُلدِ بریں ہوتی

0
93
خواہشِ محفل ہے نا سرو و سمن کی آرزو
مجھ کو ہے شاعر تری بزمِ سخن کی آرزو
نہ کہیں بلبل نہ رنگ و بُو نہ گُلچیں کا وجود
کس کو ہوگی اب وہاں ایسے چمن کی آرزو
التفاتِ دوستاں رُخصت ہؤا ایسا کہ اب
شہر سے بڑھکر ہمیں صحرا و بَن کی آرزو

1
56
کئی دنوں سے مرے تخیّل میں ایک چہرہ ہی آ رہا ہے
یہ تُو نہیں کوئی اور ہے جو کھڑے کھڑے مسکرا رہا ہے
جو کرنا چاہو تو بند کرلو کواڑ سارے بھی کھڑکیاں بھی
گلی کا بھی کچھ خیال رکھنا کوئی جنازہ بھی جا رہا ہے
نہ اِس نے نوچا نہ اُس نے نوچا وجود پھر بھی لہو لہو ہے
کوئی تو ہے وہ حرام زادہ جو تجھ کو اندر سے کھا رہا ہے

49
رُخِ خوباں بھی آخر ایک دن تو ڈھل ہی جائے گا
کہاں روکے رکے گا بالیقیں وہ دن بھی آئے گا
سبھی عیش و نشاط و دل لگی بس چندے مہماں ہیں
یہ ایسا بحر ہے جسمیں سفینہ ڈُوب جائے گا
تہہ و بالا کرے گا محفلِ دنیا کی رنگینی
پھر اسکے بعد بھی وہ اک نئی بستی بسائے گا

33
دیکھ کر نمبر مرا اس نے کنارہ کر لیا
دیکھا جائے گا کبھی کہہ کر گوارا کر لیا
جتنا جی چاہو چھپاؤ پردہ داری میں رہو
زاویوں کی اوٹ میں ہم نے نظارہ کر لیا
روٹیاں تھیں تین جبکہ کھانے والے چار تھے
بیٹا مَیں بھُوکی نہیں ماں نے گوارا کر لیا

58
وہی غم جو تیرے فراق میں غمِ دو جہاں سے گزر گیا
اسے اب بھی مجھ پہ ملال ہے کیوں نہ آسماں سے گزر گیا
شبِ وصل عینِ مراد تھی پہ کیا کریں کہ گزر گئی
اسے کیا خبر کوئی رات بھر ترے درمیاں سے گزر گیا
کیا ہے ہجرو وصل کی داستاں کہ بیاں کروں تو نِرا زیاں
یہاں ایسا کرب ہے جانِ جاں جو ترے گماں سے گزر گیا

64
یہ قبر کا منظر ہے قیامت کی گھڑی ہے
کھول آنکھ ذرا دیکھ تری مَوت کھڑی ہے
سب چھوڑ کے جانا ہے اکیلے ہی یہاں سے
ہر شے جو بنائی تھی یہیں مردہ پڑی ہے
کوشش تو بہت کی ہے ترے جسم نے لیکن
ہر سانس تری مَوت سے تا دیر لڑی ہے

0
36
اگر زُلفوں کے پیچ و تاب کا سامان ہو جائے
تو شاید زندگی کا درد بھی آسان ہو جائے
فقیرِ بے نشیں بیٹھا ہؤا ہے تیری چَوکھٹ پر
کبھی تو اس کا بھی پُورا کوئی ارمان ہو جائے
نہ بیڑی کے لئے پیسہ نہ روٹی کے لئے آٹا
کہیں ایسا نہ ہو پھرحشر کا چالان ہو جائے

0
50
لڑ کھڑائی رات تو دن کو پسینہ آ گیا
آ پ آ پہنچے تو ساون کا مہینہ آگیا
مے کشو ساقی کے اندازِ تکلّم پر نہیں
جام اس کا ہے جسے محفل میں پینا آگیا
عشق کی وادی میں عقل و خرد کی بے چارگی
حُسن کی محفل میں جینے کا قرینہ آگیا