| نفرت ہے کبھی پیار کا اظہار ہے مجھ سے |
| دعویٰ ہے رقیبوں کا کہ بیزار ہے مجھ سے |
| بہتر ہے کہ اک بار ہی سب معاملے طے ہوں |
| ہر بزم میں وہ بر سرِ پیکار ہے مجھ سے |
| ہر ایک کے پہلو میں ہے ہر رنگ میں غلطاں |
| کیا طُرفہ تماشا کہ فقط عار ہے مجھ سے |
| اس شہر میں ہر ایک کے لب پر ہے ترا نام |
| یہ سچ ہے وہ صاحبِ کردار ہے مجھ سے |
| سچ بات ہے خاطی بھی ہوں عاصی بھی ہوں واللہ |
| اس سچ پہ بھی آپ کو تکرار ہے مجھ سے |
| مانا کہ خطا کار و جفا پیشہ ہے امید |
| کچھ بول اگر اور طلب گار ہے مجھ سے |
معلومات