| قطعۂ روشن* |
| اِک فردِ یگانہ کی محبت کی ہے تمہید |
| جس میں ہیں سمٹ آئے سب آثارِ صنادید |
| تفصیل طلب پیشِ جنوں اُس کے ہیں احوال |
| اوصاف میں ہے وسعتِ بے ساحل و تحدید |
| وہ عاشقِ مختارِ دو عالم ہے ازل سے |
| وہ رندِ مئے نابِ مئے خانۂ توحید |
| ہستی کی شبِ تار کا مہتابِ محبت |
| احساس کا بہتا ہوا وہ چشمۂ خورشید |
| وہ بندۂ آزادِ جہاں ، جوہرِ عالی |
| وہ اسوۂ سرکار کا اِک نقشۂ تقلید |
| کیا بات ہے اُس مردِ قلندر کی اے رازیٓ |
| فردوس میں مشہور لقب جس کا ہے *امید* |
معلومات