| کسی محفل میں جب وہ بے نقاب آیا تو کیا ہو گا |
| خزاں میں لالہ و گُل پر شباب آیا تو کیا ہو گا |
| ابھی کچھ وقت باقی ہے ذرا تیّاریاں کر لو |
| اگر محشر میں نا موزوں جواب آیا تو کیا ہو گا |
| کسی سے جھوٹے وعدے کرنا چارہ گر کی فطرت ہے |
| حقائق کو چھپانے کا سراب آیا تو کیا ہو گا |
| بہت کچھ کر لیا تُو نے مگر اب میری باری ہے |
| ابھی سے ڈر رہا ہے احتساب آیا تو کیا ہو گا |
| وہ جن کی قسمتوں کے فیصلے اب تم کو کرنے ہیں |
| اگر ان زندوں کو مَٹّی میں داب آیا تو کیا ہو گا |
| ابھی یہ تیری دنیا ہے یہاں منصف بھی تیرا ہے |
| اگر محشر میں کل تُم پر عذاب آیا تو کیا ہو گا |
| ڈراتے ہو امید ان جعل سازوں دھوکے بازوں کو |
| مگر اپنی نمائش پر سراب آیا تو کیا ہو گا |
معلومات