| تاخیر ہو گئی ہے پہ وعدہ شکن نہیں |
| ننگے بدن ضرور ہیں ننگِ وطن نہیں |
| آ دیکھ آئینے میں کوئی شخص ہے جسے |
| لفظوں کی جنگ آ گئی طرزِ سُخن نہیں |
| اک دوسرے کے کان میں کچھ کہہ رہے ہیں لوگ |
| یہ وہ نہیں ہے باخدا میرا چمن نہیں |
| حالات مقتضی ہیں کہ طرزِ زمانہ جان |
| میدانِ جنگ لذّتِ کام و دہن نہیں |
| تیرا فراق ہی نہیں کچھ اور بھی ہیں کام |
| آثارِ جنگ میں غنائے تن بدن نہیں |
| گر ارضِ پاک پر تری جاں ہو گئی قبول |
| قسمت پہ ناز کر کہ اب رنج و محن نہیں |
| تجھ سے بچھڑ کے بھی تری مِٹیّ سے پیار ہے |
| مقروض ہوں ترا اسی قرضے سے پیار ہے |
معلومات