| سو گئے دیوار و در سارا جہاں سوتا رہا |
| آدمی کی بے بسی پر آسماں سوتا رہا |
| کون ہے تیرا یہاں کوئی نہیں کوئی نہیں |
| تُو جو زندہ ہے تو کیا تیرا نشاں سوتا رہا |
| لوگ رہتے ہیں زمیں پر بستیاں آباد ہیں |
| لُٹ گیا آدم بچارا پاسباں سوتا رہا |
| اس زمیں پر زندگی باقی رہے تو کس لئے |
| پِٹ گئی مخلوق ساری رازداں سوتا رہا |
| سازِ فطرت بھی ہے باقی ہم نفس بھی ہیں یہاں |
| محفلیں ویراں ہیں کیونکہ نغمہ خواں سوتا رہا |
| حدّتِ ایمان اور تکریم بھی ہے دل میں پر |
| جل گیا قرآن میرِ کارواں سوتا رہا |
| دیکھ کر افلاس و بیماری نحوست بیکسی |
| پھٹ پڑا آتش فشاں سُود و زیاں سوتا رہا |
| سنتے ہی اک شخص کہ رشوت نہیں لیتا امید |
| ہکّا بکّا ہو کے کوئی بدگماں سوتا رہا |
معلومات