| نقش گر ہر حادثے سے باخبر کرتا رہا |
| آدم اپنے زعم میں صرفِ نظر کرتا رہا |
| کتنی خاموشی سے کی تخلیق خالق نے حیات |
| کتنی سرعت سے کوئی زیر و زبر کرتا رہا |
| میری ناداری کے چرچے ہیں زمین و آسماں |
| آسماں والا بھی اعراضِ بصر کرتا رہا |
| آ ذرا اک بار آ کر دیکھ اس بستی کا حال |
| جس کو ابنِ موسیٰ کب سے در بدر کرتا رہا |
| ظالموں نے ظلم کی بھی انتہا کر دی مگر |
| مظلوم بھی صبر و رضا سے در گزر کرتا رہا |
| کیا کروں تیری رفاقت کو مرے ہمدم رفیق |
| کیا کہوں کیا مجھ سے میرا چارہ گر کرتا رہا |
| پرسوں والا سانحہ ایسے گرا سب پر امید |
| دُور سے آ کر جو مریم کا پسر کرتا رہا |
معلومات