| رات جتنی کالی ہو اتنی سحر نزدیک ہے |
| اور اگر کچھ فرق بھی ہے تو بہت باریک ہے |
| قومِ موسیٰ نے بنایا دو ارب کو یرغمال |
| حاملِ قرآن تیری اور کیا تضحیک ہے |
| آنے والا دور کیسا ہے خدا کو علم ہے |
| مَیں تو جو کچھ دیکھتا ہوں عالمِ تاریک ہے |
| عالمی بنکوں سے قرضہ لیتی ہیں اقوامِ نَو |
| ہم سے وہ برتاؤ گویا قرض نہ ہو بھیک ہے |
| مسلم اُمّہ کو مٹا دو عالمِِ تکوین سے |
| مغربی اقوام کی با ضابطہ تحریک ہے |
| کیا ارادے ہیں ترے اے مالکِ کون و مکاں |
| زیر دستوں کے لئے صدیاں ہوئیں تعویق ہے |
| بیٹھے ہیں راہوں میں کب سے ہو کبھی تو التفات |
| یہ بھی نا ممکن ہؤا تو جو بھی ہو گا ٹھیک ہے |
| شاید اک دن رنگ لائے گا شہیدوں کا لہو |
| حکمِ ربیّ ہے سدا ایمان رکھ لا تقنٰطُو |
معلومات