| نائبِ یزداں ہوں لیکن کیا کہوں |
| ہو چُکا ناپید واللہ سب سکوں |
| ظلم و استبداد کا عالم کہ اب |
| فطرتِ آدم ہوئی خوار و زبوں |
| بیچتے ہیں لوگ اپنی بیٹیاں |
| پیٹ میں روٹی ہے نا جسموں میں خوں |
| ناچتی ہے ہر گلی کُوچے میں بھُوک |
| کوئی چارہ گر نہیں کس سے کہوں |
| کوٹھیوں میں کام کرتا ہے شباب |
| درسگاہوں میں لواطت کا جنوں |
| کم سِنوں سے بوجھ اُٹھواتے ہیں لوگ |
| چند سکّوں کے عوض خوار و زبوں |
| پاؤ بھر آٹے سے پُورا خاندان |
| شیر خواروں کی تمنّاؤں کا خوں |
| ہو گئ بوڑھی بچاری ماں کے گھر |
| حسرتیں دل میں سجائے سر نگوں |
| ادھ کھُلے دروازے سے اندر کا حال |
| فاقہ مستی میں گھُلا جذبِ دروں |
| ننگ دھڑنگ پھرتے ہیں بچّے ماؤں کے |
| بیڑیاں مونہہ میں لئے صیدِزبوں |
معلومات