| دیکھ لینا ایک دن خونّ شہیداں کا کمال |
| کچھ دنوں کی بات ہے تجھ پر بھی آئے گا زوال |
| یہ فلک یونہی نہیں نا یہ زمیں ہے کھیل کُود |
| ٹوٹ جائے گی ہر اک شے جب کہے گا ذوالجلال |
| تیری میری میری تیری ایک دھوکہ اک فریب |
| میری تیری تیری میری کیا مثال و کیا مجال |
| آ بتاؤں تجھ کو معنی آیۂ تِل کَل ایّام |
| تُو جہاں پر ہے وہاں آئے گا اک دن خستہ حال |
| اس سے بچ پایا کبھی نہ ہٹلر و چنگیز خاں |
| جانتا ہے خوب وہ ہر نیک و بد کی چال ڈھال |
| کُن کہا اور دے دیا ہر چیز کو اس کا وجود |
| اس کی مُٹھّی میں ہے سب کچھ کیا صدی کیا ماہ و سال |
| نہ وہ خود ظالم ہے نا ہی ظلم ہے اُس کا شعار |
| الحذر اس وقت سے جب آ گیا اس پر جلال |
| تُف ہے تجھ پر لعنتیں ہوں ساری دنیا کی تجھے |
| قاتل و جابر کمینہ ظالم و اسفل رذال |
| اے خدائے بر تر اے انسان کے پروردگار |
| کیا نظر آتے نہیں تجھکو غریبوں کے مزار |
| گر کبھی فرصت ملے تو آ زمیں پہ ایک بار |
معلومات