| متفرّق اشعار |
| ۔۔۔۔۔۔۔۔۔۔۔۔۔۔۔۔۔۔۔۔ |
| کل جہاں پر شہر بستے تھے وہ ویرانے ہوئے |
| جن سے گاڑھی چھِنتی تھی وہ جانے انجانے ہوئے |
| سرحدوں کی باڑ پر جن کا تقرّر تھا وہ آج |
| پھر رہے ہیں شہر میں سب برچھیاں تانے ہوئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مونہہ میں کاغذ دیکھ کر بچّے کو تھپّڑ پڑھ گیا |
| کھول کر دیکھا تو اس پر روٹیوں کا عکس تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| غلاظت کی طرف مکھّی کا آنا عین فطرت ہے |
| جہاں دولت نظر آئی سیاستداں وہیں پایا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| قومِ موسیٰ نے کیا ہے دو ارب کو یرغمال |
| حاملِ قرآن تیری اور کیا تضحیک ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہے جلبِ زر و مال کا ہر بندہ پجاری |
| گفتار کا غازی ہو کہ قاضی کا قلم ہو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| امتیازِ حق و باطل اتنا بھی آساں نہیں |
| ہر زباں پر آیتیں ہر ہاتھ میں قرآن تھے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کیوں سیاستدان میں غیرت نہیں ہوتی امید |
| کیونکہ یہ موصوف کی فطرت میں ہے چیزِ دگر |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عقل و شعور ہے نہ کوئی بات ڈھنگ کی |
| اے آسمان والے عجب رہنما دئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| رہنماؤں نے ہمیں جس راہ کی ترغیب دی |
| وائے نادانی وہ سارے راستے ویران تھے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اس نے چھوڑا تھا تو اب مَیں نے اسے چھوڑ دیا |
| ایک ہی کرب سے دو بار گزر جانا پڑا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| امید آگئے ہو تم اس بزم میں جہاں |
| شہرت کا نام چلتا ہے گمنام کا نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تری صورت کا گر اک بُت کہیں تعمیر کرنا ہو |
| تو پُورے شہر کا ہر آدمی مزدور ہو جاتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| پیٹ کو بھی روز کھانا چاہئے |
| چاہے وہ ہفتہ ہو یا اتوار دوست |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ممکن نہیں ہے تیری اداؤں پہ مر مِٹوں |
| مرنا ہی ہے تو بھُوک بھی کچھ کم اثر نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سروش خواجہ |
| ۔۔۔۔۔۔۔۔۔۔۔۔۔۔۔۔۔۔۔ |
| آنکھ کی ٹھنڈک ہے سبکی جان سے پیارا ہے تُو |
| تُو کلی ہے پھول ہے تُو چاند ہے تارا ہے تُو |
| بیس کا ہندسہ ہے تیرے بخت کا اعلیٰ مقام |
| پھر مکرّر بیس ہے خوشیوں کا گہوارہ ہے تُو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کوٹھی ہو مال و زر ہو یا اونچی مچان ہو |
| شاید مری وفا کا یہی امتحان ہو |
| کچھ ہم زباں چلے گئے کچھ نیم جاں امید |
| کوئی نہیں جو اب مرا پرسانِ حال ہو |
| ۔۔۔۔۔۔۔۔۔۔۔۔۔۔۔۔۔۔ |
| سب کہہ رہے ہیں باخدا کچھ بھی نہیں لیا |
| پھر کیا ہؤا کہ سارے ذخائر چلے گئے |
| ۔۔۔۔۔۔۔۔۔۔۔۔۔۔۔۔۔۔۔۔ |
| ترقّی اتنی کہ ہمسایۂ مہ تاب امید |
| زوال وہ کہ ابھی ذات پات ہے باقی |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| مسلم امّہ کو مٹا دو عالمِ تکوین سے |
| مغربی اقوام کی با ضابطہ تحریک ہے |
| ۔۔۔۔۔۔۔۔۔۔۔۔۔۔۔۔ |
| اب عبادت کے لئے لازم نہیں پانی امید |
| زندگی کی تلخیوں سے روز کرتا ہوں وضو |
| ۔۔۔۔۔۔۔۔۔۔۔۔۔۔۔۔ |
| ہر سیاستدان ہے بے غیرتی میں خود کفیل |
| اپنی ماؤں بہنوں کو بھی بیچ کر کھانے کا نام |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آئینہ دیکھا تو مجھ سے بر ملا کہنے لگا |
| تیرے روزوشب فقط مردم شماری زندگی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عید پر کپڑے نئے سُنّت رسول اللہ کی |
| میرے بچوں کے سوا کوئی نفس عریاں نہ تھا |
| (ایک ماں) |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پچھتاوے کبھی کل کا مداوا نہیں ہوتے |
| بہتر ہے زبانوں پہ کمندوں کی قبا ڈال |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہونٹوں پہ آئی بات اور یوں آ کے رک گئی |
| جیسے کمر غریب کی فاقوں سے جھُک گئی |
معلومات