| کنجِ قفس کی یاد پر افسردگی نہیں |
| دل کو منانا اور ہے یہ دل لگی نہیں |
| ملتے ہیں کتنی مشکلوں سے دل کسی کے ساتھ |
| ہاتھوں سے ہاتھ ملنا کوئی دوستی نہیں |
| دل میں خیالِ یار ہے یادوں میں کوئی اور |
| اسکو ہی شرک کہتے ہیں یہ بندگی نہیں |
| کٹتی ہو عمرِ خضر بھی فُٹ پاتھ پر اگر |
| تذلیلِ زندگی تو ہے پر زندگی نہیں |
| کشکول ہی گر آپ کا معمول ہے جناب |
| واللہ گداگری ہے یہی رہبری نہیں |
| ہر ایک شے بدلتی ہے دنیا میں بالضرور |
| غربت مگر وہیں ہے کبھی بھی گئی نہیں |
| گو عارض و گیسُو سے نہیں احتراز دوست |
| پر کیا کریں کہ ان سے شکم پروری نہیں |
| مودی نے زندگانی کے لُوٹے سکون و چَین |
| سمجھائے کوئی اس کو یہ ہمسائیگی نہیں |
| رو رو کے کیوں ہلکان ہوئے جا رہی ہے تُو |
| بچّے تڑپ رہے ہوں تو شرمندگی نہیں |
معلومات