| شعلہ ہوں اگر مَیں تو بجھا کیوں نہیں دیتے |
| مِٹّی ہوں تو پھر اسمیں دبا کیوں نہیں دیتے |
| ہر چوک پہ ہر شہر میں آزاد ہیں قاتل |
| عادل ہو اگر تم تو سزا کیوں نہیں دیتے |
| رکھّا ہے کسی کونے میں دشمن کے لئے جو |
| اک بار وہ بم ہم پہ چلا کیوں نہیں دیتے |
| اللہ تری زنبیل میں ہیں مشرق و مغرب |
| خاموش ہے اب طُور ندا کیوں نہیں دیتے |
| ہر بستی میں ہر قریہ میں بیمار پڑے لوگ |
| اے چارہ گرو ان کو دوا کیوں نہیں دیتے |
| نیلام ہوئی غیرتِ مسلم صد افسوس |
| مظلوم حسینہ کو قبا کیوں نہیں دیتے |
| احسان کا بدلہ فَقَط احسان ہے واللہ |
| امید کو آہوں کا صلہ کیوں نہیں دیتے |
معلومات