| ایک دن کے روزے سے وہ لوگ گھبرائیں گے کیا |
| عُمر بھر جو پیٹ پر پتھّر لئے پھرتے رہے |
| ایک مَیں ہی تو نہیں اس دیس کے اکثر نحیف |
| ٹھوکریں کھا کر اُٹھے اور اُٹھ کے پھرگرتے رہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ایک استفسار ہے سب مفتیانِ دین سے |
| عمر بھر کے بھُوکوں کا روزہ ہے یا کچھ اور ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| روزہ رکھنے والوں کو جنّت کا مژدہ بالضرور |
| بھُوک سے جو مر گئے اُن پر بھی کچھ فرمائیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آگ کے دوزخ سے بھی بے چین ہوں |
| پیٹ کا دوزخ مگر بے چین تر |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آرہی ہے عید لیکن کچھ بھی تو بدلا نہیں |
| پھر نئے اک جھُوٹ سے بچّوں کا دل بہلاؤں گی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مر گئے ہوں جس کے بچّے بھُوک سے |
| جنّت اس کے واسطے کس کام کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سال سے روٹی نہیں کھائی پر آج |
| فخر سے کہہ دے گا میرا روزہ ہے |
معلومات