| انہیں ناراض ہونا ہو تو مجھ کو خواب آتا ہے |
| کہ جس کمرے میں رہتا ہوں وہ زیرِ آب آتا ہے |
| تری محفل میں سنتے ہیں اسی کی آمد آمد ہے |
| وہ جس کی دید کو ہر آدمی بے تاب آتا ہے |
| شناساؤں نے گو ترکِ تعلق کر لیا مجھ سے |
| مرے حسنِ غزل کو دیکھنے مہتاب آتا ہے |
| امیرِ شہر سے پوچھو کہ کتنے مر چکے اب تک |
| وہ ہر اک بے گنہ کو خود زمیں میں داب آتا ہے |
| وہ نکلا مے کدے سے مسندِ ارشاد کا والی |
| گلی کے چھوکرے کہتے ہیں عزّت یاب آتا ہے |
| ادھر تفریط اتنی ہے کہ تن کو ڈھانپنا مشکل |
| ادھر کتّوں کی آلائش کو بھی کمخاب آتا ہے |
| بچاری ڈھانپتی رہتی ہے تن کے خاص حصّوں کو |
| مگر ہر آنکھ سے بہتا ہؤا سیلاب آتا ہے |
| مُحبّت وہ سمُندر ہے جہاں کی ہر ادا اپنی |
| تلاطم ہو نہ ہو ہر موڑ پر گرداب آتا ہے |
| بی۳ |
معلومات