| تری آنکھ میں جو شباب ہے |
| ہمہ رنگ ہے بے نقاب ہے |
| ترے گیسوؤں کی گھٹا گھٹا |
| دلِ مضطرب پر عذاب ہے |
| مجھے میکدوں سے غرض نہیں |
| ترا انگ انگ شراب ہے |
| غمِ ہستی و غمِ نیستی |
| تری ہر ادا بے حساب ہے |
| پڑی جس جگہ بھی نظر تری |
| وہاں مہکا مہکا گُلاب ہے |
| جو تری ادا پہ نہ مر مِٹے |
| وہ نحیف ہے یا سراب ہے |
| ترے پاس ہے کوئی چاند تو |
| مرے پاس بھی ماہتاب ہے |
| اے امید رکھ دے قلم کہیں |
| کہ وہ آپ اپنی کتاب ہے |
| ( ایکٹرس ریما کو مذاق رات میں دیکھ کر) |
معلومات