| تم آفتاب ہو یا کوئی ماہتاب ہو |
| لگتا ہے سارے غوریوں میں لا جواب ہو |
| برگیڈئر ہو ڈاکٹر ہو سائنسدان ہو |
| جس کو کوئی سمجھ نہ سکے وہ کتاب ہو |
| عبادت کے ساتھ ساتھ ہیں کچھ اور کام بھی |
| کھڑکی اگر کھُل جائے تو دوہرا ثواب ہو |
| ہر ایک سے خلوص ہے ہر ایک سے وفا |
| سب دوستوں کے درمیاں کھلتا گلاب ہو |
| بیتُ الخلا میں بیٹھ کر بھی ترلے مِنّتیں |
| اک بار باہر آ ترا خانہ خراب ہو |
| ڈرتی ہے مجھ سے کیوں تجھے مَیں نا پسند ہوں |
| کچھ رحم کر اُس جاں پہ جو زیرِ عتاب ہو |
| ہر اک کا احتساب ہے دنیا میں لازمی |
| اہلِ یہود کا بھی کبھی احتساب ہو |
| فرقوں کے باب میں تری تقریر لا جواب |
| لیکن جہاد پر بھی تو کوئی خطاب ہو |
| قرآن سے اعراض پر آتی نہیں حیا |
| اور دوستوں کے درمیاں عزّت مآب ہو |
| میری ستائشوں کا بھی تو حق ہے بادشاہ |
| کہہ دو کبھی امید صاحب لا جواب ہو |
معلومات