| اس الجھن کو خواب کرو |
| کچھ تو بات جناب کرو |
| دے کے اُن ہونٹوں کا رنگ |
| اِن ہونٹوں کو گلاب کرو |
| جامِ شعور پلا کے ہمیں |
| شوق سے ہم کو خراب کرو |
| دریا بھی نہیں کشتی بھی نہیں پھر ہم سفرو سفر کیسا |
| ویرانے میں بھٹکنا ہی ہے بھٹکو بھٹکے کا ڈر کیسا |
| کیسا اسیری کا اندیشہ اور کیسی جستجوئے فرار |
| ایسے من کے زنداں کی دیواریں کیسی در کیسا |
| قسمت میں لکھا ہے ویرانے کا سفر سو کرتے ہیں |
| دیوانے تو دیوانے ہیں دیوانوں کا گھر کیسا |
| کبھی اپنا کبھی تیرا ہو جاتا ہوں |
| بیٹھے بیٹھے یونہی کھو جاتا ہوں |
| جب اس مہ زادی کے خوابوں سے کچھ |
| فرصت ملتی ہے تو سو جاتا ہوں |
| اس کو حاصل ہے طلسمِ کن کا فن |
| وہ کہتا ہے ہو میں ہو جاتا ہوں |
| دل کی باتوں کو چھپانا چھوڑ دو |
| آؤ اب اظہار کا رستہ کریں |
| آپ کے ہاتھوں میں میرے ہاتھ ہوں |
| چاندنی میں ہم کہیں کھویا کریں |
| اپنوں کی اس اجنبی نگری میں اب |
| کس سے ملیے، کس سے کیا شکوہ کریں |
| وہ کسی شام آتی نہیں لیکن |
| یاد اس کی ہر شام آتی ہے |
| ہم ایسے شب زادوں کو رات |
| ایسی اداسی کام آتی ہے |
| زخمِ شوق پہ کہنے کو لیکن |
| ایک تسلی مدام آتی ہے |
| میرے بدن میں گھلتا جا رہا ہے |
| پھر جاں ستاں تیری تمنا کا زہر |
| وہ جو نکلتا ہی نہیں تھا گھر سے |
| گم ہو گیا وہ شخص جانے کس شہر |
| جانے مجھے کیا ہو گیا ہے یارو |
| اب چین پڑتا ہی نہیں کسی پہر |
| پھر کھا گیا پت جھڑ بہار کے دن |
| کیا رنگ لائے انتظار کے دن |
| یہ زندگی ساری گزر گئی ہے |
| آئے نہ لیکن وہ قرار کے دن |
| یاد آتے ہیں کتنے تھے خوبصورت |
| وہ عشق کے ہائے وہ پیار کے دن |
| مرے خیالوں میرے خوابوں کی مہک |
| وہ تھی یا تھی کوئی گلابوں کی مہک |
| مرے اُداس کمرے کی فضا میں ہے |
| ترے بدن کی یا کتابوں کی مہک |
| کبھی تو یادیں کوئی ساز چھیڑیں گی |
| کبھی تو آئے گی وہ خوابوں کی مہک |
| یہ معاشرہ تو ہے خداؤں کا معاشرہ |
| میرا اس معاشرے سے کوئی واسطہ نہیں |
| اس خرابے میں کوئی جگہ نہیں مرے لیے |
| اے شریکِ حال کیا یہ کوئی حادثہ نہیں |
| اس فسانے میں فقط تیرے ہی فسانے ہیں |
| میرے درد کا یہاں کوئی تذکرہ نہیں |