| قرارِ نظر اے قرارِ دل و جاں جنم دن مبارک |
| خمارِ نظر اے خمارِ دل و جاں جنم دن مبارک |
| ۔ |
| شبِ زندگی کے درخشاں قمر اے ستاروں کے محور |
| نگارِ سحر اے نگارِ دل و جاں جنم دن مبارک |
| ۔ |
| حسیں آبروئے چمن خوشبوئے انجمن راحتِ من |
| بہارِ نظر اے بہارِ دل و جاں جنم دن مبارک |
| ۔ |
| یہ دیوانگی بھی تمہیں سے ہے یہ شاعری بھی تمہیں سے |
| وقارِ سخن اے وقارِ دل و جاں جنم دن مبارک |
| ۔ |
| تمہاری مہک سے مہکتا ہے شہرِ دل و جاں ہمارا |
| ہمارے، مقیمِ دَیارِ دل و جاں، جنم دن مبارک |
| ۔ |
| خدائے محبت خدائے لطافت خدائے نزاکت |
| نکھارِ ہنر اے نکھارِ دل و جاں جنم دن مبارک |
| ۔ |
| ہے جشنِ وجود اپنا جشنِ وجود آپ کا، وجد میں سو |
| پکارے ہوائیں پکارے دل و جاں جنم دن مبارک |
معلومات