| ہٹا دے گھٹاؤں کا آنچل مرے چاند |
| مرے دل کی دھڑکن ہے بیکل مرے چاند |
| تجھے ڈر تھا دن کا مگر اب ہوئی شام |
| نظر آ مجھے میرے پاگل مرے چاند |
| بہت دن ہوئے ہیں پرائی زمیں پر |
| ہمیں ڈھونڈتا ہے فلک چل میرے چاند |
| گھڑی بھر زرا دیکھنے تو دو ہم کو |
| نظر آتے ہی مت ہو اوجھل مرے چاند |
| نکل کر سرِ شام کر ہجر کے اس |
| ادھورے فلک کو مکمل مرے چاند |
| ہوں اک عمر سے محوِ گردش زمیں پر |
| تیری طرح میں بھی مسلسل مرے چاند |
| کروں گا کہاں تک میں تیرا تعاقب |
| مرے پاؤں ہیں ہجر سے شل مرے چاند |
| سفر لمبا ہے دل کا آج اتنا ہی بس |
| مجھے نیند آنے لگی، کل مرے چاند |
معلومات