درپن درپن ڈھونڈ رہا ہے

درپن درپن ڈھونڈ رہا ہے بھولی بسری صورت اپنی

کچھ دیوانے کو یاد نہیں کیسی تھی کیا تھی حالت اپنی

جب سے میرے نین ملے نیلی نینو والی دیوی سے

بدلے بدلے حال ہیں اپنے بدلی بدلی رنگت اپنی

اس عشق میں ہے گلی گلی بدنامی کوچہ کوچہ رسوائی

وہ اپنے گھر میں ہی رہے جس کو پیاری ہو عزت اپنی

کیا فائدہ ہے ایسے نہ تو تو رہتا ہے نہ میں میں رہتا ہوں

ایسی روکھی روکھی یاری سے بہتر ہے خلوت اپنی

سانجھ سویرے کیوں ہاتھوں میں تو بادل بادل پھرتا ہے

گھر کی حالت دیکھ زرا گرتی ہے شبنم سے چھت اپنی

یہ بازارِ دل ہے یہاں یہ کھوٹے سکے نہیں چلتے ہیں

چل اپنی دنیا دنیا والے جیب میں رکھ دولت اپنی

خود کو سستا سمجھ کر میں نے لایا تھا بازار میں خود کو

کوئی اپنا خریدار جب نہ پایا تو میں سمجھا قیمت اپنی

صدیوں صدیوں گھر نہیں آیا جہاں سے ابھی تک بھر نہیں پایا

کیسے آج اک مدت کے بعد پڑ گئ مجھ کو ضرورت اپنی

یہ سودا گھاٹے کا سودا ہے دل جانے دے جانے دے

سارا جیون مانگ رہی ہے کتنی مہنگی ہے حسرت اپنی

دل کے ویرانے میں ہم نے دل سے کی تھی درد کی کھیتی

موسموں نے ہی کروٹ بدلی رنگ کیا لاتی محنت اپنی

وحشت وحشت صحرا صحرا رستہ رستہ گرد کا پہرہ

ایسی دھندلی دھندلی فضا میں ماند پڑی ہے مورت اپنی

صدیاں ہوئے گھر اپنے گئے ہوئے وہ گلیاں رستے یاد نہیں ہیں

کس کو خبر ہے ہم سفرو اب کیسی ہے وہ جنت اپنی

جیون سارے ان پہ وارے بیٹھے ہیں خالی ہاتھ بچارے

دیوانوں کے انداز اپنے دیوانوں کی قسمت اپنی

اس سنسار میں آتے ہی لگ گئے ٹھکانے سدھ بدھ اپنے

جنگل جنگل بستی بستی کام آئی بس وحشت اپنی

تو میری رگ رگ میں بستا ہے میں تیری رگ رگ میں بستا ہوں

یہ فرقت و قربت کچھ بھی نہیں اپنے تئیں ہیں شرارت اپنی