| چراغ بجھ گیا، دیوار رو پڑی آخر |
| اس ایک آدمی نے کر لی خود کشی آخر |
| / |
| بڑا غرور تھا اپنی کشادگی پہ جسے |
| اسے لے ڈوبی اسی کی کشادگی آخر |
| / |
| بہت تلاش کیا پر میں کہیں نہیں پہنچا |
| ہے کیا کوئی کہو مفہومِ زندگی آخر |
| / |
| کہ میرے پاس تو اور کوئی چارہ بھی نہیں تھا |
| سو میں نے دشمنِ جاں سے کی دوستی آخر |
| / |
| مجھے گماں بھی نہیں تھا کبھی یوں بھی ہوگا |
| نہ جانے کیسے شبِ غم گزر گئی آخر |
| / |
| کہاں گیا وہ مرا شوق وہ کمالِ نظر |
| کہاں گئی تری آنکھوں کی دل کشی آخر |
| / |
| کہیں سماج کے پہرے کہیں خدائی کے گھات |
| کہ جائے بھی تو کہاں جائے آدمی آخر |
| / |
| ہمارے دل سے بھی سب چھٹ گیا غبار و غم |
| تمہارے ہونٹوں پہ بھی آ گئی ہنسی آخر |
| / |
| ہیں ہم بھی پیکرِ صبر و قرار یاد رکھو |
| کرو گ کب تلک اس دن کو ملتوی آخر |
معلومات