| تم بھی جیت گئے |
| ہم بھی جیت گئے |
| ہارا کون یہ بعد میں سوچیں گے |
| تم بھی جشن مناؤ |
| ہم بھی جشن منائیں |
| کس کے گھر ماتم ہے یہ بعد میں سوچیں گے |
| تم بھی سر سے پا تک سلامت ہو |
| ہم بھی سر سے پا تک سلامت ہیں |
| زمیں پہ پڑا جسم کس کا ہے یہ بعد میں سوچیں گے |
| تمہیں بھی زعم کہ تم حق پر ہو |
| ہمیں بھی زعم کہ ہم حق پر ہیں |
| کس کے ہاتھ خون سے رنگے ہیں یہ بعد میں سوچیں گے |
| تم بھی اپنے شہر سجاؤ |
| ہم بھی اپنے شہر سجائیں |
| کس کا شہر جل گیا یہ بعد میں سوچیں گے |
| تمہارا چمن بھی مہکا |
| ہمارا چمن بھی مہکا |
| کس کا چمن قبرستاں بنا یہ بعد میں سوچیں گے |
| تم بھی محفلیں سجاؤ |
| ہم بھی محفلیں سجائیں |
| کس ماں کا بیٹا نہیں لوٹا یہ بعد مین سوچیں گے |
| تم بھی مخملیں بستر بچھاؤ |
| ہم بھی مخملیں بستر بچھائیں |
| ننگی درتی میں کون سویا یہ بعد میں سوچیں گے |
| تمہارے خواب بھی پورے ہوئے |
| ہمارے خواب بھی پورے ہوئے |
| خواب رہ گئے کس کے ادھورے یہ بعد میں سوچیں گے |
| تم بھی امن کا پرچم لہراؤ |
| ہم بھی امن کا پرچم لہرئیں |
| کس نے خون کے دریا بہائے یہ بعد میں سوچیں گے |
| تم بھی لاشوں پر نعرہ لگاؤ |
| ہم بھی لاشوں پہ نعرے لگائیں |
| یہ لاش کس کی ہے یہ بعد میں سوچیں گے |
| تم بھی جنگ کو "شہادت" کہو |
| ہم بھی جنگ کو "قربانی" کہیں |
| جان کس کی گئی یہ بعد میں سوچیں گے |
| تم بھی ٹی وی پر گاتے ہو فتح |
| ہم بھی فتح کے گیت سناتے ہیں |
| کس وادی میں خاموشی چیخی یہ بعد میں سوچیں گے |
| تمہارے بچے بھی ملک سے باہر ہیں |
| ہمارے بچے بھی ملگ سے باہر ہیں |
| جنگ نے کھیلی کن بچوں سے ہولی یہ بعد میں سوچیں گے |
| تم بھی کافی شو رمچاؤ |
| ہم بھی کافی شور مچائیں |
| کس کی آہ نے دم توڑا یہ بعد میں سوچیں گے |
| تم بھی جیت گئے |
| ہم بھی جیت گئے |
| ہارا کون یہ بعد میں سوچیں گے |
معلومات