| ساون ساون یادیں برسیں |
| چھم چھم چھن چھن یادیں برسیں |
| صحرا صحرا بھٹکے بادل |
| گلشن گلشن یادیں برسیں |
| پل دو پل کی تھی یادیں ساری |
| جیون جیون یادیں برسیں |
| اترے اترے چہرے سارے |
| درپن درپن یادیں برسیں |
| بھیگے بھیگے آنچل آنچل |
| چلمن چلمن یادیں برسیں |
| دل ڈھلتے ہی چاند نکلتے ہی |
| آنگن آنگن یادیں برسیں |
| اس کے دامن میں کیا ہوگا |
| جس کے دامن یادیں برسیں |
| کیا پیاس لگے ایسے گھر میں |
| برتن برتن یادیں برسیں |
| میں تو ان کو بھولا نہیں ہوں |
| پھر کس کارن یادیں برسیں |
| اک لڑکی نے پہنا تھا آج |
| ایسا کنگن یادیں برسیں |
معلومات