| اُمّیدِ دید لے کے امّیدوار آئے |
| دل کی گلی میں تم کو ہر سو پکار آئے |
| دل کے دریچے تیری خوشبو کے منتظر ہیں |
| آؤ کہ دل کی نگری میں بھی بہار آئے |
| اس دشتِ دردِ جاں میں اک لمحے کے لیے بس |
| آنکھوں کو تو نظر آ کہ دل کو قرار آئے |
| سوچو ذرا اے دل یہ آسان تو نہیں ہے |
| اک انتظار میں ہم جیون گزار آئے |
| یہ تم ہو یا نظر کا دلکش فریب کوئی |
| ہم کو چھوؤ کہ ہم کو بھی اعتبار آئے |
| یہ کیسا حال ہے یار یہ کیسی منزلِ شوق |
| جب بے وفاؤں پر بھی اس دل کو پیار آئے |
| اہر کڑاکے کی سردی ہے یہ مانا لیکن |
| کھڑکی کھلی رکھو کچھ خوشبوئے یار آئے |
| نکلے تھے جستجو میں اک خواب سی مہک کی |
| پھر یوں ہوا ہم ایسے خود کو بھی ہار آئے |
| گل دستے ہاتھوں میں بھر بھر کے مزار آئے |
| جب غم سے مر گئے ہم تب غم گسار آئے |
معلومات