| تم نے جانا ہے جا کوئی بات نہیں |
| ترکِ عہدِ وفا کوئی بات نہیں |
| روؤ مت رونے سے کیا ہی ہوگا بھلا |
| جو ہوا سو ہوا کوئی بات نہیں |
| آئنے کی طرح ٹوٹ جائیں گے ہم |
| ہنسئے ٹوٹنا کوئی بات نہیں |
| یہ مرا مسئلہ ہے کہ تم کو چنا |
| تم نے اس کو چنا کوئی بات نہیں |
| کیا یہ اتنا ہی آسان ہے کسی کو |
| راہ میں چھوڑنا کوئی بات نہیں |
| "چار دن میں اتر جاتا ہے یہ نشہ" |
| دل کا لگنا اچھا کوئی بات نہیں |
| اک دیا رہ گیا یاد کا اے صبا |
| وہ دیا بھی بجھا کوئی بات نہیں |
| دو ہی کردار تھے اس کہانی میں دوست |
| آگیا تیسرا؟ کوئی بات نہیں |
| کس لیے تم پریشان ہو رہی ہو |
| کہہ تو ہم نے دیا کوئی بات نہیں |
| ہم سفر تو رہے تھوڑی دیر سہی |
| چلئے شکریہ کوئی بات نہیں |
| کیسے سمجھاؤں تجھ کو اے میرے خدا |
| ہونے کا حادثہ کوئی بات نہیں؟ |
| عشق میں جیتنا کوئی بات ہوئی |
| عشق میں ہارنا کوئی بات نہیں |
| میں کسی کا نہیں ہو سکا ترے بعد |
| تو کسی کا ہوا کوئی بات نہیں |
| کیا ہوا جو نہیں پہنچے منزلوں کو |
| اے مرے رہنما کوئی بات نہیں |
| جس نے جانا تھا وہ تو چلا گیا دوست |
| چائے پیتے ہیں آ کوئی بات نہیں |
معلومات