| کسی کی دسترس میں آ تو سہی |
| کسی لیلی سے دل لگا تو سہی |
| نہ کوئی بات اور نہ کوئی گلہ |
| کیا ہوا میری جاں بتا تو سہی |
| گر محبت نہیں تو نفرت ہی |
| کوئی تعلق مگر نبھا تو سہی |
| پردے اس پار کیا ہے جانتا ہوں |
| درمیاں سے یہ سب ہٹا تو سہی |
| ٹوٹ جائے گا چاند کا بھی زُعْم |
| تو کسی روز چھت پہ آ تو سہی |
| کتنے خوابوں کو منزلیں ملتں |
| تو نظر سے نظر ملا تو سہی |
| آئیں گے چارہ ساز بھی لیکن |
| اچھا سا کوئی زخم کھا تو سہی |
| شام ہی سے ہے دل اداس بہت |
| جانی کوئی غزل سنا تو سہی |
معلومات