| پریشانیوں سے پریشان کیوں ہو |
| اگر زندگی ہو تو آسان کیوں ہو |
| / |
| یہی ہونا تھا اس جہانِ بلا میں |
| تم ایسے نتیجوں پہ حیران کیوں ہو |
| / |
| یہ قصہ پشیمانیوں کا ہے قصہ |
| پشیمانیوں سے پشیمان کیوں ہو |
| / |
| میں تو ہارنے کے لیے لڑ رہا تھا |
| مری ہار پر لوگو حیران کیوں ہو |
| / |
| یہاں حاکمِ شہر جو چاہتا ہے |
| وہی میری نظموں کا عنوان کیوں ہو |
| / |
| چلو ٹھیک ہے اجنبی ہی رہے ہم |
| بھلا درمیاں جان و پہچان کیوں ہو |
| / |
| میں تو جا رہا ہوں بَیابانِ نا سوت |
| خداؤں کی بستی میں انسان کیوں ہو |
| / |
| نہیں آنا جب اس کی خوشبو کو دربان |
| تو زندان میں پھر ہوا دان کیوں ہو |
| / |
| مرے سامنے ہو تم اے جانِ جاں جب |
| مجھے اپنی حالت کا پھر دھیان کیوں ہو |
معلومات