تقطیع، شاعری اور بلاگ

ڈاکٹر زیرک نسیم

@ZeerakNasim

21 اپریل
غزل

ڈاکٹر زیرک نسیم
@ZeerakNasim

دردِ دل کی دوا، مانگتا ہے گدا

غم سبھی دے بُھلا، دے مجھے وہ شِفا

ہو کرم ہو عطا، دور ہو ہر بلا

از پئے مُصطفیٰ، بحرِ غوثُ الوَریٰ

امتِحاں سخت ہے، حوصلہ پست ہے

میری ہمت بڑھا، ہر قدم پر خدا

استغاثہ

11 اپریل
غزل

ڈاکٹر زیرک نسیم
@ZeerakNasim

سُسرال چلو سُسرال چلو، سُسرال چلو سُسرال چلو

خوش ہے بیوی دیکھو کتنی، تم ڈال کہ لُڈّی دھمال چلو

اسکوٹر گاڑی پیدل بھی، ہو رکشہ چاہے تانگہ ہی

انکار نہ ممکن آج کوئی، ہے کس کی ایسی مجال چلو

کپڑے عمدہ جوتے مہنگے، سِلوَٹ نہ کوئی پالِش چمکے

مُسکان سجی ہو ہونٹوں پر، جذبات کو اپنے سنبھال چلو

سسرال ڈے

2 اپریل
غزل

ڈاکٹر زیرک نسیم
@ZeerakNasim

یاد بچپن کی ہے آئی دل لُبھانے کے لئے

غم کے ماروں کے غموں کو اب مِٹانے کے لئے

ہر سَماں کتنا سُہانا تھا تصور تو کرو

فصلِ گُل میں بُلبُلیں تھیں چہچہانےکے لئے

نیند آتے ہی چلے جاتے تھے ماں کی گود میں

وہ سُناتی ہم کو لوری پھر سُلانے کے لئے

بچپن کی حسین یادیں

31 مارچ
غزل

ڈاکٹر زیرک نسیم
@ZeerakNasim

مُبارک مُبارک نیا گھر مُبارک

سدا خوش رہو تم بنے دَر مُبارک

سُکوں ہو مُیسّر ملے دل کو راحت

محبت کا اُلفت کا ساغر مبارک

سجے باغ پھولوں سے ایسا خدایا

مُعَطّر مُعَطّر مُعَنبر مبارک

نیا گھر مُبارک

10 مارچ
غزل

ڈاکٹر زیرک نسیم
@ZeerakNasim

رمضان شروع کب ہوتا ہے؟ اب تکتی دنیا ساری ہے

اُمت کو یک جا کون کرے، یہ کام بڑا ہی بھاری ہے

اُس پار نظر تُو آتا ہے، اِس پار تُو کیوں چُھپ جاتا ہے؟

اے چاند تِرا یوں تڑپانا، ارمان پہ چلتی آری ہے

اک چال مقرر تیری ہے، انتیس دنوں کی پھیری ہے

ہم دیکھ کہ تم کو عید کریں، یہ عادت کتنی پیاری ہے

رمضان کا چاند

6 مارچ
غزل

ڈاکٹر زیرک نسیم
@ZeerakNasim

خون میں ہے فلسطین ڈوبا ہُوا، ظلم کی انتہا بے بہا بے بہا

سُن کہ خاموش ہیں اُن کی آہ و بُکا، ختم ہو ظالموں کی یہ جَور و جفا

قلب اپنا تو شیدائی اغیار کا، اُن کی تہذیب کا اُن کے افکار کا

خوف اُن کو نہیں اپنی للکار کا، عشقِ احمد کی اب شمع دل میں جَلا

امتِحاں سخت ہے ہر مُسَلمان کا، ہمّت و صبر کا اور ایمان کا

ہر رِعایا کا بھی ساتھ سلطان کا، جذبہ ایمان کا کاش پائے جِلا

فلسطین کی یاد میں

3 مارچ
غزل

ڈاکٹر زیرک نسیم
@ZeerakNasim

خاص ہم پر ہُوا فضلِ رحمان ہے

مومِنو آگیا ماہِ رمضان ہے

جان میں عاصیوں کی پڑی جان ہے

مومِنو آگیا ماہِ رمضان ہے

سَحر و افطار کی برکتیں لوٹ لو

رات دن خوب تم رحمتیں لوٹ لو

آگیا ماہِ رمضان ہے

11 فروری
غزل

ڈاکٹر زیرک نسیم
@ZeerakNasim

شعبان شروع کب ہوتا ہے؟ اب تکتی دنیا ساری ہے

اُمت کو یک جا کون کرے، یہ کام بڑا ہی بھاری ہے

اُس پار نظر تُو آتا ہے، اِس پار تُو کیوں چُھپ جاتا ہے؟

اے چاند تِرا یوں تڑپانا، ارمان پہ چلتی آری ہے

اک چال مقرر ہے تیری، انتیس دنوں کی ہے پھیری

ہم دیکھ کہ تم کو عید کریں، یہ عادت کتنی پیاری ہے

چاند کی چال

10 فروری
غزل

ڈاکٹر زیرک نسیم
@ZeerakNasim

بڑا پُر فِتَن یہ تو دَور ہے، یہاں جنگ اپنی اَنا کی ہے

نہ ہمیں ہے خوفِ خُدا کوئی، نہ ذرا بھی فکر قَضا کی ہے

مرا نام سب سے بُلَند ہو، مری ذات سب کو پسند ہو

مجھے داد سب سے مِلا کرے، نہ طلب کوئی بھی سِوا کی ہے

میں کَماؤں بیش بَہا رَقَم، کبھی پاس آئے نہ کوئی غم

کبھی ختم ہو نہ یہ زندگی، مری جستجو تو بَقا کی ہے

پر فتن دور

8 فروری
غزل

ڈاکٹر زیرک نسیم
@ZeerakNasim

ہو مبارک کامیابی زندگی کی دوڑ میں

مل گئی گاڑی کی چابی زندگی کی دوڑ میں

راستے ہموار ہیں اور مَنزِلیں ہیں بے شمار

خوب اس پر ہم رَکابی زندگی کی دوڑ میں

قیمتی موتی و ہیرے بھی مِلیں گے بیشتر

ہوں نگاہیں گر عُقابی زندگی کی دوڑ میں

بنام برادر رفیق ارشد

19 جنوری
غزل

ڈاکٹر زیرک نسیم
@ZeerakNasim

جامعہ کا چَمَن لہلَہاتا رہے

علمِ دِیں کے خزانے لُٹاتا رہے

رونقیں ہوں بہاراں کی ہر آن ہی

طائِرِ خوش گُلو چہچہاتا رہے

علم و حکمت کا چشمہ یہ بہتا رہے

تشنہ لب تشنگی کو مٹاتا رہے

جامعۃ المدینہ

8 جنوری
نظم

ڈاکٹر زیرک نسیم
@ZeerakNasim

ولادت ہے بیٹی کی رحمت خدا کی

ہمیں چاند سی اک کلی پھر عطا کی

اُسی کا کرم ہے جو پوری دُعا کی

اُسی نے ہمارے دُکھوں کی دوا کی

یہ بیٹی تو سب کی ہے آنکھوں کا تارا

بنے زندگی میں سبھی کا سہارا

بیٹی کا تحفہ

25 دسمبر
غزل

ڈاکٹر زیرک نسیم
@ZeerakNasim

خدا کر کے آئی ہے باری مبارک

مبارک مبارک ہو شادی مبارک

مُعطّر فضا ہے خوشی کا سماں ہے

نکاح کی یہ سُنّت ہو پیاری مبارک

پئیں دید کے خوب کثرت سے شربت

رہے کوئی باقی نہ آنکھوں کی حسرت

شادی مبارک

20 دسمبر
غزل

ڈاکٹر زیرک نسیم
@ZeerakNasim

یہ سلسلہ ذہنی آزمائش، بنا ہے سب کے دلوں کی دھڑکن

بہار آئی ہے علمِ دیں کی، خوشی سے مچلا ہے اپنا تن من

تُو علم کا نور کر لے حاصل، سفر اکیلے کی اک ہے منزل

دُرُست کیا ہے غَلَط کہاں ہے؟ سوال کا دیں جواب فوراً

حدیث آقا کی آؤ سُن لیں، یوں عشق کے پھول ہم بھی چُن لیں

وہ جوش میں بھی ہے ہوش کرنا، کہیں بھی ان کا نہ چھوٹے دامن

ذہنی آزمائش

10 دسمبر
غزل

ڈاکٹر زیرک نسیم
@ZeerakNasim

اے فَلَسطِین سُن کر کہانی تِری، دل مِرا آج آنسو بہاتا رہا

ہائے معصوم جانیں تڑپتی رَہِیں، وہ نشیمن پہ بجلی گراتا رہا

گھر کے گھر ہر طرف آہ مسمار ہیں، آہ لاشوں کے ہر سمت انبار ہیں

کرب سے کتنے ماں باپ غمگین ہیں، ساز غم کا عَدُو پھر بجاتا رہا

آج خاموش ہے رہبروں کی زَباں، ہر کِسی کی بنی حق کی جو ترجُماں

کیوں روا رکھتے ہو امتیازی سلوک؟ دعویٰ انصاف کا مُنہ چُھپاتا رہا

فلسطین کی کہانی

2 دسمبر
غزل

ڈاکٹر زیرک نسیم
@ZeerakNasim

موبائل کے دیوانوں پر اک کیف و مستی چھائی ہے

مخمور ہوئے ہیں کچھ ایسے ہر چیز کی ہوش بُھلائی ہے

دل جان سے پیارا موبائل ہر آنکھ کا تارا موبائل

بِن اس کے بہار کا موسم بھی لگتا ہے خزاں سی چھائی ہے

نظروں سے اگر یہ اوَجھل ہو دل سب کا کتنا بَوجھل ہو

بے ربط دلوں کی دھڑکن نے تسکین اسی میں پائی ہے

موبائل کا روگ

19 نومبر
غزل

ڈاکٹر زیرک نسیم
@ZeerakNasim

سر زمینِ انبیاء پر آج تڑپا ہے بشر

جبر کی تسکین کو خوں میں نہایا ہے بشر

ظالموں نے چھین لی ہے سانس نومولود کی

موت کی ہچکی پہ اُس کی دیکھ لرزا ہے بشر

لاش بچوں کی جگر کو کر رہی ہے پاش پاش

چُپکے چُپکے خون کے آنسو بہاتا ہے بشر

ارضِ انبیاء

28 اکتوبر
غزل

ڈاکٹر زیرک نسیم
@ZeerakNasim

وقت بدلے گا پھر آج کی رات کو

کاش بدلیں بھی ہم اپنی عادات کو

ایک پر آئے گی سوئی پھر دو بجے

کون ہے روک لے گھٹتے لمحات کو

سب کہیں ایک گھنٹا ہے زائِد ملِا

سوئی کے تم نہ سمجھے اشارات کو

دو سے ایک

27 اکتوبر
غزل

ڈاکٹر زیرک نسیم
@ZeerakNasim

ظالِموں کو چھوٹ ہے جو دل میں آئے سو کریں

کون روکے ظلم اِن کا اِن کی مرضی جو کریں

ظالِموں سے بن پڑے گر چھین لیں جینے کا حق

بد سے بدتر جو ستم ہے کھُل کہ ظالم وہ کریں

اُلٹی منطِق اِن کی دیکھو وَحشی دُشمن کو کہیں

خود مُہذّب بنتے ہیں گو قتل لاکھوں کو کریں

مغرب کے منصفوں کے نام

21 اکتوبر
قطعہ

ڈاکٹر زیرک نسیم
@ZeerakNasim

بھیڑیوں کو چھوٹ ہے جو دل میں آئے سو کریں

کون روکے جبر ان کا ان کی مرضی جو کریں

خون بہتا ہے مُسلمانوں کا بہنے دو اِسے؟

مُنصِفو انصاف کے ہی نام پر کُچھ تو کریں

مسلمانوں کا قتل

18 اکتوبر
غزل

ڈاکٹر زیرک نسیم
@ZeerakNasim

ظالم کا ظلم ہم سے بھُلایا نہ جائے گا

قصہ یہ غم کا ہم سے سنایا نہ جائے گا

گرتے ہیں آج اہلِ فلسطیں پہ بم ہزار

یوں موت سے انھیں تو ڈرایا نہ جائے گا

کلمہ پڑھو او بھائی شہادت کا وقت ہے

بچوں کو ایسا جذبہ سکھایا نہ جائے گا

اے ارضِ فلسطین

16 اکتوبر
غزل

ڈاکٹر زیرک نسیم
@ZeerakNasim

خون میں آج ڈوبا فلسطین ہے

کس قدر دل ہمارا یہ غمگین ہے

ظلم کی انتہا بے بہا بے بہا

کیسی اُمّت یہ لاچار و مِسکین ہے

ہاتھ میں باپ کے لاش بچے کی ہے

اور بھی کیا کوئی جرم سنگین ہے؟

فلسطین

15 اکتوبر
غزل

ڈاکٹر زیرک نسیم
@ZeerakNasim

دھوم ہے ہر طرف شور ہے اک مَچا

پھر مہم ہے چلی عزم ہے اک بڑا

کس قدر بہتریں دین کے واسطے

خرچ کرنے کا موقع ہمیں ہے ملا

جتنا بھی کر سکو اور زائد کرو

آخرت کا اَجَرْ لوٹ لو تم ذرا

ٹیلی تھون

21 ستمبر
منقبت

ڈاکٹر زیرک نسیم
@ZeerakNasim

یہ عرس پیرانِ پیر کا ہم، سدا مَناتے رہیں گے دل سے

نیاز غوثُ الورا کی ہم تو، سدا کھِلاتے رہیں گے دل سے

نَسَب بھی عالی ملِا ہے ان کو، یہاں ملے فیض اِنس و جن کو

قدم ہے گردن پہ اولیاء کی، وہ سر جُھکاتے رہیں گے دل سے

جِلائے مُردے تِرائی کشتی، رہی جو بارہ بَرَس سے ڈوبی

کرامتوں کا یہ تذکرہ ہر، گھڑی سُناتے رہیں گے دل سے

غوث اعظم شیخ عبد القادر جیلانی

19 ستمبر
نعت

ڈاکٹر زیرک نسیم
@ZeerakNasim

مناؤ میلاد تم خوشی سے، سدا یہ محفل سجائے رکھنا

دلوں میں اپنے چراغ عشقِ، نبی کا ہر دم جلائے رکھنا

مناؤ خوشیاں لُٹاؤ دولت، ملے تمہیں جب بھی فضل و رحمت

کلام رب کا ہے حکم دیتا، یہ حکم سینے لگائے رکھنا

بیان کرنا نبی کی مدحت، خدا کے سب انبیاء کی سُنّت

خدایا سُنّت پہ اپنے نبیوں، کی ہم کو ہر دم چلائے رکھنا

سدا یہ محفل سجائے رکھنا

18 ستمبر
نعت

ڈاکٹر زیرک نسیم
@ZeerakNasim

عقیدت سے جو ہم میلاد کی محفل سجاتے ہیں

مُنَوَّر دل کو کرتے ہیں سوئی قسمت جگاتے ہیں

سنیں ہم عشق و مستی میں رسولِ پاک کی نعتیں

اُنھی کا کھاتے ہیں ہم تو اُنھی کے گیت گاتے ہیں

تڑپتے ہیں بلکتے ہیں زیارت ہو مدینے کی

کرم جس پر وہ کرتے ہیں اسے در پر بُلاتے ہیں

میلاد کی محفل

17 ستمبر
نعت

ڈاکٹر زیرک نسیم
@ZeerakNasim

عقیدت سے جو ہم میلاد کی محفل سجاتے ہیں

مُنَوَّر دل کو کرتے ہیں سوئی قسمت جگاتے ہیں

ہے فرمانِ خدا “فَليَفرَحُو” جب فضل و رحمت پاؤ

اِسی فرمان پر میلاد کی خوشیاں مناتے ہیں

بتائی ہر نبی نے شان آقا کی تھی اُمّت کو

یہ تھا میثاق کا وعدہ جو سارے ہی نبھاتے ہیں

محفل میلاد

15 ستمبر
نعت

ڈاکٹر زیرک نسیم
@ZeerakNasim

نور کی دیکھ لو ہر سو برسات ہے

دل مرا کھِل اُٹھا ماہِ میلاد ہے

جھوم کر کیف و مستی میں سب نے کہا

آئے شاہِ ہُدیٰ ماہِ میلاد ہے

عید کا ہے سماں رونقیں ہر جہاں

فرش والے یہاں عرش والے وہاں

ماہِ میلاد ہے

10 ستمبر
غزل

ڈاکٹر زیرک نسیم
@ZeerakNasim

اداسی ہے چھائی دلوں پر ہمارے

ہمیں ہے مراکش مدد کو پکارے

ہوئی ہے شہادت ہزاروں کی اب تک

دبے کتنے ملبے میں ہیں بے سہارے

کریں غمزدوں کی مدد اس گھڑی جو

خدایا لگا اُن کی محنت کنارے

مراکش کا زلزلہ

9 ستمبر
شعر

ڈاکٹر زیرک نسیم
@ZeerakNasim

درس بیٹے نے دیا جوتے پَہَن کر باپ کے

رَہ چلوں گا میں وُہی جس پر قدم ہیں آپ کے

بیٹے کا پیغام

8 ستمبر
منقبت

ڈاکٹر زیرک نسیم
@ZeerakNasim

احسان تیرا ہم نہ بھولیں گے کبھی شاہد رضا

ہر آن خدمت دین کی تم نے جو کی شاہد رضا

تقریر تیری سے جَھلَکتی یاد تھی اسلاف کی

وہ تھی فصاحت اور بلاغت سے بھری شاہد رضا

گفتار میٹھی تھی تری کردار بھی عالی ترا

ہونٹوں پہ تیرے مسکراہٹ ہی رہی شاہد رضا

مولانا شاہد رضا نعیمی رحمت اللہ علیہ

31 اگست
نعت

ڈاکٹر زیرک نسیم
@ZeerakNasim

محفل ہے بہارِ مدینہ کی، برکھا انوارِ مدینہ کی

آجاؤ سبھی مِل کر لوٹیں، رحمت سرکارِ مدینہ کی

سرکار کی مدحت میں جھومیں، لب نامِ محمّد پر چومیں

اے کاش زیارت ہو جائے، مجھ کو دلدارِ مدینہ کی

عُشّاق ہزاروں آتے ہیں، عمرہ کا ٹکٹ بھی پاتے ہیں

معلوم کسے مل جائے پھر، چِٹھی دربارِ مدینہ کی

بہار مدینہ

22 اگست
غزل

ڈاکٹر زیرک نسیم
@ZeerakNasim

میں صدقے ترے جاؤں، اے دعوَتِ اسلامی

دیوانے ترے لاکھوں، اے دعوَتِ اسلامی

فتنوں کے زمانے میں، ایماں کو بچایا ہے

دامن کو ترے تھاموں، اے دعوَتِ اسلامی

ہے رب کا کرم تجھ پر، آقا کی عنایت بھی

گُن کیوں نہ ترے گاؤں، اے دعوَتِ اسلامی

یومِ دعوتِ اسلامی

18 اگست
غزل

ڈاکٹر زیرک نسیم
@ZeerakNasim

مدنی مرکز تیری پاکیزہ فضاؤں کو سلام

ٹھنڈی ٹھنڈی روح پرور اِن ہواؤں کو سلام

مدنی گنبد اور اس کے ساتھ جو مینار ہے

اِن پہ ہیں سایہ فِگن جو اُن گھٹاؤں کو سلام

صَحنِ مسجد میں جہاں دل کو سُکوں ملتا رہا

شام کی اُس دلرُبا پُر کیف چھاؤں کو سلام

عالمی مدنی مرکز دعوت اسلامی

12 اگست
غزل

ڈاکٹر زیرک نسیم
@ZeerakNasim

جذبات کے بہتے دھارے میں، تم ڈوب نہ جانا غفلت میں

جو کام بُرا انجام بُرا، نقصان کرو نہ حماقت میں

ہر جشن منانا تم لیکن، یہ بات لو میری سُن لیکن

شیطان کے حربے پہچانو، آ جاؤ خدا کی طاعت میں

تم بھول گئے اجداد کو کیوں؟ اپنایا ہے اغیار کو کیوں؟

سستے میں لہو کو بیچ دیا، وہ کم تو نہیں تھا حرمت میں

جشن آزادی کا پیغام

11 اگست
غزل

ڈاکٹر زیرک نسیم
@ZeerakNasim

یا خدا دے شفا، کاملہ، عاجلہ

جلد مشکل ٹَلے، بحرِ شاہِ ہُدیٰ

باپ بیٹا اُٹھیں، گھر کی جانب چلیں

مسکراتے ہوئے، ہم کو دن وہ دِکھا

صبر و ہمت بھی دے، ان کو راحت بھی دے

سب گھرانے سے ہو، دور ہر اک بَلا

برائے احسن و احمد مطلوب

8 اگست
غزل

ڈاکٹر زیرک نسیم
@ZeerakNasim

وہ جس کا حسیں ہے ہر اک ہی نظارا وہ میرا وطن ہے وہ میرا وطن ہے

دل و جان ہم نے ہے جس پر ہی وارا وہ میرا وطن ہے وہ میرا وطن ہے

فلک بوس کہسار برفانی بھی ہیں تو دریا کے بہتے ہوئے پانی بھی ہیں

ہے صحرا نے جس کو عجب سا نکھارا وہ میرا وطن ہے وہ میرا وطن ہے

کہیں آب شاروں کے دلکش مناظرکہیں چہچہاتے فلک پر وہ طائر

سُروں میں گھِرا جس کا ہراک کناراوہ میرا وطن ہے وہ میرا وطن ہے

وہ میرا وطن ہے

28 جولائی
غزل

ڈاکٹر زیرک نسیم
@ZeerakNasim

یہ ساقی جامِ سُنّت کے

یہ ہادی راہِ شریعت کے

یہ کامِل پیر طریقت کے

یہ محرم راز حقیقت کے

یاں رازِ حقیقت کُھلتا ہے

عطار کا سکہ چلتا ہے

28 جولائی
منقبت

ڈاکٹر زیرک نسیم
@ZeerakNasim

ہمیں مِلا ہے وہ پیر ایسا مقام جس کا بڑا ہے اعلی

نہیں ہے کوئی بھی اِن کے جیسا مُرید اِن کا نصیب والا

سُنَن کی خوشبو لُٹا رہے ہیں ادب نبی کا سِکھا رہے ہیں

بھٹک گئے تھے جو راہ سیدھی بدی میں ڈوبوں کو ہے نکالا

عمل ہے ان کا مِثال اپنی نہ اِستِقامت میں کوئی ثانی

خُلوص کے بھی یہ خوب پیکر رِیا سے کوئی نہیں ہے پالا

ہمیں ملا ہے وہ پیر ایسا

27 جولائی
نعت

ڈاکٹر زیرک نسیم
@ZeerakNasim

کاش ہوتا وہ مبارک دور آقا آپ کا

ہم بھی ہوتے اور ہوتا وہ مدینہ آپ کا

چوم کر ہم بھی سَجاتے اپنی پلکوں میں اُنھیں

خاص ذرّے وہ جنہوں نے تلوا چوما آپ کا

بیٹھ جاتے رَہ گُزَر میں یوں بِچھا کر دل کو ہم

جان میں پھر جان آتی تکتے چہرہ آپ کا

کاش ہوتا وہ مبارک دور آقا آپ کا

25 جولائی
غزل

ڈاکٹر زیرک نسیم
@ZeerakNasim

شہرِ مرشد کی ہے ٹھنڈی ٹھنڈی ہوا

ابر چھایا ہوا ہے سَماں دلرُبا

کالی بدلی میں اڑتے ہوئے طائِران

شکر میں رب کے ہیں آج نغمہ سَرا

بوندا باندی کبھی تیز بارش کبھی

اک عجب اس میں ہے بھیگنے کا مزہ

ٹھنڈی ٹھنڈی ہوا

18 جولائی
رباعی

ڈاکٹر زیرک نسیم
@ZeerakNasim

بدی سے دامن کو ہے بچانا، بچا کے رکھنا کمال یہ ہے

حیا سے اپنی نظر جُھکانا، جُھکا کے رکھنا کمال یہ ہے

جہاں پہ فیشن رچا بسا ہو، دلوں میں شیطان بھی گُھسا ہو

لباسِ سنت وہاں سجانا، سجا کے رکھنا کمال یہ ہے

عمل میں اخلاص گر ہو شامل، ملاؤ تقوی بنے یہ کامل

ریا کی خواہش کو پھر دبانا، دبا کے رکھنا کمال یہ ہے

کمال یہ ہے

305

19 مئی
موزوں

ڈاکٹر زیرک نسیم
@ZeerakNasim

ہر ایک زباں یہ کہتی ہے ماضی کا دور سُہانا تھا

ماضی تھا حال کبھی یارو ہر حال میں لُطف اُٹھانا تھا

آئیں گے دن اچھے کل کو ہے آس ہماری مُدَّت سے

ہے آج کا دن سب سے اچھا اس راز کو ہی سمجھانا تھا

ڈوبے ہیں منفی سوچوں میں ہم مفلس بن کر جیتے ہیں

انبار لگا ہے نعمت کا نا شکری کا ساز بجانا تھا

انوکھی سوچ

14 مئی
غزل

ڈاکٹر زیرک نسیم
@ZeerakNasim

عطار تو میرے مُرشِد ہیں فیض ان کا جگ میں بٹتا ہے

جب دید کریں ان کی ہم تو پھر چین دلوں کو ملتا ہے

یہ ہادی راہِ شریعت کے یہ کامِل پیر طریقت کے

یہ محرم راز حقیقت کے یاں رازِ حقیقت کُھلتا ہے

اَخلاق مِثالی ہے ان کا پیغام غزالی ہے ان کا

اورعشق بِلالی ہے ان کا اک جامِ مَحبَّت مِلتا ہے

عطار تو میرے مُرشِد ہیں

3 مئی
غزل

ڈاکٹر زیرک نسیم
@ZeerakNasim

جان تم پر فدا میرے احمد رضا

میرے احمد رضا میرے احمد رضا

ہند میں اہلِ حق کے ہو تم پیشوا

جان تم پر فدا میرے احمد رضا

شکر ہر دم کروں میں تو اس بات کا

تم ہو رب کی عطا میرے احمد رضا

میرے احمد رضا

3 مئی
غزل

ڈاکٹر زیرک نسیم
@ZeerakNasim

خوش نصیبی ہے ہماری مِلے احمد رَضا خاں

تم نے پختہ ہیں عقائد کِئے احمد رَضا خاں

تیری قسمت پہ فِدا ہم اے بریلی کی زمیں

جلوہ افروز تمھی پر ہوئے احمد رضا خاں

شک نہیں کوئی تمھیں علمِ لدُنّی ہے مِلا

کس طرح کوئی ترا رد کرے احمد رضا خاں

احمد رضا خاں

26 اپریل
غزل

ڈاکٹر زیرک نسیم
@ZeerakNasim

مدنی چینل کی برکت سے فیضانِ مدینہ بٹتا ہے

اور مسلَکِ اعلیٰ حضرت کا کس شان سے ڈنکا بجتا ہے

ہے حَمدِ خُدا کی کثرت بھی اور عشقِ نبی کی لذّت بھی

قرآں کی تلاوت ہوتی ہے اور نعت کا حلقہ سجتا ہے

ہے آلِ نبی سے الفت بھی اصحاب کی دل میں محبت بھی

ولیوں سے عقیدت بڑھتی ہے باطِن بھی ہمارا دُھلتا ہے

مدنی چینل کا فیضان

26 اپریل
غزل

ڈاکٹر زیرک نسیم
@ZeerakNasim

خیر خواہِ اہلِ سُنّت آپ کی کیا بات ہے

ہے خدا کی خاص رحمت آپ کی کیا بات ہے

ہے سعادت کتنی میری آپ کا شاگرد ہوں

دور ہو گی اب جہالت آپ کی کیا بات ہے

فی سبیلِ اللّہ پڑھتے آن لائن ہیں سبھی

جس کو جیسے ہو سُہُولت آپ کی کیا بات ہے

خیر خواہ اہلسنت

26 اپریل
غزل

ڈاکٹر زیرک نسیم
@ZeerakNasim

ہم آٹھوں دینی کام کریں عِصیاں کی روک و تھام کریں

فیشن کے اِس طوفان میں ہم پھر شرم و حیا کو عام کریں

ہر ایک بَہَن سے مل کر ہم دیں اُس کو دعوت نیکی کی

بیدار عمل کا جذبہ ہو رب سے حاصل اِنعام کریں

چُھوٹے نہ ہمارا درس کبھی گھر میں ہو محفل روز سجی

پھر چُن کر موتی حکمت کے ہم خوب محبت عام کریں

آٹھ دینی کام

26 اپریل
غزل

ڈاکٹر زیرک نسیم
@ZeerakNasim

ہر دن صبح و شام کریں گے بارہ دینی کام کریں گے

دعوَتِ اسلامی کی برکت گھر گھر سُنّت عام کریں گے

سب سے پہلے فجر میں جاگو رحمَتِ رب کو یوں تم پالو

سوتا کوئی بھی رہ نہ جائے اس کا ہم اقدام کریں گے

خوفِ اِلٰہی دل میں بٹھا کر قرآں کی تفسیر سُنا کر

وقتِ مُناسب پر روزانہ رب کے بُلند اَحکام کریں گے

بارہ دینی کام

26 اپریل
غزل

ڈاکٹر زیرک نسیم
@ZeerakNasim

اے دعوتِ اسلامی تیرا کس شان سے ڈنکا بجتا ہے

مسلک کی خدمت کیا کہنے اعزاز کا سہرا سجتا ہے

لہرا کر اہلِ سُنّت کا یہ پرچم کونے کونے میں

اک دھاک بٹھائی غیروں پر شیطاں کا کلیجہ جلتا ہے

سُنّت کی بہاروں کا موسم اور عشقِ نبی کا بھی سنگم

فیضان مدینے کا ہر دم محفل میں تِری تو بٹتا ہے

دعوت اسلامی کی دھوم

26 اپریل
غزل

ڈاکٹر زیرک نسیم
@ZeerakNasim

زُہد و تقویٰ کے ہیں پیکر جانشیں عطار کے

عاصیوں کے یہ ہیں یاور جانشیں عطار کے

مرشِدی کی تربیت کا آپ اِک شہکار ہیں

یوں بنے ہیں اپنے رَہبر جانشیں عطار کے

عاجزی میں انکساری میں تو یہ مشہور ہیں

ہیں ملنساری کے جوہر جانشیں عطار کے

جانشیں عطار کے

26 اپریل
غزل

ڈاکٹر زیرک نسیم
@ZeerakNasim

عجب ہی گُل یہ کھِلا رہا ہے دلوں پہ خنجر چلا رہا ہے

بدل ہی دو تم ِنظامِ فطرت صدا یہ لِبرل لگا رہا ہے

کرو اَدب تم بُرائی کا بھی کہاں کی منِطق بتائے گا بھی

حرام کو تم حلال جانو عذاب رب کا بُھلا رہا ہے

طَبَل بغاوت کا ہے بجایا غضب خدا کا قریب آیا

کہو لواطت ہے حق تمھارا یہ حق کہاں سے ِجتا رہا ہے

لبرل کی صدا

26 اپریل
غزل

ڈاکٹر زیرک نسیم
@ZeerakNasim

بُلاوا کاش آ جائے تمھارا یا رسولَ اللّہ

مِری قسمت کا چمکے پھر سِتارہ یا رسولَ اللّہ

مدینے کے حَرم پر جان و دل میرا فِدا ہر دم

خدا نے اِس کو کیسا ہے نِکھارا یا رسولَ اللّہ

مدینے کے دَرو دیوار چوموں اپنی پلکوں سے

کروں کیسے میں اس کا کوئی چارہ یا رسولَ اللہ

آرزوئے مدینہ

26 اپریل
غزل

ڈاکٹر زیرک نسیم
@ZeerakNasim

ہے یاد تمھیں کس شان سے ہم بچپن میں عید مناتے تھے

جب عید کا چاند نظر آتا ہم ہلچل خوب مچاتے تھے

پھر رات میں نیند نہ آتی تھی نانی بھی کہانی سناتی تھی

آنکھوں میں سجائے سپنے ہم آغوش میں نیند کی جاتے تھے

دن عید کا کتنا سہانا تھا اچھا وہ وقت پرانا تھا

وہ اُبلی سِوَیّاں اور شکر ہم شوق سے کیسے کھاتے تھے

بچپن کی عید

26 اپریل
غزل

ڈاکٹر زیرک نسیم
@ZeerakNasim

سب کا وہ سلطان ہے

کلام: ڈاکٹر زیرک نسیم عطاری

سب کا وہ سلطان ہے اللہ ہو اللہ

کس قَدر رحمان ہے اللہ ہو اللہ

اُس پہ جاں قربان ہے اللہ ہو اللہ

نعمتیں ہم کھاتے ہیں اللہ ہو اللہ

حمد باری تعالی

26 اپریل
غزل

ڈاکٹر زیرک نسیم
@ZeerakNasim

شادی کا اشتہار برائے لڑکا

کلام: ڈاکٹر زیرک نسیم عطاری

تڑپ کر پکارے ہے دل یہ ہمارا

ہمیں بھی ملے زندگی کا سہارا

میں مدّت سے اِس آس پر جی رہا ہوں

کسی دن تو چمکے مِرا بھی ستارا

لڑکے کے رشتے کا اشتہار

8 مارچ
غزل

ڈاکٹر زیرک نسیم
@ZeerakNasim

یہ رشتہ میاں بیوی کا تو سنتے ہیں فلک پر بنتا ہے

ایماں کی حَلاوت مِلتی ہے سُنّت پہ عمل جو کرتا ہے

خاوِند ہو حامِل تقویٰ کا اور پاک ہو دامَن زوجہ کا

اَحکامِ شریعت پر چل کر ہر لمحہ موتی بنتا ہے

پھر پڑتی نظر جب اُن پر ہے مُسکان لبوں پر سجتی ہے

الفاظ رسیلے جھڑتے ہیں راحت کا دریا بہتا ہے

میاں بیوی کا رشتہ

23 فروری
غزل

ڈاکٹر زیرک نسیم
@ZeerakNasim

جو حق کی رَہ پر چلتے ہیں کانٹوں کو بچھایا جاتا ہے

ہر ایک قدم پر ان کو تو پھر خوب ستایا جاتا ہے

ظاہر کی سجاوٹ مت دیکھو باطن میں عداوت کتنی ہے

اک جام محبّت کا دے کر یوں زہر پلایا جاتا ہے

کرتے ہیں نیکی جس سے ہم چلتا ہے چالیں وہ ہر دم

دل پر میرے اک کوہِ سِتم چُپکے سے گرایا جاتا ہے

راہِ حق کا مسافر

16 فروری
موزوں

ڈاکٹر زیرک نسیم
@ZeerakNasim

تلخ ہے یہ حقیقت فسانہ نہیں

ان دکھوں نے کبھی یار جانا نہیں

آج اک ہے تو کل پھر کوئی دوسرا

شکوہ اس کا مگر لب پہ لانا نہیں

فلسفہ امتحاں کا یہ دشوار ہے

ہر کسی کی سمجھ میں یہ آنا نہیں

دکھوں کا فسانہ

8 فروری
موزوں

ڈاکٹر زیرک نسیم
@ZeerakNasim

امتحاں میں مبتلا تیری یہ خلقت آج ہے

یا خدا غم میں پریشاں ساری امت آج ہے

آہ بے کس بے سہارا شام و ترکی کس قدر

زلزلہ سے ان پہ ٹوٹی اک قیامت آج ہے

جو شہادت پا گئے ہیں ان کو جنت کر عطا

سوگواروں کی تڑپ میں کتنی رِقّت آج ہے

زلزلہ زدگان سے اظہار ہمدردی

6 فروری
نظم

ڈاکٹر زیرک نسیم
@ZeerakNasim

کاش ہوتا وہ مبارک دور آقا آپ کا

ہم بھی ہوتے اور ہوتا وہ مدینہ آپ کا

چوم کر ہم بھی سَجاتے اپنی پلکوں میں اُنھیں

خاص ذرّے وہ جنہوں نے تلوہ چوما آپ کا

بیٹھ جاتے رَہ گُزَر میں یوں بِچھا کر دل کو ہم

جان میں پھر جان آتی تکتے چہرہ آپ کا

ایک انوکھی خواہش

6 فروری
رباعی

ڈاکٹر زیرک نسیم
@ZeerakNasim

مرحبا جان و دل خوب مسرور ہے

چھا گیا ہر سو رمضان کا نور ہے

خلد بھی سج گئی ہر طرف ہے خوشی

کیف و مستی میں ہر کوئی مخمور ہے

رونقیں مسجدوں کی ذرا دیکھ لو

ان میں پھیلا ہوا نور ہی نور ہے

رمضان کا نور

1 جنوری
غزل

ڈاکٹر زیرک نسیم
@ZeerakNasim

آ گیا ہے نیا سال پھر یا خدا

جشن کا ہے سماں شور ہے اک مچا

چشم میری ہے نم کھائے جاتا ہے غم

گزرے غفلت میں دن شرم سے سر جھُکا

جُرم جو بھی ہوئے مجھ سے پچھلے برَس

ہے ندامت مجھے تو نہ دینا سزا

نیا سال مبارک

30 دسمبر
نظم

ڈاکٹر زیرک نسیم
@ZeerakNasim

اداؤں پہ جامی کی قربان جاؤں

اسے دیکھ کر میں سدا مسکراؤں

محبت ہے کتنی میں کیسے بتاؤں

چلے بس جگر چاک کرکے دکھاؤں

کھِلا کر پِلا کر اسے جب سُلاؤں

سُلانے کی خاطر میں لوری سناؤں

بچے کی لوری

30 دسمبر
منقبت

ڈاکٹر زیرک نسیم
@ZeerakNasim

ہمیں مِلا ہے وہ پیر ایسا مقام جس کا بڑا ہے اعلی

نہیں ہے کوئی بھی اِن کے جیسا مُرید اِن کا نصیب والا

سُنَن کی خوشبو لُٹا رہے ہیں ادب نبی کا سِکھا رہے ہیں

بھٹک گئے تھے جو راہ سیدھی بدی میں ڈوبوں کو ہے نکالا

عمل ہے ان کا مِثال اپنی نہ اِستِقامت میں کوئی ثانی

خُلوص کے بھی یہ خوب پیکر رِیا سے کوئی نہیں ہے پالا

منقبت مولانا الیاس عطار قادری

148

30 دسمبر
غزل

ڈاکٹر زیرک نسیم
@ZeerakNasim

خدا کی امانت ہیں بچے ہمارے

سلامت رہیں اس چمن کے ستارے

ادائیں نرالی وہ شیریں مقالی

سدا ہوں میسر یہ دلکش نظارے

شرارت سے انکی ملے دل کو راحت

اُداسی ہو جیسی خوشی میں سِدھارے

بچے ہمارے

30 دسمبر
غزل

ڈاکٹر زیرک نسیم
@ZeerakNasim

ہمیں اک بار پھر آقا بُلا لو نا مدینے میں

کرم گر آپ فرمائیں وہ روزوں کے مہینے میں

گدا در پر جو آ جائے عنایت یہ بڑی ہوگی

سلیقہ تو نہیں کوئی گدائی کے قرینے میں

سفر یوں تو ہوئے کتنے درِ مُر شِد کی چوکھٹ کے

سواری کاش سب کی ہو مدینے کے سفینے میں

مدینے کی تڑپ

30 دسمبر
رباعی

ڈاکٹر زیرک نسیم
@ZeerakNasim

سہانا ہے کتنا ہمارا یہ گاؤں

چلو سیر اس کی میں سب کو کراؤں

فضا مہکی مہکی ہوا بھی معطر

درختوں کے جھرمٹ وہ شیشم کی چھاؤں

پرندوں کی بولی سویرے سویرے

سریلی رسیلی سُکوں خوب پاؤں