| دور بچپن کا سُہانا، یاد آتا ہے ہمیں |
| مار کھا کر بھول جانا، یاد آتا ہے ہمیں |
| مشغلہ تھا کھیل اپنا، کھیل سے تھکتے نہ تھے |
| خاک گلیوں کی اُڑانا، یاد آتا ہے ہمیں |
| کھوئے رہتے حال میں ہم، کَل کی کِس کو تھی تلاش |
| اب وہ ماضی کا زمانہ، یاد آتا ہے ہمیں |
| ڈھونڈ لیتے تھے خُوشی ہم، ہر قدم پر کس طرح |
| ہر قدم پر مُسکُرانا، یاد آتا ہے ہمیں |
| جِھلمِلاتے، ٹِمٹِماتے، خُوب اندھیری رات میں |
| دیپ جُگنو کا جلانا، یاد آتا ہے ہمیں |
| کیا مُعطّر تھے وہ لمحے، رنگ اُن میں قوس کے |
| پُھول سے تِتلی اُڑانا، یاد آتا ہے ہمیں |
| چوٹ لگتی جب ہمیں، سینے لگاتی ہم کو ماں |
| ماں کا وہ سینے لگانا، یاد آتا ہے ہمیں |
| چل چلیں بچپن میں زیرکؔ، بُھول جائیں غم سبھی |
| گود میں ماں کا سُلانا، یاد آتا ہے ہمیں |
معلومات