| دردِ دل کی دوا، مانگتا ہے گدا |
| غم سبھی دے بُھلا، دے مجھے وہ شِفا |
| ہو کرم ہو عطا، دور ہو ہر بلا |
| از پئے مُصطفیٰ، بحرِ غوثُ الوَریٰ |
| امتِحاں سخت ہے، حوصلہ پست ہے |
| میری ہمت بڑھا، ہر قدم پر خدا |
| زاویہ سوچ کا، کر دے مثبت مِرا |
| ہر تصور بُرا، قلب سے دے مِٹا |
| نیک راہ پر چلوں، دل بھی پائے سُکوں |
| شکر تیرا کروں، میں تو ہر دم ادا |
| بخش دے ہر خطا، اور خطا سے بچا |
| نفس و شیطان کا، وار ہو ہر خطا |
| دو جہاں میں خدا، پاؤں تیری رِضا |
| کردے زیرکؔ کی یارب تُو پوری دُعا |
معلومات