| سُسرال چلو سُسرال چلو، سُسرال چلو سُسرال چلو |
| خوش ہے بیوی دیکھو کتنی، تم ڈال کہ لُڈّی دھمال چلو |
| اسکوٹر گاڑی پیدل بھی، ہو رکشہ چاہے تانگہ ہی |
| انکار نہ ممکن آج کوئی، ہے کس کی ایسی مجال چلو |
| کپڑے عمدہ جوتے مہنگے، سِلوَٹ نہ کوئی پالِش چمکے |
| مُسکان سجی ہو ہونٹوں پر، جذبات کو اپنے سنبھال چلو |
| تعریف کرو ہر حال میں تم، بچتے رہنا جنجال سے تم |
| سسرال میں عزت گر چاہو، تم چھوڑ کہ گھر پہ جلال چلو |
| نانی ہو سیانی بچوں کی، تکمیل ہو کتنے سپنوں کی |
| خالہ ماموں سے پیار ملے، تم لے کر اپنے بال چلو |
| ماں باپ سلامت اس کے رہیں، خوشیوں کا چمن بھی کِھلتا رہے |
| زیرکؔ نہ بنو تم بوجھ کبھی، ہر بار ہی مالا مال چلو |
معلومات