| میرے عطار کی کیا عجب شان ہے |
| دل پریشان تھا ڈال دی جان ہے |
| تھی نقاہت عیاں جسم بھی ناتواں |
| عزم و ہمت جواں ان کی پہچان ہے |
| یا خدا دے شفا کاملہ عاجلہ |
| ذات تیری تو حَنّان و مَنّان ہے |
| عمرِ خضری خدا ان کو کر دے عطا |
| دین پر جان ان کی تو قربان ہے |
| مُسکراتے رہیں دل لُبھاتے رہیں |
| غم کے ماروں پہ تیرا یہ احسان ہے |
| خامہ عطار کا مثل کلکِ رضا |
| خوب چلتا رہے جلتا شیطان ہے |
| فیضِ عطار سے اہلِ حق کا چمن |
| لہلہاتا معطّر گُلستان ہے |
| گیت گاتی رہیں ہر گھڑی بُلبُلیں |
| قلبِ عاشق ہُوا شاد و فرحان ہے |
| سگ ہے زیرکؔ نکمّا سا عطار کا |
| بخش دے بخشنا تو تِری شان ہے |
معلومات