| پندرہ سوواں یہ میلادِ شہہ ابرار ہے |
| عید دیوانوں کی جشنِ آمدِ سرکار ہے |
| پندرہ سوویں ہے آئی عیدِ میلادُالنبی |
| جھومو سب اسلامی بھائی عیدِ میلادُالنبی |
| رب کی رحمت لے کہ آئی عیدِ میلادُالنبی |
| خوب خوشیاں ساتھ لائی عیدِ میلادُالنبی |
| نور کی شمع ہے روشن نور کی چادر تنی |
| روشنی ہر سمت چھائی عیدِ میلادُالنبی |
| چھٹ گئے ظلمت کے بادل چار سُو ہے روشنی |
| نور کی خیرات لائی عیدِ میلادُالنبی |
| گُل مَہَک اُٹھے چلی بادِ بہاری واہ واہ |
| ہر کلی ہے مسکُرائی عیدِ میلادُالنبی |
| غم گئے خوشیوں میں ڈَھل اور دُکھ گئے سُکھ سے بَدَل |
| دِل کی دُنیا جگمگائی عیدِ میلادُالنبی |
| تیرے ہاتھوں سے پِئے سرکار وہ کوثر کا جام |
| جِس کِسی نے بھی منائی عیدِ میلادُالنبی |
| تُو خوشی سے جُھوم کر عطار پڑھ اُن پر دُرُود |
| خُود خُوشی بھی مُسکُرائی عیدِ میلادُالنبی |
معلومات