| مُبارک مُبارک نیا گھر مُبارک |
| سدا خوش رہو تم بنے دَر مُبارک |
| سُکوں ہو مُیسّر ملے دل کو راحت |
| محبت کا اُلفت کا ساغر مبارک |
| سجے باغ پھولوں سے ایسا خدایا |
| مُعَطّر مُعَطّر مُعَنبر مبارک |
| غموں کی گھٹائیں نہ برسیں یہاں پر |
| بہاروں کے ہر دم یہ امبر مبارک |
| بلاؤں وباؤں سے مولا بچانا |
| سدا کے لئے کر مقدر مبارک |
| عزیز و اَقارِب رہیں آتے جاتے |
| عطا ہو تمہیں رزق وافر مبارک |
| ہو جنّت کا گہوارہ گھر یہ تمھارا |
| دے زیرکؔ دُعا یہ برابر مُبارک |
معلومات