| سہانا ہے کتنا ہمارا یہ گاؤں |
| چلو سیر اس کی میں سب کو کراؤں |
| فضا مہکی مہکی ہوا بھی معطر |
| درختوں کے جھرمٹ وہ شیشم کی چھاؤں |
| پرندوں کی بولی سویرے سویرے |
| سریلی رسیلی سُکوں خوب پاؤں |
| خزاں میں درختوں کے جھڑتے وہ پتے |
| سنہری سی رنگت میں قربان جاؤں |
| وہ سرسوں کے دلکش حسیں ہیں نظارے |
| نظر اپنی ان پر سے کیسے ہٹاؤں |
| زمیں سے نکلتی وہ سر سبز گندم |
| ہرے اور پیلے کا سنگم سجاؤں |
| اُفَق پر نمودار سرخی کی رنگت |
| نظارہ زُباں پر یہ کیسے میں لاؤں |
| کلی کا چٹکنا سفیدی کا پھٹنا |
| دَھنَک میں گھِرا ہے ہمارا یہ گاؤں |
معلومات