| آ گیا ہے نیا سال پھر یا خدا |
| جشن کا ہے سماں شور ہے اک مچا |
| چشم میری ہے نم کھائے جاتا ہے غم |
| گزرے غفلت میں دن شرم سے سر جھُکا |
| جُرم جو بھی ہوئے مجھ سے پچھلے برَس |
| ہے ندامت مجھے تو نہ دینا سزا |
| خوب اس سال نیکی کروں ہر گھڑی |
| ا ستقا مت ملے ہے یہی ا لتجا |
| یہ نحو ست گناہوں کی بھی دور ہو |
| نفس و شیطاں کے شر سے مجھے تو بچا |
| آ ل اولاد سب شاد و آباد ہوں |
| رحمتیں برکتیں خوب ہوں اب عطا |
| اب تَلک جو مُرادیں نہیں ہیں مِلیں |
| تو اسی سال اُن کی خوشی بھی دکھا |
| قرض کا بار ہو سخت بیمار ہو |
| مشکِلوں میں گھِروں کے غموں کو مِٹا |
| دین کے دشمنوں کو ہِد ا یت ملے |
| ہر مُسَلمان کو کر دے تو با وفا |
| جلد غلبہ ملے دینِ اسلام کو |
| کفر کا ظلم ہو اس جہاں سے فَنا |
| واسطے اپنے محبوب کے اے خدا |
| کر دے زیرک کی مقبول تو ہر دعا |
معلومات