| کیا سُہانی گونج ہے لبیک کی عرفات میں |
| ہو مُبارک حاجیوں کو مَغفِرت سوغات میں |
| خاص ہے بارانِ رحمت آج کے دن مُجرِمو |
| دُھل گیا نامہ تمھارا چند ہی لمحات ہیں |
| ہر گھڑی وردِ زباں ہو نغمہ یہ لبیک کا |
| ہے چُھپا انعام رب کا خوب اِن کلمات میں |
| خوبصورت ہیں مَناظِر کس قَدَر حُجّاج کے |
| ہے رَواں اشکوں کا دریا آنکھ سے جذبات میں |
| ہر عِبادت کا عطا کر اِن کو تُو اَجرِ عظیم |
| داخِلہ سب کا ہو مَولا خُلد کے باغات میں |
| جو رہے محروم حج سے یا اِلٰہی اب کی بار |
| اِذن مِل جائے مدینے کا اُنھیں خیرات میں |
| کاش پائیں ہم سعادت حج کی جو مقبول ہو |
| ہے دُعا زیرکؔ کی ان برکت بھرے لمحات میں |
معلومات