| تلخ ہے یہ حقیقت فسانہ نہیں |
| ان دکھوں نے کبھی یار جانا نہیں |
| آج اک ہے تو کل پھر کوئی دوسرا |
| شکوہ اس کا مگر لب پہ لانا نہیں |
| فلسفہ امتحاں کا یہ دشوار ہے |
| ہر کسی کی سمجھ میں یہ آنا نہیں |
| آگ سی اک لگی ہے مرے سینے میں |
| آبِ دنیا سے ممکن بجھانا نہیں |
| ہے رِضا گر چھُپی اُس کی غم میں مِرے |
| پھر خوشی میں مجھے دل لگانا نہیں |
| مسکراہٹ لبوں پر سجی دیکھ لو |
| ساز غم کا مجھے بس بجانا نہیں |
| بس کرو تم بھی زیرک قلم روک دو |
| داغ دل کے ہمیں سب دکھانا نہیں |
معلومات