| نور کی دیکھ لو ہر سو برسات ہے |
| دل مرا کھِل اُٹھا ماہِ میلاد ہے |
| جھوم کر کیف و مستی میں سب نے کہا |
| آئے شاہِ ہُدیٰ ماہِ میلاد ہے |
| عید کا ہے سماں رونقیں ہر جہاں |
| فرش والے یہاں عرش والے وہاں |
| ہر گھڑی ہر سماں اُن کے وردِ زباں |
| مرحبا مرحبا ماہِ میلاد ہے |
| شان میں جن کے ہے بزم ساری سجی |
| بعد جن کے نہیں آخِری وہ نبی |
| ہے رِضا میں انھی کی خدا کی خوشی |
| جان اُن پر فدا ماہِ میلاد ہے |
| ہم کو ایمان بھی اُن کے صدقے ملا |
| اور قرآن بھی اُن کے صدقے ملا |
| خود وہ رحمان بھی اُن کے صدقے ملا |
| خوب اُن کی عطا ماہِ میلاد ہے |
| جشن میلاد کا تو ادب سے منا |
| گھر میں جھنڈے لگا ہر گلی کو سجا |
| کُھل کہ لنگر کِھلا شُکر کر تو ادا |
| رحمَتِ رب کو پا ماہِ میلاد ہے |
| سب گناہوں سے زیرکؔ کنارہ کرو |
| نفس و شیطان سے ہر گھڑی ہی لڑو |
| عشق میں تم نبی کے جئو اور مرو |
| پاؤ پھر تم جزا ماہِ میلاد ہے |
معلومات