| یہ ساقی جامِ سُنّت کے |
| یہ ہادی راہِ شریعت کے |
| یہ کامِل پیر طریقت کے |
| یہ محرم راز حقیقت کے |
| یاں رازِ حقیقت کُھلتا ہے |
| عطار کا سکہ چلتا ہے |
| اَخلاق مِثالی ہے ان کا |
| کردار بھی عالی ہے ان کا |
| پیغام غزالی ہے ان کا |
| اورعشق بِلالی ہے ان کا |
| اک جامِ مَحبَّت مِلتا ہے |
| عطار کا سکہ چلتا ہے |
| ہمّت جراَت اس پر حکمت |
| یوں کرتے ہیں اِصلاحِ اُمَّت |
| رب کی شامِل اس میں نُصرت |
| کیا خوب ملی ان کو شہرت |
| انداز تو ان کا یکتا ہے |
| عطار کا سکہ چلتا ہے |
| خلوت ہے جلوت سے بہتر |
| باطن بھی ظاہر سے اطہر |
| نہ عَمَل میں ہے کوئی ہمسَر |
| تقویٰ میں سَلَف کے ہیں مظہر |
| دل خوفِ خُدا سے بھرتا ہے |
| عطار کا سکہ چلتا ہے |
| ہے چہرہ ان کا نورانی |
| مُسکان بھی ان کی لاثانی |
| ہے زلف بھی کیسی تابانی |
| خلقت ان کی ہے دیوانی |
| اک پھول سُہانا کِھلتا ہے |
| عطار کا سکہ چلتا ہے |
| شیطاں کو لگی ضربِ کاری |
| بن گیا زیرکؔ جب عطّاری |
| فیضِ مرشِد ہر دم جاری |
| دل جان سے ہم ان پر واری |
| کس بات سے اب تُو ڈرتا ہے |
| عطار کا سکہ چلتا ہے |
معلومات