| مرحبا جان و دل خوب مسرور ہے |
| چھا گیا ہر سو رمضان کا نور ہے |
| خلد بھی سج گئی ہر طرف ہے خوشی |
| کیف و مستی میں ہر کوئی مخمور ہے |
| رونقیں مسجدوں کی ذرا دیکھ لو |
| ان میں پھیلا ہوا نور ہی نور ہے |
| ذوق سے کر رہے ہیں تِلاوت سبھی |
| اس حَلاوت سے ہر رنج کافور ہے |
| وہ بہاریں تراویح کی کتنی حسیں |
| جس کو محبوب ہیں وہ تو مشکور ہے |
| ہے مُعطّر فضا وہ سَحَر کا مزہ |
| برکتوں سے یہ ہر لمحہ معمور ہے |
| روز دس لاکھ کو بخش دیتا ہے وہ |
| اس کَرَم پر خطا کار مسرور ہے |
| وقت افطار کا رحمتوں سے بھرا |
| اس گھڑی میں دُعا خاص منظور ہے |
| لیلَتُہ القدر کی ہے فضیلت بڑی |
| جو عبادت کرو آج مبرور ہے |
| معتکف اس مہینے میں جو بھی ہُوا |
| رحمتوں برکتوں میں وہ محصور ہے |
| رحمتِ رب مِلے مغفرت بھی مِلے |
| پا لے جو ان کو وہ نار سے دور ہے |
| اے خدا تو دکھا شہر محبوب کا |
| کتنا زیرک جدائی میں رنجور ہے |
معلومات