| میری راج دُلاری کو، ڈھیروں مبارک سالگرہ |
| پیاری کِنزا بیٹی کو، ڈھیروں مبارک سالگرہ |
| بن کہ رحمت آئی ہے، ساتھ بہاریں لائی ہے |
| ایسی بادِ بہاری کو، ڈھیروں مبارک سالگرہ |
| میٹھے بول سُریلے ہیں، ناز بھی رنگ رنگیلے ہیں |
| چنچل سی شہزادی کو، ڈھیروں مبارک سالگرہ |
| دیکھ کہ ہم کو چَین مِلے، دل کی کلی بھی خوب کھِلے |
| پھولوں کی اِس ڈالی کو، ڈھیروں مبارک سالگرہ |
| خوشیاں استقبال کریں، غم بھی اس سے دور رہیں |
| بیٹی جان سے پیاری کو، ڈھیروں مبارک سالگرہ |
| مولا اس کو نیک بنا، عصیاں سے بھی اس کو بچا |
| اک معصوم سی ناری کو، ڈھیروں مبارک سالگرہ |
| مولا بحرِ غوث و رضا، حافِظہ عالِمہ اِس کو بنا |
| بنتِ زیرکؔ عطاری کو، ڈھیروں مبارک سالگرہ |
معلومات