| جان تم پر فدا میرے احمد رضا |
| میرے احمد رضا میرے احمد رضا |
| ہند میں اہلِ حق کے ہو تم پیشوا |
| جان تم پر فدا میرے احمد رضا |
| شکر ہر دم کروں میں تو اس بات کا |
| تم ہو رب کی عطا میرے احمد رضا |
| سُنّتِ مُصطفیٰ کو ملِی وہ جِلا |
| جام آقا کی اُلفت کا ہم نے پِیا |
| تیری تبلیغ کا ہر سو چرچا ہُوا |
| از پئے مجتبیٰ میرے احمد رضا |
| تم نے فتنوں کا بھی خوب رد کر دِیا |
| اہلِ سُنّت کو بھی مُتَّحِد کر دِیا |
| نام تیرا ہی پہچان اب ہے بنا |
| میرے احمد رضا میرے احمد رضا |
| علم تیرے کا کس کو سہارا نہیں |
| کون ہے جس نے تم کو پکارا نہیں |
| تم نے لاکھوں فتاوی کی تحریر کی |
| مفتئِ مفتیاں میرے احمد رضا |
| تم نہ ہوتے اگر کون ہوتا مرا |
| کیسے بچتا عقیدہ مرا تُو بتا |
| کاش زیرکؔ بنے سب کی ہے یہ دُعا |
| تیرے در کا گدا میرے احمد رضا |
معلومات