| اللہ کا احسان ہیں یہ پیر مِرے عطار |
| آقا کا فیضان ہیں یہ پیر مِرے عطار |
| فتنوں کے اس دور میں یہ دین کے پہرے دار |
| آل سے بھی اصحاب سے بھی اُلفت کا پرچار |
| عدل کا ہاں میزان ہیں یہ پیر مِرے عطار |
| عشقِ نبی اور خوفِ خُدا کی عملی تصویر |
| سوزِ مدینہ میں اکثر رہتے ہیں دل گیر |
| کیف کا اک دیوان ہیں یہ پیر مِرے عطار |
| عزمِ مُصمّم لے کہ چلے کر دی سُنّت عام |
| بنجر دل سیراب کئے خاص پلائے جام |
| وقت کے بھی لُقمان ہیں یہ پیر مِرے عطار |
| پیرِ کامِل کے سارے اِن میں ہیں اوصاف |
| دیکھ کہ اِن کو آ جائیں یاد ہمیں اَسلاف |
| ولیوں کا عرفان ہیں یہ پیر مِرے عطار |
| اِن کی دعوت سے عاصی نیک بنیں انسان |
| نیک بنیں عارف باللہ ایسا مِلے فیضان |
| بخشش کا سامان ہیں یہ پیر مِرے عطار |
| اُمّت کی غمخواری کا خوب کریں اقدام |
| چین دِلوں کو مِل جائے جو بھی سُنیں پیغام |
| دردوں کا درمان ہیں یہ پیر مِرے عطار |
| مِل کر زیرکؔ سارے کریں آؤ دینی کام |
| اِس کی برکت سے ہوں گے دور سبھی آلام |
| راحت کا سامان ہیں یہ پیر مِرے عطار |
معلومات