تقطیع، شاعری اور بلاگ

قمر آسی

@Qamar_Aasi

18 فروری
غزل

قمر آسی
@Qamar_Aasi

زیست کے ماتھے پہ اک دھبّا ہے

وقت جو بعد ترے گزرا ہے

نہر دریا سے ملی ہے ام شب

چاند بھی دیکھ کے مسکایا ہے

مسئلہ یہ ہے محبت نہ رہی

فاصلہ اب بھی قدم بھر کا ہے

زیست کے ماتھے پہ اک دھبّا ہے

112

9 فروری
غزل

قمر آسی
@Qamar_Aasi

بہتری ہر آزمائش میں ہے پیدا کی گئی

مصلحت پوشیدہ شورش میں ہے پیدا کی گئی

آپ اس بیٹی کے دکھ کی کیفیت سمجھیں ذرا

جو کسی بیٹے کی خواہش میں ہے پیدا کی گئی

لہلہاتی فصلِ گل کے وہ مقدر میں نہیں

جو کشش تجھ لب کی جنبش میں ہے پیدا کی گئی

بہتری ہر آزمائش میں ہے پیدا کی گئی

20 اگست
موزوں

قمر آسی
@Qamar_Aasi

ترا بھرم تری اوقات سے زیادہ ہے

وگرنہ میرا ملاقات کا ارادہ ہے

جواہرات کی چوری سے خوف آنے لگا

تنِ حسیں پہ ضرورت سے کم لبادہ ہے

مرا خیال ہٹا ہی نہیں کبھی تجھ سے

یہ شاعری تری صورت سے استفادہ ہے

ترا بھرم تری اوقات سے زیادہ ہے

127

17 اگست
موزوں

قمر آسی
@Qamar_Aasi

سارے دریا روٹھ گئے ہیں اپنے اپنے پانی سے

دشت کے اندر بہتی نہر کی چھوٹی سی نادانی سے

کل اک پیڑ کے اوپر چند پرندے باتیں کر رہے تھے

اتنا گرنے کی امید نہ تھی نوعِ انسانی سے

ممکن ہے پھر ان دونوں پر کھلنے کا مفہوم کھلے

میری مشکل ٹکرائے گی جب تیری آسانی سے

سارے دریا روٹھ گئے ہیں اپنے اپنے پانی سے

16 اگست
موزوں

قمر آسی
@Qamar_Aasi

اتنی اجلی دنیا ہے ، تو حیرت ہے

آدمی من کا میلا ہے ، تو حیرت ہے

دل دیوار میں کھڑکی ہے تو ہوگی پر

کھڑکی ہی دروازہ ہے تو حیرت ہے

روشنی ان آنکھوں کے بوسے لیتی ہے

اچھا؟ واقعی ایسا ہے تو حیرت ہے

اتنی اجلی دنیا ہے تو حیرت ہے

15 اگست
غزل

قمر آسی
@Qamar_Aasi

کہیں سے آیا ہے رشتہ تمہارے بارے میں

لگا یونہی نہیں دھڑکا تمہارے بارے میں

مجھے تو خوف سا آنے لگا ہے رستے سے

کہ پوچھ لیتا ہے سیدھا تمہارے بارے میں

اس ایک خواب کا تاوان بھر رہے ہیں ہم

وہ ایک خواب جو دیکھا تمہارے بارے میں

کہیں سے آیا ہے رشتہ تمہارے بارے میں

120

11 اگست
غزل

قمر آسی
@Qamar_Aasi

تم لوگ بول سکتے ہو ، بیٹھے ہو چھاؤں میں

ہم لوگ قید رہ گئے اپنی اناؤں میں

تجھ بن کرے گی تنگ مجھے موت کی پری

دکھتا رہے گا جسم قضا کا ہواؤں میں

ممکن نہیں ہے وقت سے پیچھے رہے کہ جو

چلتا رہے زمیں پہ سمے کی کھڑاؤں میں

تم لوگ بول سکتے ہو ، بیٹھے ہو چھاؤں میں

11 اگست
مرثیہ

قمر آسی
@Qamar_Aasi

عفو کے خواستگار روتے ہیں

شاہ کے سوگوار روتے ہیں

ذکر کرتا ہوں ابنِ حیدر کا

لفظ زار و قطار روتے ہیں

لختِ شیرِ خدا رہے محصور

اس خطا پر حصار روتے ہیں

عفو کے خواستگار روتے ہیں

133

11 اگست
منقبت

قمر آسی
@Qamar_Aasi

عمر سے کرتے محبت ، عمر عمر کرتے

کبھی نہ کرتے عداوت عمر عمر کرتے

عدو عمر کے ہیں دشمن رسولِ اکرم کے

نبی کے اہلِ مودت عمر عمر کرتے

یہ کم شناس نہ سمجھیں گے شانِ فاروقی

ذرا جو ہوتی بصیرت عمر عمر کرتے

عمر عمر کرتے

9 اگست
غزل

قمر آسی
@Qamar_Aasi

برائے عام تعارف مرا کرائے گا

دہر مدام تعارف مرا کرائے گا

کبھی چلو تو سہی تم جنوں کے رستے پر

ہر اک مقام تعارف مرا کرائے گا

زباں خموش رہی تو یہ لفظ بولیں گے

مرا کلام تعارف مرا کرائے گا

برائے عام تعارف مرا کرائے گا

9 اگست
غزل

قمر آسی
@Qamar_Aasi

جب کبھی سر کو تم جھکاؤ گے

ہم کو دل کے قریب پاؤ گے

موسموں سا مزاج رکھتے ہو

عہدِ الفت کہاں نبھاؤ گے

آپ سے گر سوالِ وصل کروں

سر کو اثبات میں ہلاؤ گے؟

جب کبھی سر کو تم جھکاؤ گے

9 اگست
غزل

قمر آسی
@Qamar_Aasi

آنکھوں کو پیار کی یہ سزا دینی چاہیے

شمعِ امیدِ وصل بجھا دینی چاہیے

اے کاش ان کے دل میں کبھی آئے یہ خیال

ہم کو مئے وصال پلا دینی چاہیے

امید عدل گرچہ نہیں منصفین سے

زنجیرِ عدل پھر بھی ہلا دینی چاہیے

آنکھوں کو پیار کی یہ سزا دینی چاہیے

9 اگست
غزل

قمر آسی
@Qamar_Aasi

اصلیُ النسل تو شیطاں کے مقابل آئیں

نسلِ شیطاں ہیں جو یزداں کے مقابل آئیں

پارسائی کا بھرم ان کی یقیناً کھل جائے

گر فرشتے کبھی انساں کے مقابل آئیں

حُسنِ حورانِ جناں کا نہیں منکر لیکن

ان میں ہمت ہے تو جاناں کے مقابل آئیں

اصلیُ النسل تو شیطاں کے مقابل آئیں

131

9 اگست
غزل

قمر آسی
@Qamar_Aasi

الاؤ نفرتوں کا جب تلک مدھم نہیں ہوتا

دلوں میں فاصلہ میرے عزیزو کم نہیں ہوتا

یہ ممکن ہے کہ ہو جائے مناسب فیصلہ لیکن

کبھی جھکتا نہیں ہوں میں ، کبھی وہ خم نہیں ہوتا

غلط کہتے ہیں ، جھوٹے ہیں ، فقط بکواس کرتے ہیں

گزرتا وقت زخموں کا کبھی مرہم نہیں ہوتا

الاؤ نفرتوں کا جب تلک مدھم نہیں ہوتا

9 اگست
غزل

قمر آسی
@Qamar_Aasi

ضبط کرتا آیا ہوں میں پر اب ضروری ہے

تشنگی مٹانے کو جامِ لب ضروری ہے

شعر تو سناتا میں دیکھ دیکھ کر تجھ کو

کیا کروں بزرگوں کا بھی ادب ضروری ہے

دم کرا کے آیا ہوں ہیر کے مجاور سے

تیرا خواب میں آنا آج شب ضروری ہے

ضبط کرتا آیا ہوں میں پر اب ضروری ہے

9 اگست
غزل

قمر آسی
@Qamar_Aasi

کھسر پھسر ہی کریں گے ہمارے بارے لوگ

کچھ اور کر نہیں سکتے حسد کے مارے لوگ

ہمیں تو ایک یہی بات لطف دیتی ہے

تمہیں ہمارا سمجھتے ہیں اب تمہارے لوگ

کئی کی عید سے پہلے ہی عید ہو گئی ہے

ہلال ڈھونڈتے دیکھے ہیں کچھ ستارے لوگ

کھسر پھسر ہی کریں گے ہمارے بارے لوگ

159

9 اگست
غزل

قمر آسی
@Qamar_Aasi

عشق میں سارے اسی انعام کے مالک بنے

ہر قدم تہمت لگی ، آلام کے مالک بنے

اہلِ الفت نے غزل لکھی ، دلوں میں گھر کیا

اہلِ زر تو مال سے اجسام کے مالک بنے

نام رکھا اپنی بیٹی کا اسی کے نام پر

اس طرح ہم کم سے کم اس نام کے مالک بنے

عشق میں سارے اسی انعام کے مالک بنے

154

9 اگست
غزل

قمر آسی
@Qamar_Aasi

کچھ نہ بگڑا مرا نصیحت سے

باز آیا نہیں محبت سے

عشق نگری سے لوٹ آیا ہوں

آپ کے ایک حکم ِ ہجرت سے

یہ خدائی عطا ہے میرے بھائی

پیار ملتا نہیں ہے دولت سے

کچھ نہ بگڑا مرا نصیحت سے

119

9 اگست
غزل

قمر آسی
@Qamar_Aasi

دغا مجھ سے کیا جب روشنی نے

تری آنکھوں کے یاد آئے نگینے

پتہ ہے ؟ میرا ویزہ لگ گیا ہے

بہت صدمہ دیا ہے اس خوشی نے

ہم اک مدت کے بعد ایسے ملے کہ

وہ مجھ کو دیکھ کر بولی ، کمینے!

دغا مجھ سے کیا جب روشنی نے

9 اگست
غزل

قمر آسی
@Qamar_Aasi

حسن کی آنکھیں کھل جائیں تو اندھا پانی ہو جاتا ہے

اس کے جسم پہ پڑ کر شرم سے دوہرا پانی ہو جاتا ہے

اس کے ساحل پر چلنے سے ہو جاتی ہے ریت گلاب

چھو کر پاؤں کھارا پانی میٹھا پانی ہو جاتا ہے

زلفوں کو چھوتے ہی پانی خمر کی وادی میں ڈوبے

ہونٹوں کو چومے تو ان کا رسیا پانی ہو جاتا ہے

حسن کی آنکھیں کھل جائیں تو اندھا پانی ہو جاتا ہے

9 اگست
غزل

قمر آسی
@Qamar_Aasi

پی کر بھی ترے نام کو افشا نہ کیا ہے

رسوا ہوں مگر تجھ کو تو رسوا نہ کیا ہے

اس دل پہ ستم آپ نے کیا کیا نہ کیا ہے

شکوہ نہیں اچھا مگر اچھا نہ کیا ہے

غیروں سے لیے قرض ، رکھا جان کو گروی

یاروں کو شکایت ہے کہ خرچہ نہ کیا ہے

پی کر بھی ترے نام کو افشا نہ کیا ہے

9 اگست
غزل

قمر آسی
@Qamar_Aasi

بہتر یہی لگا سو مرے یار لکھ دیا

منبع مہک کا آپ کے رخسار لکھ دیا

پایا نہ کوئی جرم جو اس نے مرے کنے

جرمِ عدم گنہ کا خطا کار لکھ دیا

رکھ کر مری سرشت میں خوئے شگفتگی

کاتب نے راہِ زیست کو پر خار لکھ دیا

بہتر یہی لگا سو مرے یار لکھ دیا

103

9 اگست
غزل

قمر آسی
@Qamar_Aasi

جب تمہارے بلد میں رہنا پڑا

ایک سیلِ حسد میں رہنا پڑا

احتجاجاً جنون چھوڑ دیا

انتقاماً خرد میں رہنا پڑا

ایک رومانوی غزل کے لیے

آپ کے خال و خد میں رہنا پڑا

جب تمہارے بلد میں رہنا پڑا

9 اگست
غزل

قمر آسی
@Qamar_Aasi

زادِ رہ پاس نہ معلوم کدھر جانا ہے

ہم سفر کوئی نہ رہ رو ہے ، مگر جانا ہے

آپ کہتے تھے ہمیں پھول سو لازم ٹھہرا

پھول کو ٹوٹ کے ہر سمت بکھر جانا ہے

آج ہے اس مہِ کامل کی زیارت کرنی

کوچہ ءِ یار میں پھر بارِ دگر جانا ہے

زادِ رہ پاس نہ معلوم کدھر جانا ہے

116

9 اگست
غزل

قمر آسی
@Qamar_Aasi

ممانعت ہے محبت کی سو حذر کرنا

عداوتوں کی اجازت ہے عمر بھر کرنا

تمہارا گاؤں نہیں ہے یہ شہر ہے لڑکی

یہاں بھروسہ کسی پر بھی سوچ کر کرنا

خطوط پھینک چکا ہوں مگر یہ عادت ہے

دراز کھول کے چیزیں ادھر ادھر کرنا

ممانعت ہے محبت کی سو حذر کرنا

9 اگست
غزل

قمر آسی
@Qamar_Aasi

جس پہ جچتا کوئی استعارہ نہ ہو

کوئی دنیا میں اتنا بھی پیارا نہ ہو

بے حجاب ان کو دیکھیں نہ کیوں ایک ٹک

کیا خبر یہ نظارہ دوبارہ نہ ہو

یہ بھی ممکن ہے منزل پکارے ہمیں

عین ممکن ہے اس کو گوارہ نہ ہو

جس پہ جچتا کوئی استعارہ نہ ہو

9 اگست
غزل

قمر آسی
@Qamar_Aasi

آسماں ہے دسترس میں ، ہے زمیں پر دسترس

کیا کروں محبوب کو بھی ہے نہیں پر دسترس

خود کسی کی دسترس میں یہ کبھی آتا نہیں

ہے مکانِ دل کو لیکن ہر مکیں پر دسترس

ایسا لگتا ہے کہ جیسے دسترس میں چاند ہے

آج کل ہے ایک ایسی مہ جبیں پر دسترس

آسماں ہے دسترس میں ، ہے زمیں پر دسترس

9 اگست
غزل

قمر آسی
@Qamar_Aasi

کر تجھے روز یاد لیتا ہوں

دل کو کر ایسے شاد لیتا ہوں

جب کہوں جزوِ زندگی تم ہو

جزو سے کُل مراد لیتا ہوں

سچ کہوں تو گناہ لگتا ہے

سانس جو اس کے بعد لیتا ہوں

کر تجھے روز یاد لیتا ہوں

9 اگست
غزل

قمر آسی
@Qamar_Aasi

دشمن کیوں ہے آج وہ اپنی بیٹی کی آزادی کی

جس نے گھر سے بھاگ کے اپنی مرضی سے تھی شادی کی

جس دن تیرا والد تیرے لہجے سے ڈر جائے گا

پہلی اینٹ اسی دن رکھی جائے گی بربادی کی

میری پشت پہ اینٹوں میں کچھ اور اضافہ کر دو تم

آج مجھے اک خواہش پوری کرنی ہے شہزادی کی

دشمن کیوں ہے آج وہ اپنی بیٹی کی آزادی کی

9 اگست
غزل

قمر آسی
@Qamar_Aasi

جس وقت بھی وہ چاند کو دیکھے گا پلٹ کر

چپ چاپ قمر ابر میں چھپ جائے گا ہٹ کر

ہمراہ بھلے عقل کو رکھ راہِ جنوں میں

پر جیسا وہ کرنے کو کہے ، اس کا الٹ کر

کر صرفِ نظر آبلہ ءِ پا سے وفا کیش

منزل کا نشاں پائے گا خاروں سے نبٹ کر

جس وقت بھی وہ چاند کو دیکھے گا پلٹ کر

9 اگست
غزل

قمر آسی
@Qamar_Aasi

اشاروں ہی اشاروں میں تکلم ہوتا جاتا ہے

مزاجِ یار برہم اور برہم ہوتا جاتا ہے

گزارش ہے کہ پھر سے آ کے زخمِ دل کو تازہ کر

پرانا زخم دھیرے دھیرے مدھم ہوتا جاتا ہے

عجب قصہ ہے آنکھوں سے ان آنکھوں کے تصادم کا

محبت بڑھتی ہے جوں جوں تصادم ہوتا جاتا ہے

اشاروں ہی اشاروں میں تکلم ہوتا جاتا ہے

9 اگست
غزل

قمر آسی
@Qamar_Aasi

ہمیں اور کچھ مت کھلائے پلائے

محبت جسے ہے وہ چائے پلائے

خدایا مجھے اس کی قربت عطا کر

کڑک چائے جو کہ بنائے ، پلائے

وہ جیسے کمرشل میں ہم دیکھتے ہیں

کبھی اس طرح کوئی گائے ، پلائے

ہمیں اور کچھ مت کھلائے پلائے

9 اگست
غزل

قمر آسی
@Qamar_Aasi

گو واقفِ سر نہاں تو بھی نہیں میں بھی نہیں

لیکن جہاں میں رائگاں تو بھی نہیں میں بھی نہیں

چاہیں اگر تو لمحہ بھر میں رنجشیں کافور ہوں

اس درجہ لیکن مہرباں تُو بھی نہیں میں بھی نہیں

اپنی انا کے خول میں کب تک بتا سمٹے رہیں

کیوں حالِ دل کرتا بیاں تو بھی نہیں میں بھی نہیں

گو واقفِ سرِ نہاں تو بھی نہیں میں بھی نہیں

9 اگست
غزل

قمر آسی
@Qamar_Aasi

پاس بھی بلاتے ہیں ، نام بھی نہیں لیتے

اور پاس جائیں تو کام بھی نہیں لیتے

ایک ہم کہ ساری عمر ان پہ وارنا چاہیں

ایک وہ کہ ہم سے اک شام بھی نہیں لیتے

ہم کچھ ایسے تاجر ہیں ، کاروبار الفت میں

خود کو بیچ دیتے ہیں ، دام بھی نہیں لیتے

پاس بھی بلاتے ہیں نام بھی نہیں لیتے

134

9 اگست
غزل

قمر آسی
@Qamar_Aasi

اس کے دیکھے سے بھی گل کھِلا ہی نہیں

اس لیے موسموں سے گلہ ہی نہیں

اولیں جام سے ہی بہک جائے جو

ایسے کم ظرف کو تو پِلا ہی نہیں

مجھ سے ملنے وہ آیا بچھڑتے سمے

جانے کیا سوچ کر میں مِلا ہی نہیں

اس کے دیکھے سے بھی گل کھلا ہی نہیں

9 اگست
غزل

قمر آسی
@Qamar_Aasi

حالتِ سوزِ دروں کی ترجمانی چاہیے

خامہ ءِ محوِ طرب کی مہربانی چاہیے

دشتِ ہجراں میں بھٹک کر گم رہِ منزل ہوا

تشنہ ءِ دیدار آنکھوں کو نشانی چاہیے

بے خودی ، دیوانگی ، آشفتگی کی زد میں ہوں

اور اس بحرِ فنا میں بے کرانی چاہیے

حالتِ سوزِ دروں کی ترجمانی چاہیے

162

9 اگست
غزل

قمر آسی
@Qamar_Aasi

اس نے گجرے منگائے پھولوں کے

بھاؤ سب نے بڑھائے پھولوں کے

اس کے بارے میں سوچنا چاہا

کچھ نہ سوجھا سوائے پھولوں کے

ایک گل رخ کے تذکرے کے لیے

ڈھونڈ کر لفظ لائے پھولوں کے

اس نے گجرے منگائے پھولوں کے

164

9 اگست
غزل

قمر آسی
@Qamar_Aasi

وہ رشکِ گل بصد اصرار دے گا

مگر خوشبو نہ دے گا ، خار دے گا

کرے گا قید ہم کو دل مکاں میں

ہمارے ہاتھ پھر پرکار دے گا

تغافل سہہ لیا جاتا پر اس کا

پلٹ کر دیکھ لینا مار دے گا

وہ رشکِ گل بصد اصرار دے گا

9 اگست
غزل

قمر آسی
@Qamar_Aasi

جب سے ان کو خواب سناتے دیکھا ہے

تعبیروں کو ناز اٹھاتے دیکھا ہے

کنواں خود چل کر پیاسے کے پاس آیا

اس کو گھاٹ سے پانی لاتے دیکھا ہے

جانے کیا حالت ہوگی اس سے مل کر

جس کو خواب میں آتے جاتے دیکھا ہے

جب سے ان کو خواب سناتے دیکھا ہے

9 اگست
غزل

قمر آسی
@Qamar_Aasi

رستہ جو کیا تم نے مری جان علیحدہ

اب بیٹھے رہو ہو کے پشیمان علیحدہ

اک شوخ تبسم سے کیا ہم کو دوانہ

اک ہوش گیا دوسرا احسان علیحدہ

غرقاب کیا گال کے اُس شوخ بھنور نے

جذبات میں اٹھتے ہوئے طوفان علیحدہ

رستہ جو کیا تم نے مری جان علیحدہ

9 اگست
غزل

قمر آسی
@Qamar_Aasi

حسن کے در پر کوئی حاجب نہیں

پھر بھی کوئی دید کا طالب نہیں

کب کھُلی پٹی ہوس کی آنکھ سے

جسم کہتا رہ گیا! صاحب! نہیں

حضرتِ انسان کے اعمال دیکھ

کیا یہی شیطان کے نائب نہیں؟

حسن کے در پر کوئی حاجب نہٰیں

117

9 اگست
غزل

قمر آسی
@Qamar_Aasi

بس یار کچھ گذارہ ہے ماہر نہیں ہوں میں

تحدیثِ حُسن کرتا ہوں ، شاعر نہیں ہوں میں

مؤمن کو لمسِ یار کی نعمت سے کیا گریز؟

گرچہ گناہ گار ہوں ، کافر نہیں ہوں میں

لے جائیے جناب یہ بوسے کہ مفت ہیں

عاشق ہوں میں خلوص کا تاجر نہیں ہوں میں

بس یار کچھ گذارہ ہے شاعر نہیں ہوں میں

179

9 اگست
غزل

قمر آسی
@Qamar_Aasi

وقتِ رخصت مری ماں نے مرا ماتھا چوما

منزلوں نے تبھی بڑھ کر مرا تلوا چوما

دی مؤذن کو دوا نیند کی اور پھر کل شب

ہم نے جی بھر کے تمہیں خواب میں دیکھا چوما

جس طرح قیمتی شے کو کوئی مفلس دیکھے

آنکھوں آنکھوں میں تجھے ہم نے سراہا ، چوما

وقتِ رخصت مری ماں نے مرا ماتھا چوما

106

9 اگست
غزل

قمر آسی
@Qamar_Aasi

دل دائمی حزیں کو مسرور کر دیا ہے

گو لمس کی تھکن نے ہمیں چور کر دیا ہے

اس آنکھ کے بھنور سے ہم بچ گئے ہیں لیکن

اس تل کی دل کشی نے محصور کر دیا ہے

تاثیر پوچھیے مت اس شوخ لب کی جس نے

آبِ محض کو بنتِ انگور کر دیا ہے

دل دائمی حزیں کو مسرور کر دیا ہے

9 اگست
غزل

قمر آسی
@Qamar_Aasi

تم نے صرف یہ دیکھا آنکھیں نم اضافی ہیں

لے رہا ہوں میں جتنے سارے دم اضافی ہیں

تجھ کو تکنے والے سب آنکھ میں ہیں کھو جاتے

جیسے تیرے باقی سب زیر و بم اضافی ہیں

جلد ہی ہمیں سولی پر چڑھایا جائے گا

مصلحت کی دنیا میں یار ہم اضافی ہیں

تم نے صرف یہ دیکھا آنکھیں نم اضافی ہیں

138

9 اگست
غزل

قمر آسی
@Qamar_Aasi

تمام جسم کے اعضا میں پھول کھلتے ہیں

کسی نظر کی تمنا میں پھول کھلتے ہیں

اسی کے اذن سے آباد ہیں مساجد سب

رضا سے جس کی کلیسا میں پھول کھلتے ہیں

ازل سے جاری ہے اُن پر سلام اور درود

ازل سے اس لیے دنیا میں پھول کھلتے ہیں

تمام جسم کے اعضاء میں پھول کھلتے ہیں

9 اگست
غزل

قمر آسی
@Qamar_Aasi

حسن کو بے مہار مت کرنا

عشق سر پر سوار مت کرنا

نم رہے آنکھ میں ، مگر محدود

جھیل کو آبشار مت کرنا

قتل سے انتظار مشکل ہے

تم مرا انتظار مت کرنا

حسن کو بے مہار مت کرنا

9 اگست
غزل

قمر آسی
@Qamar_Aasi

بھرم رہنے دو ، مت چھیڑو ملن کی رات کا قصہ

پریشاں زلف کی باتیں ، دل و جزبات کا قصہ

نہ پوچھو کیفیت مجھ سے خمارِ لمسِ جاناں کی

بیاں کر ہی نہیں سکتا میں ان لمحات کا قصہ

چلو مانا ہمارے میں نہیں ہے پیار کا رشتہ

مگر پھر کیا ہے آنکھوں سے تری برسات کا قصہ

بھرم رہنے دو مت چھیڑو ملن کی رات کا قصہ

9 اگست
غزل

قمر آسی
@Qamar_Aasi

ایک دل ہے وہاں منتظر ، جاؤں میں

راہبر راہ کر مختصر ، جاؤں میں

شوقِ آوارگی دے اجازت مجھے

دے اجازت مجھے اپنے گھر جاؤں میں

کر رہا بھی نہیں میری چارہ گری

چاہتا بھی نہیں چارہ گر جاؤں میں

ایک دل ہے وہاں منتظر جاؤں میں

9 اگست
غزل

قمر آسی
@Qamar_Aasi

تمہارا ہوتے ہوئے بھی تم سے جدا رہا ہوں

اور اس مرض میں کئی برس مبتلا رہا ہوں

متاعِ عمرِ رواں کچھ ایسے لٹا رہا ہوں

کسی کی خاطر کسی کے خوابوں میں آرہا ہوں

مری جفا کے ہر اک محلے پہ دسترس ہے

میں ایک مدت اسیرِ دشتِ وفا رہا ہوں

تمہارا ہوتے ہوئے بھی تم سے جدا رہا ہوں

9 اگست
غزل

قمر آسی
@Qamar_Aasi

اس طرح ہوتی نہ پسپائی فصیلِ شہر پر

نیند کی دیوی تھی چِلائی فصیلِ شہر پر

کھوجتا ہوں دشتِ الفت میں کوئی شہرِ وفا

ختم ہوگی دشت پیمائی فصیلِ شہر پر

سنسنی پھیلی صفوفِ دشمنانِ عشق میں

دیکھ کر اپنی پزیرائی فصیلِ شہر پر

اس طرح ہوتی نہ پسپائی فصیلِ شہر پر

9 اگست
نظم

قمر آسی
@Qamar_Aasi

اپنے کمرے میں چار سُو پھیلی

تیری خوشبُو سے جاں چھڑا لی تھی

تیرے نامے جلا چکا تھا میں

تیرے تحفے ، کتاب ، گلدستے

ایک اک کر کے سب گما ڈالے

تیری چُوڑی سنبھال رکھی تھی

زنجیر

9 اگست
غزل

قمر آسی
@Qamar_Aasi

ہمیشہ عہدِ وفا نبھائیں گے ، چوم لیں گے

خفا ہوا تو اسے منائیں گے ، چوم لیں گے

انہوں نے رسمی سلام پر اکتفا کیا ہے

ہمیں لگا تھا گلے لگائیں گے ، چوم لیں گے

گلاب تو پھر گلاب ہے اس گلی کے کانٹے

بھی اپنی آنکھوں میں ہم بسائیں گے چوم لیں گے

ہمیشہ عہدِ وفا نبھائیں گے چوم لیں گے

9 اگست
غزل

قمر آسی
@Qamar_Aasi

سب گلے شکوے برابر ہو گئے

اور ان کے لب میسر ہو گئے

دیکھ کر میری نگاہِ شوق وہ

شرم کے مارے ٹماٹر ہو گئے

راہ چلتے ہم سے وہ ٹکڑا گئے

جسم و جاں یوں کیف آور ہو گئے

سب گلے شکوے برابر ہو گئے

9 اگست
غزل

قمر آسی
@Qamar_Aasi

تقریر غلط ، نعرہ ءِ تکبیر غلط ہے

باطل کے لیے اٹھے تو شمشیر غلط ہے

عکاس ترے فن سے شکایت نہیں لیکن

ہنستی جو بنائی مری تصویر غلط ہے

عشاق پہ لازم ہے کہ ہوں پیکرِ تسلیم

دل بستی میں اوہام کی تعمیر غلط ہے

تقریر غلط نعرۂ تکبیر غلط ہے

8 اگست
غزل

قمر آسی
@Qamar_Aasi

تمہارا عہدہ و نام و نسب اضافی ہے

تم اس کے شہر سے آئے ہوئے ہو! کافی ہے

وہ حور ہے کہ نہیں ہے ، گلاب ہے کہ تراب

یہ مسئلہ ابھی لوگوں میں اختلافی ہے

نہ جائے کوئی گھڑی اس کے ورد سے خالی

ہر ایک رنج و محن میں وہ اسم شافی ہے

تمہارا عہدہ و نام و نسب اضافی ہے

4 اگست
موزوں

قمر آسی
@Qamar_Aasi

رہے ہیں پہلے بہت برس آب و گل سبوتاژ

گرا کے برقے جفا نہ کر کشت دل سبوتاژ

گنوا کے رختے فراق پائی ہے شام قربت

جسے تغافل کرے ترا مستقل سبوتاژ

چھلک رہا تھا غرور ان کی ہر اک ادا سے

ترے تبسم سے گل ہوئے ہیں خجل سبوتاژ

رہے ہیں پہلے بہت برس آب و گل سبوتاژ

31 جولائی
غزل

قمر آسی
@Qamar_Aasi

کلی کھل کر ابھی مہکی نہیں ہے

ہمیں بھی وصل کی جلدی نہیں ہے

مسلسل حُسن کو تکنے کی عادت

پسندیدہ تو ہے اچھی نہیں ہے

لب و رخسار دیکھے پی رہا ہوں

وگرنہ چائے میں چینی نہیں ہے

کلی کھل کر ابھی مہکی نہیں ہے

193

30 جولائی
غزل

قمر آسی
@Qamar_Aasi

اس کے دیکھے سے بھی گل کھِلا ہی نہیں

اس لیے موسموں سے گلہ ہی نہیں

اولیں جام سے ہی بہک جائے جو

ایسے کم ظرف کو تو پِلا ہی نہیں

مجھ سے ملنے وہ آیا بچھڑتے سمے

جانے کیا سوچ کر میں مِلا ہی نہیں

اس کے دیکھے سے بھی گل کھلا ہی نہیں

28 جولائی
غزل

قمر آسی
@Qamar_Aasi

آپ نگاہِ مست سے سنگ کو آب کیجیے

تھامیے آب ہاتھ میں اور شراب کیجیے

کارِ وفا کا جب نہیں کوئی صلہ جنابِ عشق

عبد نیا تلاشیے، میرا حساب کیجیے

آ ہی گئے ہیں آپ تو اتنا کرم کہ دو قدم

چل کے ہمارے ساتھ دل سب کے کباب کیجیے

آپ نگاہِ مست سے سنگ کو آب کیجیے

28 جولائی
غزل

قمر آسی
@Qamar_Aasi

جہاں شعر میرے مجسم ملیں گے

وہاں گنگ سب ابن آدم ملیں گے

رواں سال بھی پائے رنج و الم ،اب

نیا سال آیا، نئے غم ملیں گے

مہکتے رہیں گے مسامِ بدن بھی

اگر لمس کے پھول پیہم ملیں گے

جہاں شعر میرے مجسم ملیں گے

28 جولائی
غزل

قمر آسی
@Qamar_Aasi

ہم اگر ڈیٹ پر بھی جائیں گے

لوگ شادی شدہ ہی سمجھیں گے

آؤ! مل کر گزاریں کوئی شام

اپنے بچوں کے نام سوچیں گے

تم ملے تو سلام سے پہلے

ہم نگاہوں سے تم کو چومیں گے

ہم اگر ڈیٹ پر بھی جائیں گے

28 جولائی
غزل

قمر آسی
@Qamar_Aasi

جگر میں آگ بھڑکانے لگی ہے

کسی کی یاد پھر آنے لگی ہے

مریض عشق بنتا جا رہا ہوں

طبیعت آپ پر آنے لگی ہے

اداسی پی رہی ہے خون میرا

بلائے ہجر جاں کھانے لگی ہے

جگر میں آگ بھڑکانے لگی ہے

28 جولائی
غزل

قمر آسی
@Qamar_Aasi

میں نے کچھ الفاظ لکھے اور فیصلہ اس پر چھوڑ دیا

اس نے وہ الفاظ پڑھے اور چپکے سے گھر چھوڑ دیا

تب سے میرے ہاتھ کو تتلی پھول سمجھ کر بیٹھی ہے

جب سے تم نے ہاتھ کو میرے ہونٹ لگا کر چھوڑ دیا

کہساروں کے بیچ سنہری جھیل کنارے میں اور تم

پھر میں نے آنکھیں کھولیں اور سارا منظر چھوڑ دیا

میں نے کچھ الفاظ لکھے اور فیصلہ اس پر چھوڑ دیا

28 جولائی
غزل

قمر آسی
@Qamar_Aasi

سیاہ شب نے شجر لپیٹا

مسافروں نے سفر لپیٹا

بچھا کے یادوں کا ایک بستر

فراق شب کی بسر ، لپیٹا

زمیں پہ مدت ہوئی مکمل

کرائے پر تھے ، سو گھر لپیٹا

سیاہ شب نے شجر لپیٹا

28 جولائی
غزل

قمر آسی
@Qamar_Aasi

چہرہ ہوا گلنار ، بڑھا رنگِ حیا اور

ہاتھوں کو ترے چوم کے جب میں نے کہا! اور؟

امروز کریں وعدہ ءِ توصیل کو ایفاء

ہوتا ہے تو ہو جائے کوئی ہم سے خفا اور

آ! اتنا قریب آ! کہ بدن جزوِ بدن ہو

اے دوست! مئے لمس پلا اور ، ذرا اور

چہرہ ہوا گلنار ، بڑھا رنگِ حیا اور

27 جولائی
غزل

قمر آسی
@Qamar_Aasi

آنکھیں نہیں ہیں؟ دل نہیں؟ یا پھر جگر نہیں؟

سب کچھ ہے میرے پاس تو پھر کر حذر نہیں

اب آ چکے ہیں آپ تو رہ جائیے یہیں

دل کو مقام کیجیے صاحب ڈگر نہیں

موتی ہیں بے شمار بھلے بحر عشق میں

بہتر مگر یہی ہے کہ اس میں اتر نہیں

آنکھیں نہیں ہیں؟ دل نہیں؟ یا پھر جگر نہیں؟

108

27 جولائی
غزل

قمر آسی
@Qamar_Aasi

تیری بانہوں کی پناہوں سے جو مینٹل بھاگے

دفع ہو ، شہر سے نکلے ، کسی جنگل بھاگے

وہ اگر دھوپ میں بارش کی دعائیں مانگے

آئیں گے اس کے لیے دیکھنا بادل بھاگے

اک جھلک دیکھتے ہی روڈ پہ جانے کتنے

چپلیں چھوڑ کے پیچھے ترے پیدل بھاگے

تیری بانہوں کی پناہوں سے جو مینٹل بھاگے

27 جولائی
غزل

قمر آسی
@Qamar_Aasi

اٹھتی ہے میرے دل میں غم کی کسک ابھی بھی

جب دیکھ لوں کہیں پر اس کی جھلک ابھی بھی

جس کوہ پر کبھی ہم بیٹھےتھے لمحہ بھر کو

اس کو مدام جھک کر چومے فلک ابھی بھی

مدت ہوئی کسی دن گزرا تھا اس گلی سے

مدہوش کر رہی ہے ہم کو مہک ابھی بھی

اٹھتی ہے میرے دل میں غم کی کسک ابھی بھی

168

27 جولائی
غزل

قمر آسی
@Qamar_Aasi

ہجر ہم کو ڈستا ہے ، یاد خوں رلاتی ہے

فرقوں کے موسم کی ہر ادا ستاتی ہے

چھوٹی چھوٹی باتوں پر روٹھنا نہیں اچھا

تم جو روٹھ جاتے ہو سانس تھم سی جاتی ہے

یوں تو اس پری وش کی ہر ادا قیامت ہے

پر نگاہِ ناز اس کی برق جو گراتی ہے

ہجر ہم کو ڈستا ہے ، یاد خوں رلاتی ہے

27 جولائی
غزل

قمر آسی
@Qamar_Aasi

فراق رت میں ہوئی جب ملال کی بارش

انہی دنوں میں ہوئی پورے سال کی بارش

یہ گلستانِ تخیل فنا نہ ہو جائے

زمینِ فکر پہ برسا جمال کی بارش

ترے سکوت سے چرکے لگیں سماعت پر

ترے کلام سے ہو اندمال کی بارش

فراق رت میں ہوئی جب ملال کی بارش

27 جولائی
غزل

قمر آسی
@Qamar_Aasi

آئنے بے لباس تکتے ہیں

ہم بچارے لباس تکتے ہیں

دیکھتے ہیں کچھ اور اہلِ عشق

عقل والے لباس تکتے ہیں

ہائے وہ جسم جس کو حسرت سے

سارے اچھے لباس تکتے ہیں

آئنے بے لباس تکتے ہیں

27 جولائی
غزل

قمر آسی
@Qamar_Aasi

رفاقت کی تمنا ہو تو تنہا چھوڑ جاتے ہیں

اجالے چھین کر سارے اندھیرا چھوڑ جاتے ہیں

میں کہہ تو دوں اسے اپنا مگر یہ سوچ کر چپ ہوں

کہ اپنے ہی مجھے اکثر اکیلا چھوڑ جاتے ہیں

مداوائے الم سمجھا جنہیں بھی اس زمانے میں

وہ دے کر درد کا اک اور صحرا چھوڑ جاتے ہیں

رفاقت کی تمنا ہو تو تنہا چھوڑ جاتے ہیں

27 جولائی
غزل

قمر آسی
@Qamar_Aasi

زندگانی کے ہر باب میں آنکھ ہے

آنکھ میں خواب ہے ، خواب میں آنکھ ہے

جسم اپنا ہے دو کشتیوں میں سوار

سندھ میں دل ہے پنجاب میں آنکھ ہے

چاند کو بھی وہ تکتے نہیں بے حجاب

ان کو لگتا ہے مہتاب میں آنکھ ہے

زندگانی کے ہر باب میں آنکھ ہے

27 جولائی
غزل

قمر آسی
@Qamar_Aasi

کہا تھا ناں ترا ہو کر رہوں گا

تو اب کیسے جدا ہو کر رہوں گا

میں اک سوکھا شجر ہوں جانتا ہوں

تو چھو لے تو ہرا ہو کر رہوں گا

کروں گا مس تجھے اور پھر ہمیشہ

معطر پھول سا ہو کر رہوں گا

کہا تھا ناں ترا ہو کر رہوں گا

27 جولائی
غزل

قمر آسی
@Qamar_Aasi

ایسا نہ سمجھ طاقتِ گویائی نہیں ہے

فطرت میں مگر میری خود آرائی نہیں ہے

وہ شخص بتا سکتا نہیں حسن کا مطلب

جس شخص نے دیکھی تری انگڑائی نہیں ہے

اچھا ہے مگر آپ سے اچھا تو نہیں گل

رعنا ہے مگر آپ سی رعنائی نہیں ہے

ایسا نہ سمجھ طاقتِ گویائی نہیں ہے

27 جولائی
غزل

قمر آسی
@Qamar_Aasi

اداس آبشار ، کوہسار بھی اداس ہیں

درونِ کاشمیرِ دل چنار بھی اداس ہیں

گلاب ہیں اداس کہ تمہارا لمس چھن گیا

گریز پا جو تم ہوئے تو خار بھی اداس ہیں

تمہارے پاؤں چومنے کو چھت کوئی ترس گئی

سکھائے جن پہ پیرہن وہ تار بھی اداس ہیں

اداس آبشار ، کوہسار بھی اداس ہیں

27 جولائی
غزل

قمر آسی
@Qamar_Aasi

تاب لا سکتے ہیں گر ان کی میاں تو دیکھیے

ان کی آنکھوں سے لپکتی بجلیاں تو دیکھیے

دندناتی پھر رہی ہیں حسن کے مینار پر

آپ زلفِ یار کی بد مستیاں تو دیکھیے

آنے والی ہے بہارِ لمس باغِ جسم پر

عارضِ جاناں کی ہائے سرخیاں تو دیکھیے

تاب لا سکتے ہیں گر ان کی میاں تو دیکھیے

27 جولائی
غزل

قمر آسی
@Qamar_Aasi

مت کرے اب وہ پیش و پس جائے

اس کو جانا ہی ہے تو بس جائے

یہ کہاں کی بھلا شرافت ہے

بندہ ملنے کو ہی ترس جائے

اس مقدس شباب سے کہہ دو

میں نے کر لی نگاہ مَس جائے

مت کرے اب وہ پیش و پس جائے

27 جولائی
غزل

قمر آسی
@Qamar_Aasi

رقیبوں پر تمہارے جب کرم محسوس کرتا ہوں

میں اپنی دشت آنکھوں کو بھی نم محسوس کرتا ہوں

میں بھی انسان ہوں پتھر نہیں ہوں اے مرے ہم دم

میں چپ رہتا ہوں پر سارے ستم محسوس کرتا ہوں

مجھے ڈر ہے کہیں مروا نہ دے حساسیت مجھ کو

ہر اک انساں کے غم کو اپنا غم محسوس کرتا ہوں

رقیبوں پر تمہارے جب کرم محسوس کرتا ہوں

27 جولائی
غزل

قمر آسی
@Qamar_Aasi

کچھ بجز اس کے خدا سے کبھی خواہش نہیں کی

وہ جو کہتا ہے کبھی آپ نے کوشش نہیں کی

اس کو مانگا تو نہیں مانگی دعائے جنت

اس کو دیکھا تو کسی اور کی خواہش نہیں کی

اس فسوں گر نے جونہی پھونکا طلسمِ دیدار

دھڑکنیں تھم سی گئیں، آنکھ نے جنبش نہیں کی

کچھ بجز اس کے خدا سے کبھی خواہش نہیں کی

27 جولائی
غزل

قمر آسی
@Qamar_Aasi

دیکھا تھا جس نے دانت کے نیچے دبا کے ہونٹ

بھڑکا گئے ہیں پیاس اسی اپسرا کے ہونٹ

میں نے سوالِ تشنگی اک خط میں جب کیا

بھیجے مجھے جواب میں اس نے بنا کے ہونٹ

لرزیں ذرا جو ہونٹ کوئی بات کرتے وقت

حسرت سے دیکھیں ایڑیاں اپنی اٹھا کے ہونٹ

دیکھا تھا جس نے دانت کے نیچے دبا کے ہونٹ

102

27 جولائی
غزل

قمر آسی
@Qamar_Aasi

دعائیں کرتا ، تمنا جسے بتاتا تھا

اگر نہ حال پہ ہنستا جسے بتاتا تھا

کجا گلاب کجا شوخی ءِ لبِ جاناں

نہیں ہے راکھ بھی سونا جسے بتاتا تھا

جوزخم اس نے ادھیڑے ہیں ٹھیک ہو چکے تھے

ہر اک مریض مسیحا جسے بتاتا تھا

دعائیں کرتا تمنا جسے بتاتا تھا

26 جولائی
غزل

قمر آسی
@Qamar_Aasi

فصیلِ قلب پہ قبضہ جمائے بیٹھا ہے

وہ ایک شخص جو میرا نہیں پرایا ہے

تمام شعر اسی کے رہینِ منت ہیں

مرے خیال پہ جس شخص کا اجارہ ہے

ہزار ذائقے ہیں اس بدن میں پوشیدہ

نہ صرف ترش نہ تیکھا نہ صرف میٹھا ہے

فصیل قلب پہ قبضہ جمائے بیٹھا ہے

26 جولائی
غزل

قمر آسی
@Qamar_Aasi

شمار کیجیے میرا بھی خاص لوگوں میں

کہ بانٹتا ہوں محبت کی پیاس لوگوں میں

وہ قہقہے نہ لگانے لگیں تو پھر کہنا

ہمارا ذکر تو چھیڑو اداس لوگوں میں

نصیب سامنے رکھتی جو اپنی بیٹی کا

برائی کرتی بہو کی نہ ساس لوگوں میں

شمار کیجیے میرا بھی خاص لوگوں میں

26 جولائی
غزل

قمر آسی
@Qamar_Aasi

ریشمی جال خوب صورت ہیں

آپ کے بال خوب صورت ہیں

کتنی دلکش ہیں آپ کی آنکھیں

آپ کے گال خوب صورت ہیں

سچ کہوں تو گلاب سے بڑھ کر

ہونٹ یہ لال خوب صورت ہیں

ریشمی جال خوبصورت ہیں

164

26 جولائی
غزل

قمر آسی
@Qamar_Aasi

آپ سے گر نہ رابطہ ہوتا

حال دل کا بہت بُرا ہوتا

کاش مل جاتی یار کی تصویر

کچھ نہ کچھ دل کو آسرا ہوتا

تجھ کمر پر میں اک غزل لکھتا

جس کا باریک قافیہ ہوتا

آپ سے گر نہ رابطہ ہوتا

101

26 جولائی
غزل

قمر آسی
@Qamar_Aasi

وجودِ خیش خدائے سخن سمجھتے ہیں

ہمارے شہر میں دو چار لوگ ایسے ہیں

سکوت ان کا گراں بار ہے سماعت پر

سنا تھا ان کے تکلم سے پھول کھلتے ہیں

سماعتوں میں مہک گھولتے ہیں شعر ان کے

درونِ بزمِ ادب جو خموش بیٹھے ہیں

وجودِ خویش خدائے سخن سمجھتے ہیں

26 جولائی
غزل

قمر آسی
@Qamar_Aasi

ہماری آنکھ ان سے کیا لڑی ہے

ہر اک ساعت قیامت کی گھڑی ہے

خطا چھوٹی سہی دیدارِ بے اذن

سزا لیکن بہت اس کی کڑی ہے

نہ مجھ سے چھینیے میرا تبسم

بہت مشکل سے یہ عادت پڑی ہے

ہماری آنکھ ان سے کیا لڑی ہے

26 جولائی
غزل

قمر آسی
@Qamar_Aasi

کیوں ظلم کو سہتے ہو صدا کیوں نہیں دیتے

جو دل پہ گزرتی ہے بتا کیوں نہیں دیتے

ہر جور و ستم کس لیے سہہ جاتے ہو چپ چاپ

باطل کے محلات جلا کیوں نہیں دیتے

ہر بار ہی مجرم کو بچا لیتے ہیں منصف

ظالم کو سرِ عام سزا کیوں نہیں دیتے

کیوں ظلم کو سہتے ہو صدا کیوں نہیں دیتے

105

26 جولائی
غزل

قمر آسی
@Qamar_Aasi

نام اس پر تمہارا لکھا رہ گیا

تختۂِ دل تبھی تیرتا رہ گیا

تیرے گھر سادہ پانی پیا تھا کبھی

میرے ہونٹوں پہ وہ ذائقہ رہ گیا

سارے اسمائے نکرہ ہوئے کالعدم

حافظے میں بس اک معرفہ رہ گیا

نام اس پر تمہارا لکھا رہ گیا

26 جولائی
غزل

قمر آسی
@Qamar_Aasi

گھومتے ہیں شہر میں جو لوگ بے پرواہ سے

مل رہا ہے فیض ان کو عشق کی درگاہ سے

حال کیا ہوگا حقیقت میں اگر وہ آ ملیں

گلستانِ جسم کھل اٹھتا ہے جب افواہ سے

عرضِ حالِ کربِ ہجرِ بے کراں ہے رائگاں

جب جوابِ عرض کا آغاز ہو اخّاہ سے

گھومتے ہیں شہر میں جو لوگ بے پرواہ سے

177

26 جولائی
غزل

قمر آسی
@Qamar_Aasi

خیالِ یار میں مجھ کو یونہی مدہوش رہنے دو

نہ پوچھو رات کا قصہ، مجھے خاموش رہنے دو

بنا جس کے کہے جس کی میں سب باتیں سمجھتا ہوں

مجھے اس کے لیے یونہی ہمہ تن گوش رہنے دو

سُنایا وصل کا قصہ ، تو میرے یار یوں بولے

کہاں تم اور کہاں اس کی حسیں آغوش، رہنے دو

خیالِ یار میں مجھ کو یونہی مدہوش رہنے دو

591

26 جولائی
غزل

قمر آسی
@Qamar_Aasi

بات ہوتی ہے تری تب ہی اثر رکھتے ہیں

قدر اشعار مرے کچھ بھی اگر رکھتے ہیں

زلف کی اوٹ میں ہے ایک شہابی صورت

یعنی اک رات کے سائے میں سحر رکھتے ہیں

لب و رخسار و جبیں دیکھنا دشوار مگر

ہم سرِ بزم ان آنکھوں پہ نظر رکھتے ہیں

بات ہوتی ہے تری تب ہی اثر رکھتے ہیں

117

26 جولائی
غزل

قمر آسی
@Qamar_Aasi

اک شام باغ میں نئی کھلتی کلی ملی

خوشبو بھی اس کے پاؤں سے لپٹی ہوئی ملی

تصویرِ یار لگ گئی اک روز میرے ہاتھ

سمجھو مرے ہوئے کو نئی زندگی ملی

گردن کے دو تلوں کی ہوئی جوڑی آشکار

ان کا طواف کرتی ہوئی روشنی ملی

اک شام باغ میں نئی کھلتی کلی ملی

162

26 جولائی
غزل

قمر آسی
@Qamar_Aasi

جسم جب تیر سے کمان ہوا

ہر تعلق بلائے جان ہوا

بے رخی نے جنم دیا ہے درد

ہجر کی گود میں جوان ہوا

میں بھی غمگین ہوں مگر جتنا

بعد تیرے مرا مکان ہوا

جسم جب تیر سے کمان ہوا

26 جولائی
غزل

قمر آسی
@Qamar_Aasi

ادھڑ گیا ہے جو پہلے لگایا تھا پیوند

قریب آ مرے ، پھر سے لگا نیا پیوند

کسی غریب کے بوسیدہ پیرہن کی طرح

لگے ہوئے ہیں مرے دل پہ جا بجا پیوند

تمہارے ہجر نے روزن بنا دیا دل میں

تمہاری یاد نے آکر لگا دیا پیوند