ہم اگر ڈیٹ پر بھی جائیں گے
لوگ شادی شدہ ہی سمجھیں گے
آؤ! مل کر گزاریں کوئی شام
اپنے بچوں کے نام سوچیں گے
تم ملے تو سلام سے پہلے
ہم نگاہوں سے تم کو چومیں گے
جاب گر چاہیے تو جینز پہن
باس فائل کو تھوڑی دیکھیں گے
صرف اس شرط پر ملیں گے ہم
آپ میری پسند پہنیں گے
ترے ہاتھوں سے مس اگر ہو جائیں
یہ مرے ہاتھ کتنا مہکیں گے
وار لب سے لبوں پہ کرتے رہو
اپنا وعدہ ہے سارے سہہ لیں گے
لمس تم پر خمار کرتا ہے
اور ہم اس کا فائدہ لیں گے
لطف لیں گے قمر وہ قربت کا
اوپری دل سے ہم کو روکیں گے

0
93