ایک دل ہے وہاں منتظر ، جاؤں میں |
راہبر راہ کر مختصر ، جاؤں میں |
شوقِ آوارگی دے اجازت مجھے |
دے اجازت مجھے اپنے گھر جاؤں میں |
کر رہا بھی نہیں میری چارہ گری |
چاہتا بھی نہیں چارہ گر جاؤں میں |
مانگتے ہیں جو رب سے مری زندگی |
ان کی آئے قضا ، اور مر جاؤں میں |
آنکھ نم ، سانس مدھم ، جگر پاش پاش |
تیرے جانے سے ہے اور اگر جاؤں میں؟ |
ہو گئی تجھ کو تسکیں عدوئے وفا؟ |
کر چکا دل عمارت کھنڈر؟ جاؤں میں؟ |
میں اکیلا نہیں رہ نوردِ خلوص |
ساتھ ہیں میرے شمس و قمرؔ ، جاؤں میں؟ |
معلومات