بھرم رہنے دو ، مت چھیڑو ملن کی رات کا قصہ |
پریشاں زلف کی باتیں ، دل و جزبات کا قصہ |
نہ پوچھو کیفیت مجھ سے خمارِ لمسِ جاناں کی |
بیاں کر ہی نہیں سکتا میں ان لمحات کا قصہ |
چلو مانا ہمارے میں نہیں ہے پیار کا رشتہ |
مگر پھر کیا ہے آنکھوں سے تری برسات کا قصہ |
متاعِ جاں سمجھتا ہوں تری قربت کے لمحوں کو |
وگرنہ زندگی تو ہے فقط اوقات کا قصہ |
ابھی مشغول ہوں اس کو خدا سے مانگ لینے میں |
ابھی کچھ دیر مت چھیڑو یہ اونچی ذات کا قصہ |
مجازی اور حقیقی کا تعلق یوں نہ سمجھو گے |
کبھی تم کو سناؤں گا نفی اثبات کا قصہ |
سنی جو داستاں میری ، پریشاں ہو کے وہ بولے |
بناؤ مت قمرؔ ایسے ، ذرا سی بات کا قصہ |
معلومات