کہیں سے آیا ہے رشتہ تمہارے بارے میں |
لگا یونہی نہیں دھڑکا تمہارے بارے میں |
مجھے تو خوف سا آنے لگا ہے رستے سے |
کہ پوچھ لیتا ہے سیدھا تمہارے بارے میں |
اس ایک خواب کا تاوان بھر رہے ہیں ہم |
وہ ایک خواب جو دیکھا تمہارے بارے میں |
میں ایک مصرع برائے سکوں اگر لکھوں |
یقیں ہے دوسرا ہوگا تمہارے بارے میں |
تمہارے بعد گزاری ہر ایک شب مجھ سے |
مرے لحاف نے پوچھا تمہارے بارے میں |
گلاب کھلنے لگے صفحہ ءِ محبت پر |
قلم نے جیسے ہی سوچا تمہارے بارے میں |
زمیں پہ ہونے کا مقصد یہی ہے پھولوں کا |
مثال جان لے دنیا تمہارے بارے میں |
ذرا بھی فکر نہ کر ملکہ ءِ شبابِ جمال |
کیا سوچتی ہے رعایا تمہارے بارے میں |
مزاج اس لیے شاہانہ ہے کہ رکھتا ہوں |
میں اپنے دل میں تمنا تمہارے بارے میں |
معلومات